السبت، مارس 08، 2014

في اﻻخر كلنا بشر

2 كلام قلوبهم

الصراحه تتقال كدا ... هنصبح بشر وبنى ادمين اما نعامل كل الناس بشخصياتها وليس بفلوسها وﻻ شهادتها وﻻ لبسها وﻻ شكلها
مش اعامل الشيك حلو والعادى وحش
مش اعامل شكل خارجى ظاهري انه ملتزم حلو وشكل ظاهري انه فري وحش
مش اعامل الغنى حلو والفقير وحش
مش اعامل المتعلم حلو والجاهل وحش
ملحوظة في فرق شاسع بين متعلم ومثقف
يعنى ممكن حد جاهل في نظرك يبقي مثقف اكتر منك
يوم بقي اما مش يبقي في حد تحت وحد فوق في التعامل يبقي كدا هقول مبروك بقينا بنى ادمين

دا تعليق علي الصورة اول ما شوفتها

الأربعاء، مارس 05، 2014

ثورة التغيير

2 كلام قلوبهم
احيانا نجد ملاذنا في السكون 

واحيانا في الضجيج 

احيانا نجد حياتنا بلا معنى 

نجد رساله معتاده في البداية 

احذر تم اعادة الامس 

عندما اجد احدهم يتذمر امام الروتين الحكومى

بضحك وبقول جوايا

" هو حضرتك بتصوت من الروتين الحكومى 

ومبتصوتش من روتين حياتك " 

امس هو باكر ... باكر هو اليوم

الفرح مش بيكمل ... الحزن مش بيخلص 
  
الهم بقي معشش 

 
بقي كله عايش يومه ... لا بيتقدم ولا بيتغير 

اصرخ طلع صوتك المبحوح

والغالبيه شاغلها الشاغل 

اقاويل الاخرون 


  " اوعى تعمل كدا الناس تقول ايه " 

ما طظ في الناس هو عاوزه اسال سؤال " اخر الليل كدا الناس بيجيوا يقعدوا معاك ويقولوا مالك ويشيلوا همك ؟! " 

(أشيل هم حد ملوش تلاتين لازمة في حياتى ليه غير انه يطلع نفسه الملاك البرئ الناصح الامين اللي مش بيغلط بتاتا)

طب هو في حد مش بيغلط ؟! 

كلنا بنغلط والغلط بيتفاوت بينا حسب التربيه 

اه هتقولي غلط عن غلط يفرق

لالالالا كله في الاخر اسمه  غلـــــــط

والكبير عندك صغير عند غيرك 

وعند غيرك اكبر وغيرك اصغر وغيرك لاشئ 
ولذلك 

اعلنت ثورة التغيير 

ثورة ثورة ضد استسلامى

ثورة في كل انحاء وجدانى

انا مش هسكت انا هتكلم 

انا انسان حر بيتعلم 

افشل انجح  انا بتعلم

انا من حقي اطير واغرد 

و اصرخ في كل كيانى

انا انسان مش تمثال

عندى مشاعر و احلام

لازم اتغير لازم اتطور 

لازم عقلي يصالح قلبي 

رسولنا الحبيب قالها زمان 

إفت قلبك وليس عقلك 

حلمك اخضر لازم ترويه

بارادتك ورغبتك فيه 

لازم يوم يشوف النور  






اعلنت ثورة التغيير 

اعلنت حلمى في التعبير 

اعلنت ارادتى وسط الكون 

انا انسان حـــر 














الخميس، فبراير 20، 2014

سوكا حبيبتى

4 كلام قلوبهم


اول يوم  جيتى فيه بيتنا 

كنت نايمة واخويا في الشغل ووسامعه  صوت نو نو

 كل اعتقادى ان بابا مثلا مشغل نغمة قطة مثلا

ومش عارفه انام والصوت مستمر قلت يمكن في الشارع 

بس هو الصوت هيوصل ليا من الشارع دا انا ساكنه في الرابع 

وكل الكلام اللي بيدور في دماغى ومفكرتش افتح عينى والصوت مستمر ............. 


قولت اما اقوم اقول لبابا تليفونك بيرن ولا حاجه 

ولسه بفتح عينى وهووووووووووب لقيت قطة 

وطبعا اللي يعرفنى يعرف انى بخاف وبترعب منهم 

وصرخت حتتة صرخة جابت سكان مصر وضواحيها 

وجريت وقلبي كان هيقف من الخضة 

ولقيت محمد بيضحك وبيقولي كل سنة وانتى طيبة 

ان ااااااااااااااان انها هدية عيد ميلادى 

وطبعا فضلت حوالي اسبوعين بجري منها وبصرخ واصوت وجسمى يتلج 

وخناقات مع محمد وحوارات

 شكلها عاجبنى بس من بعيد لبعيد 

ولو نمت الاوضة تتقفل واصوت اما  حد يفتح باب الاوضة وانا نايمه 

وفي ايام كنت بواصل سهر عشان خايفة انها تيجى جنبي وانا نايمة

بس هى بتحاول تقرب منى وانا كلا البتا 

لحد ما جه  يووووم كان كله مش موجود في البيت

 وانا وهى لوحدينا عاااااااااااااااا يانى 

لقيتها بتنونو شكلها كان جعان

صعبت عليا اوى قلت من جوايا انا هحطلها الاكل في طبق وخلاص

  طبعا سوكا تناكة الدنيا فيها 

اللي يسبلها الاكل في الطبق مش تقربله اساسا 

لازم ناكلهاحتة حتة

بدات احطلها الاكل حتة حتة ع الارض وهى تاكل

 وبعد ما شبعت لقتها بتقربلي وانا جسمى تلج من الرعب 

بس معرفش ليه حسيت انها بتحبنى ومش هتاذينى 

وفعلا ملست علي شعرها براحه ولقتها جميلة اوى وكيوت اوى

 ومن هذه اللحظة وبدات قصه الحب بينى وبين سوكا قطتى الجميلة 

بقت الحاجه الحلوة في حياتى كلها 

اما اروق الشقة تلعب معايا محسش بالوقت 

اما اجى اتفرج علي حاجه تقعد علي رجلي وتتفرج معايا 

وتنتبه اوى للي بيحصل 

لايمكن كنت اتخيل ان ممكن يجى يوم ويبقي عندى قطة وفي البيت معايا 




الخميس، يناير 30، 2014

انت ايه ... ؟؟!!

5 كلام قلوبهم


هل ممكن ظروف صعبة تخليك حيوان مش انسان

هل معنى انك محصلكش حاجه بتتمناها انك تبقي كلب مسعور ؟!

هل معنى انك عندك مشكلة انك تتمنى الشر لغيرك ؟!

انك تكون مصدر الم وازعاج للاخرين  !!

انك تبقي غيار من اللي حواليك !!

انك تعمل خطط لاذى الاخرين سواء بالكلام او الفعل !!

انك تدعى علي حد بابشع الدعاء رغم انه قدام الجميع كل ذنبه انه عرفك !!!!


معتقدش ان مهما مرينا بظروف صعبة نكون كدا او السماحه تروح مننا 

بجد قرفت من الاشكال دى استوب بقي عشان كل اللي حوالين النوعية دى ميستهلوش كدا 

بجد كونوا بنى ادمين دا الحيوانات تفوقت علينا في الرحمة 


الخميس، يناير 16، 2014

دنيا فانيه

2 كلام قلوبهم


جوايا صرخة مدوية 

تعلن رفضها للدنيا 

شئنا ام ابينا زايله

براها بهيه مغريه

جواها جارحه معبيه

اه منك يادنيا فانيه

وجعك فاق وعدا بيا

الأربعاء، يناير 15، 2014

دوامة

2 كلام قلوبهم


أصعــب شئ بمر به هو جهلي بما يدور حولي

اشعر كانى بدوامة لا اعلم متى الخلاص منها 


متى استطع القول ان روحى ردت لـــى 


ورجعت كما كنت سابق عهـــدى 


فتاة محلقة بين النجوم تبحر في عالم اخر


خاص بها هى وحـــــدها

ترسمه بخيالــها 

تلونه بقلبـــــها 

تعشقــــــه

هو فرحتها اللي سرقتها من الدنيا