عالم مولان

حكاية حب

2011-11-24T18:36:00.001+02:00

حكاية حب تتحكي في دواوين … تشوفها في نظرة من عيون الثائرين

تقول يارب حقق حلم كل المعتصمين .. دول صابرين ياناس علي اللتاتين

واجسامهم دروع لحماية رمز الحرية

ميـــــــدان التحرير

^^^

ميدان الحرية

أول اما تقرب منه بس تلاقي قلبك بيدق بيدق يدق

اول اما تدخله تحس بفخر وعزة نفس محسهاش حد

تحس انك متطمن علي البلد وعلي نفسك وعلي ناسك

تحس ان مش فارقه معاك اي حاجه في سبيل حرية مصر

تتضرب تتقتل تتصاب في عنيك

مش حاسس بوجع ولا يأس

حاطط مصر في عنيك

وهمك تعيش حر طليق

^^^^^

أول اما تسيبه وتيجى البيت

تفتح التليفزيون

تفتح الفيس بوك

تفتح تويتر

تسمع الناس

كلام يوديك وكلام يجيبك

وكله بيتكلم وهو مش شايف

كله حاطط رجل علي رجل ودا خاين ودا عميل

ودا بلطجى ودا قابض

مش في حد نزل وقال اشوف الناس دول مين

دول اخواتى اللي ماتوا عشان انا اعيش

وسط العتمة قلبك مقبوض وخايف

ولما ترجع لروحك من تانى

وتشوف إصرار الناس

تقول دا لايمكن يكونوا تايهيين

هناك كلنا بنطمن بعض وكلنا مش نعرف بعض بس خايفين علي بعض

كلنا زي بعض

تلاقي الناس البسيطة جنب المرتاحين

كلهم وحدهم كلمة لا للظلم لا للطغاه لا للظالمين

وشوش بريئة جميله بتهتف باعلي صوت

دم الشهيد غالى ياناااااااااس

كام بيت فيكي يابلدى مش له شهيد او مصاب

كاااااااااام حسوا بئا بدم الشهيد

اجمل المشاهد ،،

ست كبيرة بتقول كلام ولا يعرف يقوله اكبر الشعراء

ولامه حواليها ناس كتير

أصعب المشاهد ،،

الكلام موجه لبتوع كنتاكى

عند المجمع كدا في بلاعة بتخرج ميه والله العظيم لاقيت ناس بتتوضي من الميه دى

هتفضل ياتحرير ميدان الحرية والنصر باذن الله

ودى حكايه حب للميدان

^^^^^^^^

انا بحب الميدان دا جدا جدا

حتي في الايام العادية لما بروح اشتري لبس

اكل في كنتاكى

اعمل اي حاجه هناك

لازم أحس برهبه فظيعه

وحاجة بتخطف قلبى

بحب اتمشي هناك اوى والف علي المحلات

واستمتع باكل الايس كريم

بحب وسط البلد

بحبها جدا

أحـــــلامـــى

2011-11-12T19:12:00.001+02:00

أحــلام تتخلل كيـانى

تغوص في باطن احـلامى

تشــكل أروقة وجدانى

بريحان الحب الربــانى

تزيــن قلبي بالآمالى

وتجعل لحياتى معانى

حيـــاه وخلود لفؤادى

نــــور لجميع طرقاتى

أحلامى تكلل فرحاتى

وتهـــــون كل أحزانى

لــذا أتشــــبث بكى

مــــدى حيـــــــاتى

12/11/2011

تنبيه هام

2011-10-16T01:09:00.000+03:00

ياجماعه ياريت الكل يغير باسورداته وتكون معقده جدا

مدونة شمس النهار اتاخدت واتحذفت

يعني لو الاكونت المزيف رد عليكو مش هي خاااااااااااااالص

رجاء غيرو الباسوردااااااااااااااااات

كمين العباسية

2011-07-24T15:46:00.003+03:00

كمين العباسية

كل سنة وانتى طيبة يازواوتى " منونة درويش "

2011-07-03T19:40:00.002+03:00

بجد مش هقدر استني لبكره عشان اقولك كل سنة وانتي طيبة

كل سنة وانتي زواوتى يازواوتى

مش زيك طبعا في التصاميم يااروع مصممه

في جملة بجد لو فهمتيها كويس هتخليكي فخورة بنفسك وبتحبيها كمان

جمله كانت في الف مبروك قالها احمد حلمى

ما اعظم ان تكون غائبا حاضر

انتي من الناس اللي مش بحس اني مفتقدها مش لانك مش وحشانى

لا وحشانى بس في نفس الوقت معايا علطول وضحكتك وهزارك وكل شئ علطول مستمر

مش المدونة ولا الفيس ولا حتي الفون اللي بيعمل تواصل للناس

في ناس وشها في وش بعض لكن مش بيحسو ببعض

عارفه طبعا انك عماله تقولي رغاية طول عمرك ياكيارا فين الشيكولاته

عونيا دي صورة منها لحد اما ربنا يكتبلنا نشوف بعض تاني وادهالك

بذات نفساويتها

بحبك اوووووي يامنون

كل سنة وانتي طيبة يازاوووووواووووتى ؛)

اوعي تعيطي وتعملي زي حركة المترو انا بقولك اهوو

عاوزاكي فرحانة ومنشكحة اخر حاجه

اممممممممواه بوثه طايرة علي خدك ياقمر

25يناير

2011-03-06T22:49:00.001+02:00

كل ثانية بتعدى بحدث جديد

وكل اما نقول هنهدى ونستني التغيير نلاقي الاحداث بتلاحقنا وبقينا في عجلة بتجري بينا وبنجري بيها

لو وقفنا فجاه هنقع ولو وقفت هى هنقع بردو

من الاخر سيبونا يااهالينا نغير البلد دي

كانت معاكم ودمرتوها بسكوتكم خلوها معانا يمكن حماسنا واتحادنا يقومها من كبوتها تانى

الحزب الوطنى .. ارحمنا ياعم الحج كفايه عليك كدا ابعد عن البلد دي بكل سرطاناتك

المعارضين يامن كنتو مؤيدين واصبحتو عكس ذلك مش بخونكم ولا اقدر اقول دا لانكم مصريين زيي يمكن اختلفنا في طريقة تعبرنا لحب مصر

لكن ليا طلب بجد قارنو الفترات واقرو تاريخ وشوفو كم الفساد

اللي بيقولو ان شباب التحرير سقف طلباتهم مش بيخلص .. عارفين ليه مش بيخلص عشان اصلا بنلاقي الفساد اكبر من توقعاتنا

عشان اصلا فيه التوااااء في تحقيق المطالب .. عارفين محسسني اننا هناخد الطلبات دي ونحطها في جيبنا مااحنا بنطلب عشان البلد دي

واللي بيقول الاستقرار مليون مرة نقول مش احنا اللي مانعين الشرطة مش احنا اللي خرجنا البلطجية مش احنا اللي خلينا المحلات تتسرق مش احنا مش احنااااااااااا

نفسي اتكلم كتير بس فعلا مش في وقت للكلام العجلة شغاله وبتلف بسرعة وللاسف ردود الافعال بتخلينا نغضب اكتر ويكون رد فعلنا غير محسوب

انا من يوم الجمعة مش شاركت بحاجه :( وحاسه بإكتئاب بسبب دا امال اللي مش شارك من الاول بئا شعوره ايه ؟؟

مفتقداكم

2011-02-18T18:36:00.001+02:00

الحمد لله علي كل شئ

فات علي رحيلك 3 ايام بتماسك قدام الناس بس مع نفسي مش عارفه ياجدو

دايما بفتكر كلامك واحنا في المستشفى

ربنا يرحمك ويغفرلك ياجدى يارب انت وجدو محمود

بئا مش ليا جد

بس مش هنساكم وهتفضلو جوايا عايشين

بشكركم بجد علي كل حاجه حلوه عملتوها ليا

^^^^^^^

بشكر كل حد كلمنى فون او قالي البقاء لله بجد ميرسي اوي لوقفتكم جنبي

كنتو معايا بجد وهونتو عليا كتير

ربنا يكرمكم يارب ويرزقكم الفرح كله

اللهم احسن ختامنا

2011-02-15T23:12:00.001+02:00

النهارده ودعتك ياجدى

ودعتك بس مطمنه عليك

اصل موتك حلوة وخاتمتك احلي

اتصلي عليك في اكتر من مكان وبتتعملك كذا عمرة دلوقت

وانت بتتغسل قالو لينا في رضيع تاخدوه معاكم فرحنا وجبناله كفن واتدفن معاك

قبرك نور ياجدي

ربنا يثبتك عند السؤال ياجدى

واللي وصيت بيه نفذناه

وصيت ان صلاة جنازتك تبقي في السيده وقد كان

وصيت انك تدفن في البلد وقد كان

مش كنت اعرف اننا لينا عيلة كبيرة ومتفرعة كدا

كنت دايما تقولي وانا مش بصدق معقول اليوم اللي اصدق فيه تكون رحت مني

مش ناسية لما كنت في المستشفى وتقولي مش تسيبيني

وحشتني

بس انا مطمنه عليك

مهو انت بقالك اكتر من 25 سنة بتأذن

وكل سنة لازم تعمل عمرة او حج

واذنت في مكة كمان وكنت فرحان

عملك ياجدو شفته

كل اللي علي لسانى اني ادعيلك

انا لله وانا اليه راجعون

رحت للي احن عليك من اي مخلوق

بحبك

رد الجميل

2011-02-15T13:27:00.001+02:00

ياجماعه السيد الرئيس السابق حسنى مبارك

عملنا حاجات كتير اوعو تكونو ناكرين للجميل ابدا

اوعى يامصري ويامصرية الجحود والنكران يوصل لقلبكم

دا كان ملازمنا 30 سنة ازاي نعمل كدا في ابونا اللي كان حنين علينا ومش مخلي الاسرائليين يدخلو بيتنا

دا حتي لما الجنود المصريين بيتضربو علي الحدود كان بيروح يطبب علي اهلهم

ولما مصري اتسحل جاب حقه ولما مصري اتجلد جاب حقه

ازاي بعد كل دا تعملو كدا

انا شفت ناس بتبكي عشانه ومنهاره حرام علينا والله الجحود دا

لالالالالالا ازاي ياجماعه نخليه يرحل بدون ما نعمله 21 طلقه شرفيه زي ما عملنا للملك فاروق ونحييييه

اقولكم شوفو الفيديو دا

بجد هيقولكم اننا لازم نكون ايد واحده مع الشرطة ونحبهم كمان

عرفتو ليه لازم نرد الجميل

الملك فاروق لما رحل عن مصر اطقلت المدفعية 21 طلقه تحيه له

الحرس الملكى قاله ممكن نخلص عليهم رفض وقال مش ممكن اخلي في نقطة دم تنزل من مصري

وعشان كدا اتردله الجميل

دا بئا ارد جميله علي اي اساس فقد اراق دم اغلب المصريين سواء " الفقر – التعذيب – القتل – المرض – امن الدولة "

ومش في حد يقول الملك فاروق

دا برواز محطم كما تم في عصر مبارك

لكن هناك فرق الملك فاروق رفض اراقة دم مصري واحد

عكس مافعل السيد مبارك

ومش في حد يقول اصل هو مش هيكون مسئول عن 80 مليون مصري بيعملو ايه كما قيل لي

عمر بن الخطاب كان بيحاسب نفسه علي النملة

هتقولو العدد مش زي العدد

لا انا اتحملت مسئولية 10 لازم اكون ادها 20 لازم اكون ادها مليون لازم اكون اد مسئوليتهم لاني هتحاسب عليهم واحد واحد

ان مش كنت قد مسئولية حاجه اسيبها

مش اعمل مذبحه عشان افضل

لكل فعل رد فعل

والثورة الاول مش كان نيتها الاطاحه كانت نيتها العداله واننا نقول لا للظلم فين حق اللي ماتو

لكن الغريب ان لما كانو بيصرخو وبيقولو لا للقتل والظلم كانو بيتقتلو بردو

واضح واضح ان النظام القديم كان بيفهم بالعكس

طب كنا نقول بئا اقتلوناااااااااااااا يابشر

وساعتها كانو هيفهمو اننا بنقول لا للقتل

مش مسامحه في اي حق من حقوقنا كمصرييين

والحمد لله علي الخلاص

الفكرة اللي في دماغي

كل حد اكيد قريب منه صيدليه

عشان المريض اللي مش قادر يجيب حق الدوا

كل مصري يدي الصيدلية دي مبلغ مثلا عشان لما يجي مريض مش قادر علي العلاج ياخد من الرصيد دا

او ندي المبلغ دا لمسجد مثلا بتثقوا في شيخه واللي مش قادر يروح لمسجد المكان

كل اسبوع ننزل منطقتنا ننضفها بنفسنا مش لازم نستني انها تنضف لوحدها

كل منطقة تجمع مع بعضها ويجيبو حاجه تتحط فيها الورق واكياس الشيبسي والفضلات وكدا اللي بيرميها المارة وتتوزع علي المنطقة بدل ما يرموها في الارض

نزرع قدام بيتنا عشان الشجر بيخلي المكان جميل بدل ما ابني علي الاراضي الزراعية

كل 3 شهور اروح اتبرع بدمي في اي مكان

اسيب تليفوني في بنوك الدم عشان لو في حاله مستعجلة يكلموني

اروح المستشفيات اللي امكانيتها علي قدها واديها شاش وقطن واسعافات اوليه

مش لازم نجمع بعض عشان ندى مساعده

اروح ازور المرضي اللي في المستشفي اللي قريبه مني واسالهم هما محتاجين ايه

ومستشفيات الغلابة كتير

موضوع البورصة انا سالت خبير في البورصة قالي انه الوقت دا مش وقت شرا اول اما الاسهم توصل للثبات هيبلغني عشان كلنا لازم نشتري الاسهم عشان مش ندى فرصة للاجنبي انه يشتري في الاسهم المصرية

بالنسبة للمظاهرات الفردية والله ماوقته خالص خلي البلد تقوم وبعدها طالبو بحقوقكم يعني انتو كنتو بتتريقوا علينا ولما لاقيتو اننا جبنا نتيجه ومطمنين انكم مش هتتاخدو امن دولة بقيتو تتظاهرو !!

انتصرناااااااا انتصرنااااااااا

2011-02-11T19:27:00.001+02:00

انتصرنا يوم ماهب الشعب ثار

يوم ما اشعلناها ثوره في كل دار

يوم ما قلنا لا للدمار .. انتصرناااااااااااا

طبعا حليم هيموتني بس كان لازم ادون التأريخ دا وبعدين نقول بئا

خلي بالكو ان الثورة لسه مش اكتملت

نجاح الثورة مش باسقاط النظام فقط لا

بل وبناء نظام جديد مع ارساء قواعد الديمقراطية

والعدالة الاجتماعية كى تهدأ النفوس حقا

لحظتها بس هقول انتصرنا قلبا وقالبا :)

الحب مش بالشعار علي فكرة

2011-01-02T19:27:00.001+02:00

كان نفسي اصرخ بس مش لاقيت ليا صوت

فقلت كلامى زمان هو كلامي دلوقت هو كلامي بعدين

طرف ثالث اعادة نشر

كل سنة وانتى منورة الدنيا

2010-12-13T19:25:00.001+02:00

طبعا طبعا انا مش رجعت

انا بس فتحت المدونة عشان البت دي غاليه عليا

وبتمنى انها تفرح علي اد ما بتوزع الفرحه علي اللي حواليها

I LOVE YOU

فاكرة الاوتوجرافات اللي كنا بنكتبها واحنا طلبة

اهو انا لو قدامى اكتبلك واحد

هقول

شرف ليا وجودك في حياتى :)

بحبك

يووووووووه نسيت اقول عيد ميلاد مين

عيده ميلاد عسولتى

دودوووو عاشقة الرومانسية

نفسي افهم ليه

2010-10-29T23:20:00.001+03:00

من ينظر الى غيره فقط .. لا يرى نفسه .. لا يرضى بالمقسوم له .. لايرى نجاحه .. تصبح حياته مرتع للفشل :(

بجد انا نفسي اعرف بيفكرو ازاي

ازاي يبقي كل حياتهم التفكير في الغير

فلان جاب شقة – فلان الناس بتحبه – فلان نجح في الدراسه – فلان معاه عربيه – فلان بيقبض فلوس اد كدا – فلانه بتحب يابختها – دي مخطوبة وقرقر علي البت مش يعرفو ان ممكن تكون عندها مشاكل اد الدنيا ومش بتتنفس حتي بس مش بتتتكلم – دي فلانه متجوزة مهو ممكن مش تكون سعيده ولو خيرو الواحد بين انه يتجوز ويبقي عنده المشاكل دي وانه يبقي زي ماهو يرفض المشاكل بالجواز بكله – دي فلانة عندها عيال – دا عيالها ناجحين - دا كل شويه يشترو حاجه جديده

طب انا اسمع ان في واحده فضلت سهرانه طول الليل وتخبط راسها في الحيط عشان واحده تانية جابت شقة !!

كل دا في دماغهم طب بالله عليكم لما افكر في كل اللي حواليا بالمنظر دا

انا هنجح ازاي هركز في شغلي وحياتي ازاي نفسي افهم هما سايبين نفسهم كدا ليه

بدل اما تركزي في ولاد غيرك ركزي في عيالك وربيهم

بدل اما ابص لفلانه انها ناجحه طب خليني فيا اشتغل واتعب عشان انجح

مااللي ينجح ينجح واللي يجيب شقة يجيب واللي يتجوز يتجوز

ادعيلهم بالتوفيق ليه الحقد والغل علي خلق الله

من حمده زاده

احمدو ربنا علي نعمه

اما بنعمة ربك فحدث

والله انا تعبت من النوعية دي والمشكله انهم كتير اوي حوالينا

واحده بتتجوز وحاضرين فرحها مش يدعو ان ربنا يباركلهم في بعض

لا ازااااااااااااي

شفتي الفستان شفتي الحفلة متكلفة كام

والله الناس دي خلت الناس تكتم فرحتها

ربنا يهدى بجد

في الاخر

الحمد لله علي نعم ربنا التى لا تحصى

تابع تاريخ التبرع بالدم

2010-10-09T14:07:00.001+03:00

الجزء الاول من تاريخ التبرع بالدم

عاوزه اقول حاجه الكلام اللي انا كتباه انا كتباه في دقايق وهو بيتنفذ في ساعات بس عشان يكتشف اخد عصارة شهور وسنين ومراحل كتير

يلا نكمل

كانو بينقلوا الدم من غير تحاليل ومااكثر الامراض عندنا فكان المريض ياقلبي ياني هو اصلا تعبان خلقه تقومو تدوه دم فيه فيروسات كمان هو ملاحق اصلا علي اللي هو فيه دا اللي خلاهم يوصولوا لفكرة التحليل للدم قبل اما ياخده المريض وفي اماكن كمان بتحلل للمريض كمان عشان مش يكون عنده فيرس ويقول مش كان عندي وجالى من الدم .

كفايه رغي وخلينا في المهم

وكان من اهم المضاعفات المعروفة لنقل الدم في هذه الفتره هو نقل عدوى مرض الزهرى مما كان عامل مؤثر قاد الى اجراء تحليل الكشف عن الزهري للمتبرعين بالدم قبل تبرعهم .

اتبع ذلك اكتشاف لاندشتاينر سنة 1940 لمعامل ريسوس " RH" مما فسر ماكان يحدث من تكسير لكرات الدم الحمراء بالرغم من تطابق الفصيلة لبعض المرضي وقد فتح هذا الاكتشاف الطريق لمنع حدوث وعلاج حالات تكسير كرات الدم الحمراء للاطفال حديثي الولادة ، ان طرق تحديد مضادات كرات الدم الحمراء (Antibodies) ادت الي تعريف العديد من مجموعات المستضدات (Antigens) وجعلت من الضروري اجراء اختبارات التوافق بين دم المتبرع ودم المريض قبل اجراء عملية نقل الدم .

وفي اواخر الثلاثينات واوئل الاربعينات توصل الدكتور تشارلز دريو الى اكتشاف امكانية فصل الدم الي بلازما وكرات دم حمراء كما يمكن تجميد البلازما لحفظها وفي اثناء الحرب العالمية الثانية ونظرا للاحتياج الشديد للدم ومكوناته واستخدام نقل الدم لاول مرة بصورة كبيرة وعلي نطاق واسع تم تقدم وتطور خدمات نقل الدم فكان يتم تجميع الدم بزجاجات معقمة وفي خلال الاربعنات تم ظهور اول بنوك الدم المدنية والتى تعمل علي تجميع الدم علي نطاق واسع.

الاداة المستخدمة في نقل الدم المباشر بين المتبرع والمريض اثناء الحرب العالمية الثانية

ثم تتابعت بعد ذلك التطوارات فتم معرفة ان البلازما الطازجة تعالج مرض الناعور " الهيموفيليا " وان عملية تغيير الدم تمنع حدوث هبوط المخ الناتج عن ارتفاع نسبة البليروبين الناتج من تكسير الدم للطفال حديثى الولادة .

وفي الخمسينات قدم العالمان "كارل والتر" و "ميرفى" اكياس الدم البلاستيكية لحفظ الدم بدلا من القوارير الزجاجية مما قلل التلوث البكتيري للدم وساعد في امكانية فصل الدم " كرات الدم الحمراء – البلازما – الصفائح الدموية – الراسب القري (الكرايو ) " بطريقة مغلقة مما ساعد علي تخزينها لمدد طويلة .

استخدم مكونات الدم في العلاج بديلا للدم الكلي , اكتشاف المستضاد المسمى " استراليا " المصاحب للاتهاب الكبد الوبائي B مما ادخل تحليل جديد لضمان سلامة الدم في عام 1970 لتحديد المتبرعين الذين يحملون "HBsAg " ثم في خلال الثمانينات والتسعينات تم ادخال العديد من التحاليل لضمان سلامة الدم واهمها الخاصة بمرض الايدز والالتهاب الكبد الوبائى C والفيرس المسبب لسرطان الخلية الليمفاوية ( HTLV).

كما صاحب ذلك تحسين المحاليل المستخدمة لحفظ الدم وزيادة مدة صلاحية استخدام الدم من (21) يوم ACD وCPD الى (35 ) يوم CPD-A1 ثم الى (42) يوم باضافة محاليل إضافية الى كرات الدم الحمراء بعد فصل البلازما ( SAG-M,ADSOL) كما تم ادخال مرشحات الدم لازالة كرات الدم البيضاء المسئولة عن اكثر من 90% من مضاعفات نقل الدم .

وحديثا تم تطوير اجهزة الفصل الالي لمكونات الدم (SELL SEPARATOR) للحصول علي مشتقات الدم ( الصفائح الدموية – البلازما – كرات الدم الحمراء – الخلايا الجذعية ) بصورة نقية وبالجرعات العلاجية مما ساعد علي انتشار عمليات زرع النخاع في علاج كثير من الامراض .

حاجه اخيرة في تحليل كمان جديد اسمه تحليل الحمض النووي NAT ودا مش انتشر بين بنوك الدم معلوماتي انه في 3 اماكن بس لانه غالي جدااااا وكمان ادق جدااااااااا من تحليل الاليزا وان شاء الله هبحث عنه واجيبلكم كل حاجه تخصه

الجزء الجاي هيكون عن الاستخدام الامثل للدم

أسعداء بالخوض في شرف أخواتكم ( اعادة نشر )

2010-09-27T13:35:00.001+03:00

سوف اتحدث في موضوعي هذا عن قضيه هامه للغايه وكثيرا ماعانينا منها
كم من بنت في هذا العالم خيض في سيرتها
وشرفها كم من بنت وامراه وزوجه لم يتم مس سيرتها وشرفها بسوء الكلم
كم من فتاه خسرت حياتها بسبب كلمه من امراه مع امراه اخري
في احد الاسواق او احدي المواصلات العامه
كم من فتاه تركها زوجها او خطيبها لمجرد انه سمع عنها من فتاه
اخري كلام يسئ لها علي الرغم من انه من الممكن ان تكون هذه الفتاه
تغير من الفتاه الاولي
يااخواني
قال الله تعالي
{إن الذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم. يوم تشهد عليهم ألسنتهم وأيديهم وأرجلهم بما كانوا يعملون. يومئذ يوفيهم الله دينهم الحق ويعلمون أن الله هو الحق المبين}النور:23-25
وقال الله تعالي ايضا
**ولا يغتب بعضكم بعضا أيحب أحدكم أن يأكل لحم أخيه ميتا فكرهتموه**
و
أخرج البخاري ومسلم وأبو داود والنسائي عن أبي هريرة رضي الله عنه أن رسول الله صلى الله عليه وسلم قال { اجتنبوا السبع الموبقات , قيل يا رسول الله وما هن ؟ قال الشرك بالله , والسحر , وقتل النفس التي حرم الله إلا بالحق , وأكل مال اليتيم , وأكل الربا , والتولي يوم الزحف , وقذف المحصنات الغافلات المؤمنات }
والرسول صلى الله عليه وسلم هنا اعتبر رمي المحصنات الغافلات المؤمنات: من (الموبقات السبع) التي حذر الأمة منها والموبقات تعني المهلكات
يااخواني فلا نتخيل مدي الضرر الذي يقع علي اي بنت او امراه مطلقه او ارمله او متزوجه من هذه النميمه
اسمع احدكم يقول لي انه لا يجلس مع احد كي ياتي بسيرة الناس
اقول والماسنجر اخواني فلانه ذكرت كذا وفلانه قالت كذا
وهذه قالت وهذا قال
الي متي سنظل هكذا
الي متي نري عيوبنا ونسكت ونقول انا لم اضر احد بكلامي انا بوضح
حقائق فقط
الي متي ياخواني الاعزاء
لنفق قليلا من غيبوبتنا هذه
اسعداء بالخوض في شرف اخواتكم اعلموا ان ماتقوله في سيره احد
الفتيات
تدور الدائره ويقال علي اختك او امك او بنتك او زوجتك
مثلما قلت انت علي الفتاه سابقا
كما تدين اخي واختي تدااااان
كلامي جد في الموضوع ده ومش يمكن فيه اي نوع من المرح
لكن لا وقت للهزل الموضوع خطير بالفعل
فنري الغيبه والنميمه في كل مكان
في المترو وفي الطرقات وفي العمل وفي المنازل والشات كله يتحدث علي كله كله
ومن يقول ان هذه الفتاه هي من اعطت الفرصه للتحدث عليها
فيذكر الله في كتابه العزيز سورة النساء
وَاللاَّتِي يَأْتِينَ الْفَاحِشَةَ مِن نِّسَآئِكُمْ فَاسْتَشْهِدُواْ عَلَيْهِنَّ أَرْبَعةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّىَ يَتَوَفَّاهُنَّ الْمَوْتُ أَوْ يَجْعَلَ اللّهُ لَهُنَّ سَبِيلاً
الايه مفسره نفسها يعني المراه اللي عملت فاحشه معروف انها عملت
فاحشه ربنا سبحانه وتعالي قال استشهدو باربعه يعني بيصعبها
مش انها ادت فرصه حد يتكلم
يعني في كافه الاحوال لا يجوز ان احد يتكلم عن إمرأه سواء هي غلطت او لا
عملت الفرصه ان حد يتكلم او لا
اللهم ارحمنا يارحم الراحمين

في الاخر احنا مالنا باللي اتجوزت ولا اتطلقت ولا اتخطبت ولا بتحب ولا اترملت ولا ماتت حتي ولا حتي مشيها بطال

ياباي ايه سيرة الناس لبانه كدا

المفقوعه مرارتها كيارا

افراح

2010-09-23T20:10:00.001+03:00

يادبلة الخطوبة عقبالنا كلنا

الف الف الف مبروك لمحمد درويش اخو اخواتى التنتين

مني درويش وسارة درويش

ربنا يسعده يارب ويباركله في عروسته ويباركلها فيه ويتمم لهم بالف خير

بوكيه ورد للعروسين

تانى خبر

عيد ميلاد حنين القلب

كل سنة وانتي طيبة ياحبيبة قلبي ياوش الخير والسعد دايما

السنة دي عمر اتولد ومش بنوته

ربنا يباركلكم فيه ويكون قرة عين ليكي انتي وزوجكك

وتشوفيه عريس اد الدنيا وووشه فيه فرحة عمرك كله وهو جنب عروسته

الخبر التالت

هو عيد ميلاد ميرووو

كل سنة وانتي طيبة ياميرووو

ويارب السنة الجاية اشوفك عروسة انتي واحمد

وربنا ينور طريقكم ويهدييكم لبعض ويجمعكم في خير علي كتابه وسنة

نبيه محمد صلي الله عليه وسلم

وتجيبو قطاقيط كدا افرح بيهم

كل سنة وانتو طيبين وبخير وماليين الدنيا فرحه وهنا

ياميزانيات انتو ؛)

ربنا يسعد الناس كلها ياررب

تاريخ التبرع بالدم

2010-09-15T21:50:00.001+03:00

طبعا اتكلمت قبل كدا عن اهمية الدم وتركيب الدم ( ج1 – ج2 )

وقلت ليكو اني هكتب عن تاريخ التبرع بالدم كمان

^^^^^^

من زماااااااااااااااااااااااان وفي محاولات جبارة عشان الموضوع دا

بس بصراحة اول محاولة قريتعن الموضوع دا جالى تلبك معوي عاااااا

^^^^^^

- اول محاولة معروفة للعلاج بالدم كانت محاولة إنقاذ حياة البابا اننوسينت الثامن سنة 1492 م عن طريق جعله يشرب دم مجمع من ثلاث شباب صغار أصحاء و " لعدم المعرفة " فقد مات المتبرعين الثلاث وكذلك البابا " ضحينا بالام والاب والابن عشان الشعب يعيش "

-وفي عام 1615 م عرض " ليبافيس " طريقة لنقل الدم من شريان الى شريان لعلاج مريض منهوك القوى " حلوه منهوك دي اول مره اكتبها " ضعيف يتنفس بصعوبة بالغة ذو حيوية ضعيفة " وكان هذا قبل اكتشاف وليم هارفى للدورة الدموية الذى نشر في عام 1628 م .

- وقد اجري " لووار " اول عملية نقل دم الي حيوان في عام 1665 م .

وقد قام " جان بابتستى دينس " في عام 1667 بأول عملية نقل دم لانسان مريض بإستخدام خروف " خروف نقلوا دم من خروف الحمد لله ان مش في علي ايامهم توكتوك والا كانو نقلوا للمريض منه عاااا " ام هند بعد الخروف نقلو دم لنفس المريض من عجل صغنن مرتين اه ياضنايا مكنش يووووووومك حاسه بيك خدت دم خروف وعجل " المريض شعر بعرق غزيرررررر والم شديد بمنطقة الكليتين " والله كويس انه حس بكدا بس ومش مأمأ ولا حاجه "… وكان هذا الوصف اول وصف لحالة تكسير لكرات الدم الحمراء نتيجة النقل الخاطئ للدم .

وبموت احدى مرضاه تم منع إجراء نقل الدم بفرنسا .

ركزو معايا هما كمان كانو بينقلوا دم من غير مايعرفو هو فصيلته ايه ولا تحليل ايه يعني ولا بلاش تعالو نكمل احسن :)

- ومر 150 عام قبل ان يسجل " بلونديل " اول محاولة ناجحه لنقل الدم من انسان الي اخر تلتها بعد ذلك محاولات كثيرة بعضها ناجح والاخر فاشل دون ان تستطيعوا تفسير ذلك وظل الامر كذلك حتى اكتشف " لاندشتاينر " سنة 1900 م فصائل الدم الاربعة الرئيسية " ABO" وهنا تم تفسير حدوث عدم التطابق وتكسير الدم بعد نقله الخاطئ .

حلوووو اديبنا وصلنا للفصائل عقبال يارب اختبار الكروسماتش والثيرولوجى .

-في عام 1907 اقترح العالم " هيكتون " إجراء اختبار توافق بين دم المريض ودم المتبرع قبل نقله للمريض لزيادة امان نقل الدم عن طريق استبعاد الدم الغير متوافق .

-وكان " روبين أوتينبرج " اول من قام بنقل دم باستخدام تحديد الفصيلة واجراء اختبار التوافق وقد لاحظ ان فصيلة "O" يمكن استخدامها كمعطى عام لجميع المرضى بإختلاف فصائلهم

- وفى عام اوضح الدكتور " روجر لى " والدكتور " بي دى وايت " ان المريض ذو الفصيلة "AB" يمكن ان يتلقى دم من اي فصيلة اخرى اي اننا يمكن ان نعتبرها مستقبل عام .

^^^^^

_ كان اكتشاف الدكتور ريتشارد ليوسوهن مادة سترات الصوديوم عام 1915 وتقديم العالمان " فرانسيس روس و جى ار تيرنر محلول السترات – جلوكوز كمادة امنة وفعاله لمنع التجلط .. بدايــــة الطريق لتخزين الدم بعد تجميعه من المتبرع مما مهد لظهور اول بنك لحفظ الدم سنة 1917 في فرنسا اثناء الحرب العالمية الاولى بميدان القتال علي الخطوط الامامية بواسطة الكابتن رائد" اوزوالد روبرتسون" طبيب كندى متطوع في الجيش الامريكى وعالم الباثولوجى " فرانسيس بايتون رووس "

وتوالى بعد ذلك انشاء مراكز حفظ الدم في لندن وموسكو وروسيا ومصر

معلش بئا هفتخر في الحتة دي شويه وهتخدنى بئا الجلالة شوية نياهاهاها

والجدير بالذكر ان تفخر الاسكندريه بان نشأ بها اول مركز لنقل الدم في مصر بل وفي الشرق الاوسط كله في شهر اكتوبر عام 1932 حيث لم تكن توجد مراكز لنقل الدم الا في باريس وليون ولندن وموسكو ونيويورك ويرجع الفضل في ذلك الي الدكتور كارلو بنتو رئيس جمعية الاسعاف .

وفي عام 1937 انشأ د. بيرنارد فانتيس اول مركز نقل دم ملحق بمستشفى بالولايات المتحدة بمستشفى مقاطغة كوك بشيكاغو وكان هو اول من اطلق مصطلح " بنك الدم " علي مراكز حفظ ونقل الدم

^^^^^

الجزء الجاي هقول بئا موضوع تحاليل الفيروسات وRH اه لان كان كل اللي فات ومش بيتعمل تحاليل والمرضي بيجلهم عدوى فيروسات

^^^^

يتبع

احلام قلبي

2010-09-10T11:51:00.001+03:00

الاول مش عارفه ليه نفسي اكتب البوست دا

يمكن لاني عامله البوم علي الفيس ومسمياه احلام قلبي

وبحط فيه اللي نفسي انه يتحقق

بس انا مش نفسي اعبر بصور اد اما اعبر عن احساس جامد بحلم بيه

ليل نهار رغم خوفي الشديد

ماعلينا

^^^^^

يلا نبدأ

شايفه الدنيا بيضا اووووووي واوراق الشجر

والورد الروز نازل زي المطر من السما

خلاني احس اني فارده دراعي وواخده العالم بحضن كبير اوووووي

وانا بصلي العيد النهارده كان نفسي اووووووي اني مش انزل مع ماما وبابا

كان نفسي انزل معاه

وهو بعيد عني ومش ماسك ايدي عشان مش ننقض وضوء بعض

وبنسجد انا وهو في نفس اللحظه وبنقول يارب خلينا لبعض

وبنخرج من المسجد

وعنينا بتلمع من فرحة العيد

وبيمسك ايدي وحاضنها اوي عشان مش ابعد عنه

حلمت انه يكون امامي في الصلاه

يااااااااااااااااااااااه لما يحصل دا انا ممكن يغمي عليا فيها

اخيرا هقف ورا زوجى اللي بنيت في صفاته يوم بعد يوم من صغري

احساس لا يوصف

اني اقف وراه اكيد هيبقي نفس موقف بابا وماما

لما كان بابا بيصلي بينا انا وماما ومحمد اخويا وكنا سفاريت صغننه

احساس حلو اوي

اننا نقعد ادام التليفزيون في عز الشتا والدنيا تلج

وجايبين طبق لب وبنتفرج وانا ايدي زرقا ولما يلاقيني كدا

يقوم واخدني في حضنه ومدفيني

وانا انسي اني بتفرج اصلا واناااااام

طبعا مش هو دفاني بقلبه

بحلم باول لمسة ايد اللي طبعا هيكون اتفرس مني عشانها

عشان هيقعد يقولي نفسي امسك ايدك اقوله تؤتؤ بعد كتب الكتاب

يقولي مااحنا مخطوبين

اقوله تؤتؤ ممنوع

والاحساس الاحلي بئا انه يكون هو كمان مقتنع بدا

عشان لما نيجي نمسك ايد بعض

تبقي بركة حلال ربنا ضمنا لبعض اكتر

نفسي انا وهو ناكل سوا بس يالهووووي هو ممكن يبص عنيا

واحنا بناكل انا هيغمي عليا من الكثووووووف

بس اكيد احساس حلو اوي انك تاكل مع نصك التاني عيش وملح :)

وياااااااااااه بئا لما الدكتور يقوله مبروك المدام حامل

ويحس ان جوا بطني حاجه صغننه كدا ربطتنا اكتر ببعض

الحاجه دي كل يوم بتكبر جوايا وقدامه

وابننا بئا يقولي ياماما ويقوله يابابا

الله طعمها حلو اوي اوي

والاحساس الاحلي بئا اننا نكون فاهمين بعض

ويكون جوازنا هو بداية الحب مش مقبرته

احساس حلو اوي لما ابص في ايدى والاقي دبلته

في اي مكان اروحه هيكون حاضني بيها

مخلية اي حد ممكن يفكر فيا يقف

لا انا مش ملكك انا ملك زوجى

ملكك الله الكلمة دي طعمها حلو اوي

بعد كل اللي نفسي فيه اصلا

هيبقي وشي جايب الوان

هبقي مكسوفة اوي اووووووووووووي

داانا اصلا دلوقت لمجرد اني فكرت وشي بقي احمررررررررررر

والدنيا حررررررررررررر وشي بقي سخن ورحت غسلته بمية ساقعه :)

بس ياتري هيبقي شكلي كدا بعد الجواز

يالهووووي ربنا يستر وكل اللي بحلمه دا مش يطلع في الخيال بس

يارب اعيش دا مع الفارس اللي عماله ابني في صفاته يوم بعد يوم

ويارب كل البنات تحس الحاجات دي :)

بالله عليكو اللي يدخل هنا يدعيلي ان كل دا يحصل ازاي بئا مش عارفه

يارب حقق احلامي واحلام كل البنات والشباب والناس كلهاااا

العيد جه هيييييييييييه

2010-09-10T08:11:00.001+03:00

صباااااااااااااح الحب علي اغلي ناس

صليت صلاة العيد يارب دايما مجمع الناس يارب

شكل الاطفال حلو اوي ولعبت وزقططت

بس كل شوية يفرقعو بومب وصواريخ وانا اتنطر من مكاني

انا مبسووووووووووطة

فرحانه بالناس اللي مش تعرفني وبتقولي

كل سنة وانتي طيبة

كل سنه وانتو كلكو طيبين :)

كل حد يدخل هنا يعمل حسابه في مثاثه ليا بئا

كل سنة وانتم طيبين

2010-09-08T22:52:00.001+03:00

طبعا فرحانه ان العيد جه وزعلانه في نفس ذات الوقت

والبنات طبعا هي اللي هتفهم ليه

بفكر نعمل مظاهرة ضد الاعمال المنزلية انا تعبت عااااااااااااااااااااااااااا

مش ماما كانت تخلف تلات اربع بنات تتقسم الشقه علينا بدل

منا بعمل لوحدى عاااااااااااااااااااااااا

الدنيا صغيرة اوي

2010-09-07T15:43:00.001+03:00

حصل موقف صغنن النهارده بس كان رساله جامده من ربنا اني مش

اخاف وان ان شاء الله حلمي هيتحقق

اكتشفت النهارده ان زميلتي في الشغل اللي بقت صبحتي

من السنة اللي فاتت كدا

وكنا في البنك بنفتح حساب وهي بتطلع البطاقة

ونسيت وطلعت كارنية الكلية بالغلط

الاحظ البادج بتاع الكلية اقولها ورهولي

الاقيها كانت معايا في نفس الكلية

وقضينا فيها نفس الوقت

واننا كان طريقي وطريقها من البيت للكلية واحد

وبنركب نفس المواصلات

ومش خدنا بالنا حتي من بعض

وبعد سنتين

تلف الدنيا ونشتغل في نفس المكان

ونفاجئ بعد صداقة سنة كامله

اننا كنا زمايل دراسة

وان انا وهي كمان نفس العمر :)

الدنيا دي صغيرة اوي :)

بعد العيد بئا هبدا تاررررررررررريخ التبرع بالدم تاتاتاتا

كوووول سنة وانتو بالحب متجمعين

اللهم انك عفو كريم تحب العفو فاعف عنا

2010-09-05T19:56:00.001+03:00

2010-09-04T15:29:00.001+03:00

ميرسي لكلامكم بس انا امبارح بجد كنت متعصبة اخر حاجه

ورسالتي وصلت

وميرا انا متابعه مدونتك بس ليكي بوستات تخليكي مش عارفه

اعلق تقولي ايه

بشكركم جدا والواحد مش بيعرف الناس بسهولة

واديني بحاول اتعلم بس للاسف تلميذة فاشلة

مش لاقية عنوان

2010-09-04T02:31:00.001+03:00

عشان مش بحب اكون سبب في زعل حد

فمن الاخر وعلي بلاطة بئا

اللي بيكتئب وبيجيله ضيق تنفس لما بيشوف تعليقي في مدونته

يجي يقولي انا بيحصلي دا

وانا وعد مش هدخل مدونته تاني

وهحذفه من الريدر عندي

واللي مش عاوز يقول دا علي العام

يقولي مش تنشري التعليق وانا مش هنشره

وانا هكتفى بالناس اللي بتحب تشوفنى عندها

مش بهزر علي فكرة

وبس كدا خلصت كلامى

بمبي بمبي بمبىىىىىىىىى

2010-08-29T22:46:00.001+03:00

"بمبي بمبي الحياه بئا لونها بمبىىىىى

وانا جنبكو وانتو جنبىىىىىىىىىى"

عارفين احساس الطير وهو بين السرب وطايررررررررر

في صف واحد

"شفت شفت سحر الحب عامل فيا ايه

دوشه حلوه حلوه زي ماتكون سيمفونية "

كنا كدا واحنا بنعمل الفوانيس اللي جايبها فاتيما ؛)

"حتي قلبي اتجن وبيرقص باليه"

دا كان احساس كل حد فينا جاي بشوق ولهفه للخير

"بقي دا اسمه كلام ياهوو بشويش عليا

الهنا مزغلل عنيا مش بشوف غير بمبي بمبي

بمبي بمبي وانتو جنبي "

راجعه من اللقاء بجد نفسي ارقص واغني واقول للعالم افرحووووو

في لسه خير

حسيت ان الاغنية دي بتعبر ولو بشكل بسيط عن اليوم

بدأ اليوم اني رحت الشغل وعلي 12 كلمت خالد وقلتله هتوصل وامتي وكدا ولما توصل رنلي عشان اجيلكم

قلت اقعد في الشغل بعيدا عن اشعة الشمس وعلي الساعه 2 كلمني وقالي ان فاتيما جت

حبيبة قلبي اللي بموووووووووووووت فيها

المهم خدت شنطتي ورحتلها علطول وقعدت انا وهي وقالتلي احكيلي بقي عن كل حاجه قبل اما حد يجي وننشغل عن بعض يادوب عشر دقايق كدا وجه ابو الشهامة كلها خالد

" في ناس مهما توصف فيها مش هتوفيها حقها ولو اتكتب مليون كتاب وكتاب

خالد وفاتيما من الناس دي بجد "

ام هند جه استاذ خالد اللي في مستشفي ابوريش ودخلنا هناك

وطبعا قعد يسالني عن شغلي كدا لانه عارف انا شغاله فين

وبس وعملت فانوس ورسمت عليه قلوب هيييييييييييييييه

كنت مزقططه اوي بالفانوس :)

بعدها بئا جت رودي بصراحه زي الثكر

بصوا انا مش كتبت الاسماء اللي جت اللي عاوز يعرف ترتيب الناس يروح عند فاتي متفقييييييييين

المهم جت داليا وبعد اما جت عملنا كلنا الفوانيس وكنا بجد زي الثكر

ومحمود الدوح بطئئئئئئئئئئئئئئ بطئئئئئئئئئئئئ في التدبيس :)

المهم بعد شويه جت منونه حبيبتي حبيبتي

وكيكي خسيتي اوي يابت انتي بقيتي عثل اكتر من العثل :)

ولما خلصنا المستشفي اتجمعنا برا كدا واتجهنا للمطعم

وبعد اما خلصنا رحنا علي البورصة انا طبعا علي 9 الا شويه قمت جري لان طبعا كنت خايفه ان اليوم يتقلب فحلقي من بابا لما يلاقيني متاخره

ومصطفي ريان بيقعد يتريق انهم عاملين ليا ليمت للتاخير وهو الساعه 6

مع اني مش متضايقه من الليمت بالعكس بحس ان في ناس بتخاف عليا

طبعا قعدت اقول اللهم اكفينهم بما شئت عشان مش يزعلو مني اني اتاخرت

وفعلا مش عملولي حاجه لقيتهم مستنيني علي المحطة عشان مش امشي لوحدي وبس انتهي اليوم

رسائل

^^^^

فاتيما : بحبك اوي

خالد همس : انت جدع اوي اوعي تتغير

داليا : ربنا يجازيكي خير وبحبك بجد

منونه : اختي الحنونه

ريم : ارق انسانه شفتها بس ياعيني خست وشكلها تعبان خالث

كيكي : ثكر ثكر يانااااااااااس

سوني : انتي عثل اوي وحبيتك خالص

دعاء مواجهات : وحشتيني اوي اوي

رامي : بجد انت شخصيتك زي العثل وميرسي علي الشيكولاه

كريم : مش بحب اللي بيشرب السجاير بردو بس بجد انت حد كويس وبحترمك اوي

وليد : الجدعنه كلها ياعيني فضل رايح جاي علي المية

كركبة دماغ : عرفتك في الاخر بس انتي عثل اوي وفرحت اني عرفتك

بيطريه ومش بايدي : الثكر والادب والهدوء كله ياناس

حفيدة عرابي : انتي حد طيب اووووووي وسعدت بيكي اوي

نورا بنت خيخه : جدعه زي ماانتي وحشاني اوي

محمود الدوح : انت طيب خالث ياعيني كنت صعبان عليا منى

ايناس نهر الحب واختها ومامتها : بجد فرحت بيكي اووووي وبمامتك واختك

شفقة واحسان : فرحت اني شفتك تاني ياشفقتي وفرحت اني شفت استاذ احسان

احمد سكر : انت راجل بجد ربنا يحميك

مصطفى ابن منطقتي : طبعا الطيابة المعهودة ربنا يرزقك بخطيبة توافق تخرج معاك بعد الساعه 6 ؛)

سامح : فرحت اني شفتك السنة دي :)

رودى : مبسوطة اني اتعرفت عليكي اوي رغم اننا مش اتكلمنا كتير

ساجى : يالهووووووووووووووي بجد انتي نادر لما الاقي حد زيك رغم قوة شخصيتك الا انك دمك خفيف اووووووووووووووووي

مصطفى ابوزيد : ربنا معاك في الغسيل والمواعين ؛)

عاااااااااااااادل : وربنا لو مش كنت جيت كنت هزعل منك اوووووووووووي بئا

كيموووو : فكك يابني من اللي انت فيه و عيييييش

محمد بوكيه ورد : انت حد طيب اوي ومحترم اوووي سعدت بجد بلقاءك

عمرو : كل سنة وانت طييييييب

ضياء : اتاخرت لاول مره في التاريخ عن اللقاء اتحسدت يابني

ميرا – ابي - - منامينو

زعلت انكم مش جيتو طبعا ابي كان نفسي تبقي موجوده لكن السفر بئا ربنا يوفقك ياحبيبتي اما ميرا ومنامينو لن انسي لكم هذا الموقف

مش عارفه بئا ان كنت نسيت حد ولا لا بس والله فرحت اوي بيكووو

^^^^^^^^^

الاعتذار عن قلة زوقي في رفض الادد اللي بيجيلي علي الفيس

هتقوليلي انتي عندك اكونت علي الفيس ومش قلتي

هقول عشان كنت اقدر اعمل الصفحه دي كان لازم يبقي عندي اكونت

لكن انا قافله الاكونتين اللي عملتهم قبل كدا

وحذفت الاكونت بتاع الياهو وتقريبا مش بكلم حد علي الفون

وبصراحه كدا اريح ليا اوي وباعد عني مشاكل بصراحه انا في غني عنها

مش في اي وسيله طبعا للكلام غير ميل المدونة

واكونت الفيس دا مش فيه غير 15 فريندز

والله حتي مش ضايفه محمد اخويا فيه

يعني مش ضايفه غير البنات

ومش اي بنات

بنات انا شفتهم بعيني ان هما بنات

معلش بئا انا اتلدغت مره في موضوع البنات دا

فانا اسفه اووووووووووووووووووووووووووووووي

الفيس دا هو وسيله اتصالي باصحابي البنات

ومش بدخله كتير هو بشيك عليه مره في اليوم وبس

بعتذر لكل الشباب والله انا عارفه الناس اللي طلبتت اضافتي كويس

والله كمان انا بقدرهم اوي وبحترمهم جدا

بس انا قفلت بجد من اللي حصلي قبل كدا

والسلام عليكم ورحمه الله وبركاته

غدا لمسة حنان

2010-08-27T18:13:00.001+03:00

اتك تكه صغننه هنا

تابع تركيب الدم

2010-08-19T22:25:00.001+03:00

الاول قبل اما اكتب اي شئ بعتذر اني مش برد بس بجد انا نفسيا مش عندي قابلية اني اكتب ويمكن جالي موضوع الدم دا اني اظهر واكتب واتابع لكن غير كدا كنتو هتلاقوني طفشانة بس والله ببئا مبسوطة بكل كلامكم وتعليقاتكم :)

^^^^^^

ثانيا خلايا الدم البيضاء

تتميز بعدم وجود الهيموجلوبين ووجود نواة ولون هذه الخلايا شفاف لكن نتيجة لانعكاس الضوء فتظهر الخلايا تحت المجهر باللون الابيض ويبلغ عددها من 4.000 الى 10.000 في الملليمتر المكعب من الدم .

أنواعها :

يمكن تمييز خمسة أنواع من الخلايا البيضاء تحت المجهر ويعتمد هذا التمييز علي " شكل النواة واقسامها – نوع الصبغة التى تكتسبها الخلية "

أ – الخلايا الحبيبية وتشمل

- خلايا متعادلة : تمثل 60% من العدد الكلي وتكتسب صبغة حمراء.

- خلايا حامضية :يمثل حوالي 1 – 3 % من العدد الكلي – تكتسب صبغة زرقاء

- خلايا قاعدية : تمثل من 0 – 1 % من العدد الكلي .

ب – الخلايا غير الحبيبية :

- خلايا ليمفاوية :تمثل حوالي 20 – 45 % .

- خلايا احادية النواه: تمثل حوالي 1 – 8 %.

مكان تكوين خلايا الدم البيضاء :-

أ – الخلايا الحبيبية : تتكون في نخاع العظام الاحمر .

ب - الخلايا غير الحبيبية : تتكون في الانسجة الليمفاوية كالطحال والكبد والغدد الليمفاوية ومدة حياتها قصيرة جدا إذا قورنت بخلايا الدم فعمرها حوالي بضع ساعات في حالة الخلايا اللمفاوية ، ومن يوم الي يومين في باقي الخلايا البيضاء والخلايا البيضاء عادة ماتغادر الجهاز الدوري لتقوم بوظائفها .

التغيير في عدد خلايا الدم البيضاء :

1- يزيد عددها في الاطفال والحوامل وجميع حالات الامراض الحادة مثل الالتهاب الرئوي .

2- يقل عددها في حالات الامراض المزمنة كالتيفود وفي المجاعة وسوء التغذية وإذا تعرض النخاع الاحمر الي سوء " تلف ".

وظائف خلايا الدم البيضاء :

تقوم خلايا الدم البيضاء بالعديد من الوظائف المهمة وهي :

أ-الدفــــاع ضد غزو الميكروبات

فالخلايا المتعادلة مثلا بواسطة حركتها الأميبية تغادر الجهاز الدوري في اي مكان لملاقاة الميكروب حيث تلتهمه وتحلله وأثناء حرب الخلايا البيضاء مع الميكروبات يموت بعضها وهكذا يكون الخلايا الصديدية .

ب – تفرز الخلايا الحامضية مادة الهستامين التى تؤثر علي الاوعية الدموية فتسبب اتساعها كما تزيد في حالات الحساسية بالجسم .

ج- تفرز الخلايا القاعدية مادة الهيبارين التى تمنع تجلط الدم.

د- تفرز الخلايا الليمفاوية الاجسام المضادة التى إما أن تعادل سموم الميكروبات او تعمل علي ترسيب الميكروبات.

هـ – وظيفة الخلايا احادية النواه : مثل المتعادلة في التهام البكتريا ونظرا لكبر حجمها فلديها المقدرة علي التهام البروتوزوا المختلفة كالاميبيا وغيرها وكذلك تساعد علي التئام الانسجة .

ثالثا : الصفائح الدموية

وهي اجسام سيتو بلازمية ، صغيرة جدا بيضاوية وليس لها نواة ويبلغ عددها حوالى 150.000 الى 400.000 مم مكعب من الدم وتتكون في نخاع العظام الاحمر وفترة حياتها حوالى 10 ايام يأخذها بعد ذلك الطحال لتفتيتها وتحليلها.

وظائف الصفائح الدموية :

تسبب تجلط الدم حيث تتجمع عند ملامستها للهواء لتجلط الدم حتي لاتسبب النزيف وهى ليست لها شكل محدد تنزلق انزلاق طبيعى في الدم طالما ان سرعة الدم ثابته لا تتغير فدورها الاساسي هو تحويل المادة البروتينية السائلة الموجوده في الدم وهي الفيبرينوجين الى مادة صلبة تسمى الفيبرين وهى خطوط متصلبة تتجمع حول السطح الجلدى لتمنع خروج الدم من الجلد .

س سؤال : لماذا لا يتجلط الدم داخل الاوعية الدموية ؟

ج جواب : لان الدم يسري بصورة طبيعية بالاضافة الي وجود مادة الهيبارين التى يفرزها الكبد والتى توقف عمل الصفائح الدموية .

رابعا : البلازما

هى سائل شفاف قلوي التفاعل يميل الي الاصفرار ويبلغ حجم البلازما 55% من حجم الدم وتحتوي البلازما علي العناصر الاتية :

1- الماء ويكون حوالى 90% من حجم البلازما .

2- بروتينات البلازما ويبلغ حوالى 7% اي 7جرام لكل 100 سم تكعيب بلازما اهمها الالبيومين والجلوبيولين والفيبرينوجين .

3- مواد غذائية ممتصة من الامعاء واهمها الجلوكوز والاحماض الامينية والدهنية .

4- املاح غير عضوية : اهمها املاح الصوديوم والبوتاسيوم والماغنسيوم والكالسيوم …. الخ .

5- افرازات الغدد الصماء .

وظائف بروتينات الدم :

1- الالبيومين : بصفته المسئول الاول عن الضغط الأسموزي للدم فانه يحافظ علي حجم الدم وعدم تسرب سوائله للانسجة وهذا يحفظ لنا مستوي ضغط الدم اللازم حتى يصل الدم الي جميع اجزاء الجسم .

2-الجلوبيولين : تتكون منه اجسام مضادة تحمي الجسم من الميكروبات وسمومها وتعمل علي حصانة الجسم ضدها .

3- الفيبرينوجين : يساعد علي تكوين الجلطة الدموية عند الاصابة كما انه المسئول عن درجة لزوجة الدم اللازمة لتكوين المقاومة الطرفية التى تحافظ علي مستوي ضغط الدم .

4- كما يمكن للانسجة المختلفة في الجسم من استعمال بروتينات البلازما في تمثيلها الغذائي في حالة نقص البروتين في الغذاء .

5- تساعد علي المحافظة علي درجة حموضة الدم .

6- تحمل هذه البروتينات مواد حيوية مثل الحديد واليود والكالسيوم ولذلك فهي تحافظ علي هذه المواد وتمنع تسربها خارج الدم حتي لاتفقد خارج الجسم .

مما سبق نجد ان الدم يعطي صورة كاملة عن الحالة الصحية للجسم فان تحليل الدم يمكن ان يكشف مختلف العلل والامراض المزمنة كما يكشف ادق عمليات الجسم ومدي انتظامها .

كلمة علي جنب كدا

الله اكبر الله اكبر الله اكبر بجد الله اكبر

لان كل اللي انا كتبته دا اصلا مختصر جدا عن تركيب الدم لان تركيب الدم متشعب جدا فسبحان الله بجد انا بدمع بجد من انبهاري بخلق الله

البوست المره دي طويل شويه بس قلت لاني هاخد فترة علي اما اكتب الجزء الجاي لانه هيكون عن تاريخ نقل الدم الله مش انا تاريخ بردو :)

ومش تنسو حاجه

اضغط هنا

تركيب الدم .. كرات الدم الحمراء

2010-08-13T00:38:00.001+03:00

اتكلمنا في الجزء السابق عن اهمية الدم بالنسبة للانسان وفي الجزء دا هحاول اتكلم عن تركيب الدم

تركيب الدم

الدم هو سائل احمر يبلغ حجمه حوالى 5_6 لترات في الشخص البالغ وهو يتكون من سائلة تسمى البلازما يسبح فيها ثلاثة انواع من الخلايا هى :

أ _ خلايا الدم الحمراء

ب _ خلايا الدم البيضاء

ج _ الصفائح الدموية

وإذا منع الدم من التجلط وترك جانبا نجد ان الخلايا تهبط الي القاع لعلو كثافتها تاركة البلازما في الجزء العلوي كسائل شفاف مائل للاصفرار وقد وجد ان حجم الخلايا 45% من الدم وهذا يسمى " قيمة الهيماتوكريت " اما حجم البلازما فهو 55% .

" اولاً : كرات الدم الحمراء "

- هي كرات علي شكل اقراص مقعرة السطحين لها جدار رقيق وليس لها نواة وتحتوي بداخلها علي مادة الهيموجلوبين وهى عبارة عن مركب من الحديد والبروتين والهيموجلوبين هو الذى يعطى الدم لونه الاحمر

- ومن مميزات هذا المركب انه سهل الاتحاد بالاكسجين

- وعدد كرات الدم الحمراء في الرجل حوالي 5مليون خلية في المليمتر مكعب اما عددها في المرأة حوالي اربعه ونصف مليون خلية في المليمتر مكعب .

- س سؤال ؟ لية الشرايين لونها احمر اما الاوردة فهي مائلة للزرقة ؟؟

- ج جواب :)

عندما يتشبع بالاكسجين يصبح لونه احمر قانيا وذلك لتكون مادة " الاوكسي هيموجلوبين " وهذا يحدث عند تعرض الدم لضغط عال من الاكسجين كما يحدث في الرئتين .

وعندما يتعرض الاوكسي هيموجلوبين الي ضغط منخفض من الاكسجين كما يحدث في الانسجة فانه يفقد جزء من اكسيجينه ويصبح الدم مائلا الى للزرقة .

ايضا نجد ان الهيموجلوبين بيتحد مع ثانى اكسيد الكربون في الانسجة لكنه لا يتحد معه في الرئتين.

اماكن تكوين كرات الدم الحمراء :

يبدا تكوين خلايا الدم الحمراء من الاسبوع الرابع وحتي الشهر السادس من الحمل في " الطحال والكبد"

وفي الاشهر الثلاثة الاخيرة تتكون في " نخاع العظام وقليلا منها في الطحال والكبد "

وفي الاطفال والبالغين تتكون في " نخاع العظام الاحمر الموجود في العظام المفلطحة ك عظام الوجه والكتف والجمجمة والضلوع والعمود الفقري ونهايات العظام الطويلة كالفخد والعضد "

مصير كرات الدم الحمراء :

تؤدى هذه الكرات وظيفتها لمدة زمنية محددة وهي حوالى 120 يوم وبعد ذلك يلتقط الطحال الكرات التى هرمت والمتكسرة ليحللها فيخرج منها مادة الهيموجلوبين .

ويتم ايضا تحليل الهيموجلوبين لتكوين الصبغات الصفراوية التى يتخلص منها الدم بطردها مع عصارة الصفراء .

وكرات الدم التي تنكسر يحب محلها في الحال كرات جديدة في نخاع العظام.

الفقرة دي مهمة جدا جدا بجد

عوامل تكوين خلايا الدم الحمراء :

1- يجب ان يكون نخاع العظام سليما لانه اذا اصابه اي مرض او تلف كما يحدث في حالة التعرض لاشعة اكس او الاشعاعات الذرية او بعض السموم فان ذلك يؤدى الى نقص في عدد كرات الدم الحمراء.

2- يجب ان يحتوي الغذاء علي عنصر الحديد لانه يدخل في تركيب مادة الهيموجلوبين ويوجد الحديد في " السبانخ . البقول . التفاح .اللحوم . صفار البيض … الخ "

3- يجب ان يحتوي الطعام علي فيتامين ب12 الذي يطلق عليه العامل المانع للانيميا الخبيثة

وقد وجد ان هذا الفيتامين يتحد مع عامل اخر وهو العامل الداخلي والذي تفرزه المعدة ثم يمتص من الامعاء ويختزن في الكبد الى ان يستخدمه نخاع العظام وهذا الفيتامين هام جدا لاستكمال نمو خلايا الدم الحمراء.

وظائف خلايا الدم الحمراء :

1- عن طريق مادة الهيموجلوبين تحمل كرات الدم الحمراء الاكسجين من الرئتين الى الانسجة وتحمل ثانى اكسيد الكربون من الانسجة الي الرئتين للتخلص منه .

2-المحافظة علي مادة الهيموجلوبين داخل كرات الدم الحمراء حتى لا تتحلل وتتحول الي صبغات صفراوية او تفرز في البول .

3- تقوم كرات الدم الحمراء بدور هام في تنظيم تفاعل الدم .

سبحان الله بجد

يتبع :)

كل عام وانتم بخير

2010-08-10T23:48:00.001+03:00

كل سنة وانتم بخير

موضوع الدم انا هكمله باذن الله بس ادعولي اخف

رمضان كريم عليكو وربنا يستجيب دعائكم ويسعدكم كلكم

بحبكم اوي

اهمية الدم بالنسبة للانسان

2010-08-07T22:12:00.001+03:00

كنت قلت اني هنزل بوستات عن التبرع بالدم واهمية الدم لكن بما اني عملي في نفس المجال فحبيت ان لما انزل بحاجه تكون متخصصه مش من موقع او منقوله فكلمت المدير وقلتله طلبي اني عاوزه اكتب عن الدم واهميته وضرورته للانسان بصراحه بشكره لتعاونه معايا واداني الدتا اللي بكتب منها مش شفهي فمصدري موثوق منه والحمد لله ولاني كنت فاكرة ان الموضوع هضربه في بوست ولا اتنين واخلص لكن لما قريت لقيت ان الموضوع كبير جدا جدا وممكن اقعد اكتب فيه شهر معايا ومعاكم ربنا لكن انا قررت اني هكمل الموضوع للاخر اولا عشان نعرف الدم دا هو ايه بالنسبه لينا وبيعمل ايه ولما بنفقده بيحصل ايه ونفهم كل حاجه ثانيا : عشان لما حد يتبرع بالدم في اي مكان يبقي فاهم هو بيتبرع ليه يلا نبدا وبلاش رغى

اهمية الدم بالنسبة للانسان

الدم هو ينيوع الحياه الذي يجري في عروق الانسان فمع كل دقة من دقات القلب يتجه 20 % من الدم المتدفق من القلب الى المخ مباشرة حاملا اليه الاكسجين الضرورى للحياه , وذلك منذ اليوم الذى يتم فيه الاخصاب للبويضة عن طريق الحيوان المنوى .

وظائف الدم:

1 _ عملية التنفس : يحمل الدم الاكسجين من الرئتين الى الانسجة وكذلك ثانى اكسيد الكربون المتولد من نشاط الانسجة الى الرئتين .

2 _ التغذية : يحمل الدم المواد الغذائية الاولية التى تمتصها الأمعاء الى الخلايا المختلفة لاستعمالها في انتاج الطاقة اللازمة لنشاط الجسم.

3 _ عملية الاخراج : يقوم الدم بحمل الفضلات الضارة المتبقية نتيجة لعملية التمثيل الغذائى في الجسم وذلك من خلال اجهزة الاخراج كالكلى والجلد فيتخلص منها الجسم عن طريق البول والعرق.

4 _ المناعة : يحتوى الدم على خلايا الدم البيضاء كما انه ينتج الاجسام المضادة التى تقوم بدور اساسي في حماية الجسم ووقايته من الامراض.

5 _ التوازن المائى للجسم : ينتقل الماء بسهولة بين سوائل الجسم المختلفة ( سائل الخلايا وسائل مابين الخلايا ) ويساعد الدم في حفظ توازن الماء بالجسم بحمل الماء الزائد لاحهزة الاخراج بحيث يكون هناك اتزان بين مانحصل عليه من ماء عن طريق الشراب والطعام وبين مانفقده عن طريق البول والعرق.

6 _ تنظيم درجة حرارة الجسم :يقوم الدم بامتصاص الحرارة من الاعضاء الداخلية والعضلات واثناء انتقاله منها الى الاعضاء الخارجية وتحت الجلد يمكن للجسم ان يتخلص من الحرارة الزائدة عن طريق الاشعاع والتبخر.

7 _ تنظيم عملية التمثيل الغذائى :يحمل الدم الهرمونات وبعض المواد الهامة اللازمة لتنظيم عملية التنظيم الغذائي في الجسم.

8 _ حفظ الضغط الاسموزى للدم وسائر الانسجة :وذلك بفضل بروتينات البلازما وهذا الضغط لازم لحفظ حجم الدم وتكوين سائل الانسجة والبول .

يتبع

تاج

2010-08-05T23:27:00.001+03:00

ازيكم عاملين ايه .. تاج من محمود

السؤال الاول

رتب الاتى حسب اهميتها بالنسبه لك

الصداقه _ الحب _ العائله_ المستقبل _ المال

الحب

رقم واحد

بالتالي هكون ناجحه مع بقية القائمة:)

السؤال التانى

اجب عما يلى

عرف الحب فى جمله صغيره ( حب الحبيب و الحبيبه) ,

امان

وهل يمكن ان نعيش بدون حب (الحبيبه او الحبيب برده ) ؟؟؟

يستحيل وجود حياه بدون الحب

2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟

احتوينى

3- ياترى إيه أكتر حاجة بتكرهها فى الحياة ؟؟؟

الغدر

4- لو هتتمنى أمنية قبل ما تموت هتبقى إيه

احج – واتجوز بس مش اي جوازه

5- مين أكتر حد محتاج تشوفه وترتاح فى حضنه أو تبص فى عنيه ؟؟

زوجى باذن الله

6- مين أكتر حد نفسك تخسره ؟؟؟

……

7- من وجهة نظرك ... إيه هى الحياة ؟؟؟

البحث عن المفقود

8- ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟

لا

9- ياترى تقول إيه للعالم كله ؟؟

ارحمونا كفايه

10- ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟؟؟

وايه يخليني اخسر اللي حواليا من حلمي دا حلمي مش حلمهم

11- ياترى إيه أكتر إحساس عشته الايام اللى فاتت ؟

ضغط حتي الانفجار

بتمررى التاج دا لمين ......

اي حد

خلطبيطة

2010-07-31T20:52:00.001+03:00

دماغي هتنفجر ونفسي اكتب كتير وفي مواضيع كتيره ومشتته وكل اما اكتب حاجه اجي عند اول سطر واقف واقول لا مش هينفع

يعني كنت هكتب عن حاجات جوايا خاصة جدا وبعد كدا قلت

لا مش هينفع مش ناويه اكتب تاني حاجه جوايا

خاصة هنا في التدوين

ليه؟

عشان اكتشفت متاخر ان كل شئ سلاح ذو حدين

زي ما في ناس بتحبك وبتقربلك لما بتكتب بكل تلقائية

هتلاقي بردو في ناس بتاخد دا ضدك

ال يعني عارفه عنك كل حاجه

وكنت هكتب عن كذا موقف شفته في الشارع

وبجد كل موقف ينم عن وعي فزززيع مريييييع

منهم مثلا

واحده في المترو وقاعد قدامها ابنها عنده 3 سنين او ازيد سنة

المهم الولد كان بيشرب عصير

خلص العصير واداها العلبه فاضيه راحت ادتهاله تاني وقالتله ارميها من الشباك الولد رفض راحت مسكت ايده وحطت فيها العلبه وهي مازالت ماسكه ايده وودتها علي الشباك وحدفت العلبه من الشباك وبعدها قالته شاطر !!

طب علقو انتو علي الموقف بلاش انا

كنت هكتب عن حاجه كمان وهي جروب الدعاء ياريت بجد ندعي من قلبنا بظهر الغيب لاي حد مهما كان لان في ناس كتير بجد محتاجه اننا ندعيلها

حاجه اخيرة

يمكن من رمضان اللي فات لرمضان دا " يارب بلغنا رمضان انا وكل الناس "

اكيد في ناس انا زعلتها وغلطت في حقها بقولهم انا اسفه وسامحوني من قلبكم

واكيد في ناس غلطت فيا وجرحت فيا من قدامي او من ورايا واي حد جاب سيرتي مهما كان فانا بقولهم انا مساااااااااااااااااااااااااااااااااااامحه من قلبي والله العظيم

مرجيحة

2010-07-30T14:18:00.001+03:00

بنلف فى دواير و الدنيا تلف بينا

دايما بننتهى لمطرح ما ابتدينا

طيور الفجر تايهة فى عتمة المدينة

بتدور

ما بنكتبش الرسايل ما بنتظرش رد

لا حد فى يوم سمعنا و لا بنسمع حد

طيور العمر تايهة فى عتمة المدينة

بتدور

ساكنين فى عالم يعشق الخطر

فيه الطيور تهرب من الشجر

و تهرب النجوم من القمر

و تهرب الوجوه من الصور

بنلف فى دواير ندور على الأمان

و نلائينا رجعنا تانى لنفس المكان

ندور ندور ندور

نحلم و نحلم بالحياة المفرحة

و اتارى احلامنا بلا اجنحة بلا اجنحة

ندور ندور ندور بجناح حزين مكسور

ساعات نشوف فى العتمة و ساعات نتوه فى النور

ساعات عيونا بالاسى تفرح وساعات فى ساعة الفرح ننوح

البقاء لله

2010-07-23T16:32:00.001+03:00

انا لله وانا اليه راجعون

انتقلت الي رحمة الله جدة منونا وسارة درويش

كل من عليها فان ولا يبقى إلا وجه ربك ذو الجلال والإكرام

اللهم إغفر لها وإرحمها واجعل قبرها روضة من رياض الجنة

ولا تجعله حفرة من حفر النيران

اللهم نقها من خطاياها كما ينقى الثوب الأبيض من الدنس

اللهم آنسها في وحدتها

اللهم أبدلها دارا خير من دارها

اللهم عاملها بما انت اهله

اللهم ثبتها عند السؤال

اللهم ارحم المسلمين والمسلمات الأحياء منهم والأموات

اللهم الهم اهلها الصبر والسلوان

منون انا فعلا مش بعرف اتعامل في المواضيع دي بس بدعيلك ياحبيبتي ان ربنا يصبركم كلكم

(تحديث ) يارب اصلح حالنا

2010-07-16T13:33:00.001+03:00

تحديث هام

اولا دا لينك الصفحه علي الفيس واللي هكتب فيها

الاشخاص والدعوه اللي عاوزين ندعلهم بيها

اضغط هنا

ثانيا ياريت اي حد يعرف ريري صاحبة مدونة فضفضة علي الماشي

ياريت ندعيلها هي محتاجنا جنبها اوي

بصوا انا عاوزه اتكلم في حاجتين بس نفسي اتكلم فيهم زي منا بتكلم مع حد قدامي وبتكلم عادي

طبعا كل واحد في العالم دا عنده مشكله جواه وتعباه في اللي بيقدر يظهرها وفيه اللي بيخبيها جواه

لكن في الاخر كلنا مهما كان فينا جبروت واخطاء ومراكز وسلطات الا اننا كلنا مفيش فاضيين ومساكين اوي

وبنطلب من المقربين لينا انهم يدعولنا بالخير

فقلت طيب ما انا بطلب من صحابي يدعولي ان ربنا يكرمني وانه يحقق حلمى

وصحبتي بتطلب مني وهكذا

فقلت طيب وليه مش نستغل فكرة اننا مدونين وممكن الطلب دا يوصل لناس كتير

وهو ان كل يوم نحدد شخص كلنا ندعيله

بمعني

مثلا نختار كلنا فاتيما ندعيلها ان ربنا يجمعها بيوسف

يعني

ان انا وانت وانتي وكل حد يقرا الصفحه دي او توصله الدعوه دي هيدعي يوم السبت في كل سجده وهو ماشي وهو بيشرب وهو بيصلي وهو بينتهي من الاكل وبيقول ربنا يحفظلنا النعمه وهو قايم وفي بيفطر لو صايم انه يدعي لفاتيما

تخيلو كم واحد هيدعي في نفس اليوم وتخيلو التضامن وعدم الانانية وسبحان الله بردو لما ندعي لغيرنا اكننا بندعي لنفسنا

واليوم اللي بعده يكون منونه مثلا واللي بعده حد تانى يقترحه واللي بعده فلان يتحدد تكون حد هيولد مريض مثلا يكون مثلا شاب مقدم علي شغل وطالب اننا ندعيله

واحده هتتجوز باذن وندعيلها ان ربنا يوفقها وهكذا

وربنا يستجيب باذن الله

ايه رايكم انا عن نفسي هنفذ الفكرة دي وهخصص كل يوم لحد من اصحابي واتمني انكم تشاركوني فيها حاجه بسيطة اوي لكن يااااااااه لما تعرف ان فلان ربنا كرمه وفرحه متعه بجد :)

*****

الحاجه التانيه وهي الخاصة ببنك الدم

يمكن انا ناو بجمع الداتا اللي اخدتها من كتاب المدير بتاعي وناويه انزل المختصر المفيد باذن الله

لكن بج والله الفكرة جامده انا كتير بيجي الشغل اطفال من ابوريش وغيره محتاجين دم وللاسف فصايلهم نادرة

وليا طلب كمان اللي فصيلته نادرة يعني negative اي كاانت مش يتبرع ويكون تحت الطلب لان الفصيلة دي نادرة للاسف

ام هند

دي المدونة الخاصة ببنك الدم

ودا جروب الفيس

ودا صفحة الفيس

ولحد الان انا مش عارفه مطلوب مني ايه عشان اقدر اساعد في الموضوع دا عااااااااااااااااااااااااا

صراع الجبابرة آن آن آآآن آه تش

2010-07-09T19:35:00.001+03:00

تيمون : بومبا بومبا بومبا الحق كيارااااااااااا

بومبا : فيه ايه ياتيمون خضتني مش عارف انام شويه

تيمون :كيارا هناك عند ابن سكار

بومبا : يالهوي يلا نلحقها

تيمون : اجري يابوبما انت بطئ كدا ليه

تيمون : كيارا ايه جابك هنا

كيارا:مهو اص اص

تيمون : من غير تهته يلا بينا تعالي معانا والا هنجبلك سمبا

كوفو :مش فى حد هيمشي من هنا الا لما كيارا ترد علي اسالتى

تيمون : لا هنمشي وابقي امنعنا بئا

كوفو : دا تهديد

تيمون : لا دانا بقول لكيارا تجاوب اهو يلا جااااااااااااااااااااااوبي عاااااااااااااااااااا

كوفو :ماذا ستكتب لنا لتعبر عن حياتك التي عشتها إلى الآن في كلمات قليلة ؟

كيارا : حياه متفائلة يتخللها بعض العقبات والاحزان الطبيعيه

^^^^^^^

كوفو : اذا اردت ان تبكي الان , فعلى من تبكي؟

كيارا : على فراق جدى وحشتني اوي اوي بجد

^^^^^^

كوفو :من ستختار ليمسح دموعك ؟

كيارا : انا

^^^^^^^

كوفو :لو خيروك بين حبيبك وبين اعز صديق فمن تختار ؟

كيارا :مش في وجه للمقارنه والاختيار لان كل حد له مكانه تختلف عن الاخر لكن لو الحبيب دا زوج هيبقي الحبيب

^^^^^^

كوفو :من يسكن قلبك؟

كيارا :ناس حستها وحبتها بكل جوارحي

^^^^^^

كوفو: هل تعتقدى ان حظك سيئ؟

كيارا :لا الحمد لله بالعكس انا الحمد لله ربنا رازقني حلو اوي وبحمده وبشكر فضله عليا

^^^^^^

كوفو : هل هزمك حزنك في يوما من الايام؟

كيارا : نعم لكن بينى وبين نفسي

^^^^^^^^

كوفو :.((مستحيل انساك)) لمن تقولها ؟

كيارا :لناس اخدت مكانه جوايا وحصل بعاد

^^^^^^^^

كوفو :(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

كيارا : لما اضيع حلمى

^^^^^^^^

كوفو : (( انت كل شيء بحياتي )) لمن تقولها ؟

كيارا :حبيبي ان شاء الله

^^^^^^^

كوفو : متى اخر مره بكيت؟

كيارا : الاحد 25/04/2010

^^^^^^^^

كوفو : هل لديك الجرأه ان تقول عمرك أمامنا؟

كيارا : 24 مواليد 29/09/1985

^^^^^^^^^

كوفو : هل انت راضي عن نفسك ؟

كيارا : بالطبع راضيه باللي جوايا اوي وحاسه اني مرتاحه اوي وعندي صفاء داخلي ومصالحه نفسي لكن طبعا عاوزه اطور منى

^^^^^^^^

كوفو : هل تؤيد الزواج العاطفي ام الزواج التقليدي ؟ ولماذا ؟

كيارا : العاطفى

لاني بصراحه مش متخيله اني اتعامل مع حد مش عارفني ولا حاسس بيا لاني محتاجه معامله من نوووووووع خاااااث هوبليس كيس بئا ههههههههههههه

كذلك انا لو حد مش حباه ومش حساه ممكن اخليه يكره اليوم اللي فكر يتقدملي فيه اه والله اصل اللي جوايا بيظهر عليا علطول فلو مخنوقة من حد بيبان علطول ولو بحب حد بيبان علطووووووووووول

^^^^^^^^

كوفو : .ايهما اهم شهادتك الجامعيه أم الزواج ممن تحب ؟

كيارا : ههههههههه ماخلاث خدتها فاضل التانيه ههههههههههه ان شاء الله ربنا هيجمعني بانسان احبه ويحبني ونعيش لف ستوري جامده كمان كله علي ربنا وانا مؤمنه انه كاتبلي الخير باذن الله

^^^^^^^^^

كوفو : هل تعترف بشيء اسمه الصداقه بين الرجل والمرأة ؟

كيارا : اي حاجه بحدود وانا كنت قلت دا قبل كدا في بوست الصداقة

^^^^^^^^^

كوفو :.هل انت مدمن تفكير؟

كيارا : يوووووووووووووووووووووه هو انا بعمل غيره

^^^^^^^^

كوفو : .من هو اكثر شخص تفكر فيه؟

كيارا : احم احم اكيد فتى احلامي اللي كل يوم برسم حاجه من ملامحه

^^^^^^^

كوفو : اذا تم تعيينك ملكا لجميع البلاد العربيه فما اول قرار ستتخذه ؟

كيارا : اول شئ هغير كل الاستاف بتاع الحكومة والرؤساء وكله وهشيل الحدود وهوحد العملة والعلم يكون واحد وابقي صلاااااااااح الدين واقول هجووووووووووووووووم هههههههههههههههههه حلم الوحده صعب اوي خاصة ان كل يوم الاعلام بيقدر يحقق غرضه هو تفريق الشعوب وزياده مساحة الكراهية ودا طبعا لاغراض كتير اوي ودا مش عندنا بس دا في كل الدول واهو مفيش بلد بتحب التانيه ولو في حد متسامح بيبقي خايف ليكون الكلام اللي بيتسمع صح

^^^^^^^

كوفو : .هل تكره شخص بشده في حياتك ؟

كيارا : لا طبعا والله مش بكره حد خالث ممكن اكون زعلانة اه لكن كره لالالالالالالالالا والحمد لله

^^^^^^^

كوفو : .هل ملابس الشخص امامك تؤثر فيك لتأخذ عنه انطباع ؟؟

كيارا : لا .. اهم شئ يكون نضيف بس ههههههههههه

^^^^^^^

كوفو : .ماالذي يلفت انتباهك بسرعه في الشخص لكي تعجب به ؟

كيارا :نظرة عنيه

^^^^^^^

كوفو :اذا احببت شخصا في الوقت الخطأ وفي المكان الخطأ فماذا تفعل ؟؟

كيارا : هصلح الخطأ واخليه صح نياهاهاها

^^^^^^^

كوفو :.حكمة تؤمن بها جدا؟؟

كيارا : لا تفكر في المفقود حتى لا تفقد الموجود

^^^^^^^

كوفو : .عاده تفعلها دائما تتمنى ان تتركها ؟

كيارا : شرب السجاير هههههههه القهوه نفسي ابطلها

^^^^^^^

كوفو : ماهو اجمل اسم لولد واجمل اسم لبنت من وجهة نظرك؟

كيارا : يوسف .. حبيبة

^^^^^^^

كوفو :ماذا تفعل اول شيء اذا ربحت مليون ؟

كيارا : هجيب مثاثات وابني دار ايتام

^^^^^^^

كوفو:.هل انت من لديهم رغبة حب التملك واذا تملك الشيء اصابه الملل منه ؟

كيارا : الله اعلم

^^^^^^^

كوفو :.اعتذار تريد ان تقدمه لمن؟

كيارا : لاي حد جرحته او ظلمته من غير مااقصد

^^^^^^^

كوفو :لمن تهدي هذا التاج من بعدك ؟

كيارا : اي حد عاوز يجاوبه

^^^^^^^

مع تحيات عائلتى اللي برتاح معاها عائلة والت ديزنى

عدنا

2010-07-08T23:38:00.000+03:00

كل سنة وانتى لؤلؤة يالولتى

2010-05-30T21:52:00.001+03:00

من الناس اللي اول اما تعرفها تستغرب اوي علا

لانها بسهوله متناهية بتخترقك وبتدخل نسيج قلبك

ومستحيل تقدر تخرجها من قلبك

اسرع تعارف حصل

اتكلمنا ميل وبعدها فون وفي نفس الاسبوع كنا شايفين بعض

يعني اسرع تعارف حصل

وبجد اليوم اللي انا وعلا مش بنتكلم فيه بيبقي اليوم

وحش خالث بحس انها صحبتي ومامتى واختى وبزعل اوي

لما بلاقيها زعلانة وبفرح لما تضحك

لما بتضحك بحس ان الدنيا كلها بترقص ولما بتعيط بحس

ان الدنيا ضيقة اوووووووووووي عليا

مش متخيلة اول مرة كلمتها فيها انها هتخترقني كدا

كان نفسي في يوم زي دا اطيرلها واخدها في حضني

واقولها كل سنة وانتى طيبه لكن معلش بئا قدرنا

بس نفسي ياعلا تفرحي من قلبك ومش تخافي ابدا

ربنا يخليكي لولادك ويخليهم ليكي ويباركلك في حياتك

ويسعدك ياقلبي من كل قلبي

بحبك يالولو اوووووووي

دي ليكي ياحبيبتي انتى وشادن اه مش تضربوا بعض :)

عقبال اما تشوفي يارب شادن في حفل تخرجها منوره العالم

كل سنة وانتى طيبة ياحبي

دول لشادن وسيف

ربنا يسعدك ياحبيبة قلبي وتشوفي سيف

وشادن اجمل عرسان في الدنيا

اجازة تدوينية

2010-05-17T23:57:00.001+03:00

كل سنة وانتى طيبة ياماما

2010-05-13T21:11:00.001+03:00

يااااااه قبل اما اكتب اي حاجه كنت محضرة كلام كتيييير اوي اوي

وقلت هعملك احلي بوست ممكن تقريه

يااحن ام واطيب وارق واجمل واخلص " ام "

^^^^^

الكلام كله طاير

اصلي انا فيكي حاير

قلبك عامل عمايل

واخد الكون وطاير

بين القمر والنجوم

عامل شغل مش معقول

ساحر الكل بيه

وبقوا بيتغزلوا فيه

ويقولوا عليه كتير

شايفينه نادر الوجود

شايفينة من ماس وورود

والكل بيتمنى يقول

في يوم حلو وجميل

يوم ميلاد ورد النيل

يقولوا للقمر البدور

كل سنة وانت دايما عثول

وحنين وطيب ياجميل

بحبك يافاتىما ياعاشقة الفيروز

طبعا انا هنزل البوست يوم 13/05 قبل الكل عشان اسبقهم بئا ههههههههه

واقولك كل سنة وانتى طيبة ياقمرة

ويلا نحتفل بعيد ميلاد القمرة

واول حاجه هي

هدية يوسف اللي هيديها لمامته حبيبته

ودي ليوسف ياكلها لوحده

ودي ليكي انتي ياحبي

ودي ليكي انتي ويوسف

وطبعا المدونين انا عارفه هتقوليلي اكلهم فيييييييييين

هقولك طبعا ياحبيبه قلب الملايين

عامله حسابهم

والسااااااااقع كمان

ودي بقي للعريس وليد ولعروسته ربنا يتمملهم بالف خير

ودي هديتي ليكي واتمني اني اجبهالك بجد

وكان نفسي ابعتهالك علي البيت بس اللقاء الجاي باذن الله

ودا خير نهاية لبدايه صفحه جديده

صفحه مليانه ورد ومحفور حروفها بالماس

ولمعتها هي احساسك بالناس يااندر الناس

بحـــــبـــــك

طول ما في خير هنعيش

2010-05-01T11:59:00.001+03:00

اسيكم اسيكم بقالي كتير خالث مش اتكلمت عن اي لقاء

بس ولان المره دي تختلف عن اي مرة وطبعا الاختلاف هو وجود مامى حبيبتي علا " صيدلانية طالعه نازلة "

فكان لازم اكتب عن اللقاء

^^^^^

احساس جميل اوي انك مش تنام طول اليوم وعمال بتفكر ياتري بكره هعمل ايه وناس كتير هتيجي وحابة تعمل خير من قلبها ولا الخير بيروووح

وعماله افكر وافكر وافكر لحد اما فؤجئت ان الساعة اتغيرت عاااااااااااااااا

انا بقول عاااااااااا عشان هصحي بدري ساعة يلا ماعلينا

قمت لبست ونزلت محطة الزهراء واللي جم خدونى ناس اخلاق اخلاق

كان شريف وخالد وكانو جايين لفاتى حبيبتي كمان

فاتيما

الاول طبعا شفت فاتى كنتي وحشانى بدرجة خطيرة بجد الواحد عمره مايشبع منك يافاتى ياقمرة بحس بحنيتك اوي وكنت مبسوطة اوي ان اللون اللي كنت لابساه انتي بتحبيه :)

تاني شخص شريف

قمة في الاحترام والادب والاخلاق ولو عاوزين تعرفوه اتكلموا معاه هتحسو دا جدا

طبعا يارب اكتبلك بوست قريب جدا;)

خالد ابوهمس

مممممماشي ياخالد بئا بتتريق عليا وتقول دي كيارا عندها طفولة متاخرة ماشي ماشي هتتشالك في شابي وهمس

المفتررري له ربنا هههههههههههههههه

لا بجد انسان بجد ملوش حل انا بحترمك جدا ياخالد بحس ان اخويا الكبير موجود

نيجي بقي اخدو الشنط ورحنا ومشينا لحد المكان اللي بنتجمع فيه

فقابلت ام بتول وبنوتتها

ليدي ليدي ليدي

بجد حبيتك جدا لكن مش اسعفني الوقت للكلام معاكي كتير بس اعجبت بكلامك جدا واحنا جوا الجمعية

ربنا يارب يكرمك في بنتك ويرزقها الزوج الصالح المناسب ليها ويوفقها في حياتها

بعدها جالى الهاتف الداعى ههههههههه

علا حبيبتىىىىىىىىىىى

كلمتنى وقالت انها وصلت

رجعت المحطة واستنيتها ولقتها لفت من برا

وياسبحان الله اللي عرفني دكتور اشرف اللي اصلا كان عاوز يقتلني وهي مش خدت بالها مني رغم انها شافتني قبل كدا

اقتلك انا بقي ياعلا ولا ايه

كان معاها سيف وشادن

انا شفت شادن ونسيت اصلا انا كنت بكلم مين

شادن دي بئا ثكر ثكر ثكر

انا حبيتها اوي وهي كمان

ورسمها بجد عجبني اووووووووووووووووووووووووووي

روحه حلوه اوي وحسيته بجد

علا

بجد وحشتيني اووووووووووي ومخنوقة انك في محافظة اخري عاااااااااااا

بعد كدا جتلنا ميرااااااااا

وربنا كان نفسي اضربك هه بث بقي تقوليلي مش جاية واص اص ومش عارف ايه ياثووووووووووووثه

انتي ثووووووووثة وانا مش عارفه

ممممممماشي مش هصدقكك في حاجه تانيه

بس بجد كنتي وحشانى خالث خالث

بعد كدا رحنا كلنا علي الجمعية

وجتلنا داليا حبيبتي

بجد انتي اي حد يعرفك لازم يحبك وحشتيني وهتوحشيني

وزعلت انك مشيتى علطووووول

ومصطفى ريان ابن منطقتى

ههههههههههههههههههه ميته علي نفسي من الضحك كل اما افتكر خناقته مع ميرا كان بيتخانق بقلب جامد ووشه احمرررررررر من النرفزه

وخالد عمال يقوله في لمون ممكن نجيبلك لموووووووووون

ونحوش بينهم وهو ابدا كلا البتا مصمصم علي الخناق هههههههههه بس وربنا طيب بشكل محدش ممكن يتوقعه

يعدها جت مدام هبه زوجة استاذ وليد

بجد شخصية هادية اوي ولذيذه جدا

وكل شوية منونه تكلمنى وتقول جايه موش هقدر لا ههحاول جننتني

وكله بالمسجات يابنتي ايدي وجعتني مانتكلم مكالمه نفهم منها علطول لا مصممه علي الكنسلة

وجت ارق مخلوقة ممكن تشوفوها

رييييييييييييييييييييييم

ريم بجد في منتهى الرقة ومبثوطة ان اللقاء دا اتكلمنا فيه ومبثوطة انك فقستيني هههههههههه بحبك بجد ياريم

بعدها راحو هما صلو واحنا فضلنا نرغي نرغي نرغي

وجالي صداع وخلاث زهقت من المكان اللي احنا فيه وعاوزه امشي منه والاحساس دا جه لكل اللي قاعدين

بس البت شادن كانت ملطفة الجو شويه رسم علي رغي كدا يعني

وبعدها رحنا نادى المحامين

واول اما رحنا طلبنا بقي الطلبات وقعدنا نرغىىىىىىىى

لحد اما منونه كلمتنى وقالتلي الخبر الاكيد انها جايه

بجد يامنونه وبدون مبالغه انتي جميله اوووووووووووووووي

وشبههى ياجدعان في العنين

شريف واستاذ ابوحميد راحو يجبوها هي ووليد

وجم

منونه

وحشتيني وبجد انا فرحانه اوي انك اختي الكبيرة وبجد من احلي يوم ان حصلت المعجزة وشفتك :)

وليد

يخربيت الشوذ البني هههههههههه

يارب اكتبلك بوست قريب جداااا

وطبعا وليد ياجدعان انسان اوي اوي

ربنا يباركلك في حياتك ويوفقكك يارب ويكملك موضوعك علي خيييير

بعد كدا جه سوووووووووووووو:)

غير جو القعده خالص حتي في ظبطة الشماسي :)

طبعا استاذ ابوحميد كان موجود لكن مش اتكلمت معه لكن واضح انه شخصية محترمة جدا :)

احمد صاحب مدونه الارموطي

طبعا انا طول اللقاء مين دا واسال وليد يقولي عارفه بس مش فاكر اسال ريم تقولي معرفش

عرفت انت مين من بوست وليد ههههههههه اتشرفت بحضرتك بس حضرتك ساااااااااااااااكت طول اللقاء خالث

بجد كان يوم جمييييييييييييييييييل جداا جداا

وطبعا اللي كلمنا هناك دودو وحنونه حبايبي بحبم اوووووووووووووي ياعرايس اسكندريه

كلمة اخيرة

اي لقاء مش ممكن يبقي لقاء بدون فاتيما وخالد همس الاحباب

يارب نلتقى في ايام تانيه تكون برده اساسها الخير :)

اعذرونى بئا لو نسيت اسم حد اصلي الزهايمر الايام دي بيحبني اوي :)

كل لقاء وانتم بخير و فى الهنا عايشين يااااااااااااااااااارب :)

بحبكم

2010-04-16T15:05:00.001+03:00

اه والله بحبكم

حسه ان جوايا مطمن ان الخير ليا مهما طال الوقت

حاسه ان جوايا هادى ومطمن اوي ان ربنا معايا وواقف جنبي

مش معني ان فلان بعيد يبقي هو بعيد بالعكس الاماكن مش بتقرب ناس

ممكن ناس مش نشوفها لكن مكانتها في القلب محفورة

عكس ناس كل يوم شايفينهم وشايفنا

لكن ……

الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ .

ههديلكم غنوة بحب اسمعها اوووووووووووي

انا اتخطبت ياجدعااااااااااااان

2010-04-12T22:20:00.001+03:00

لولولولولولولولولي بزغرط لنفسي

ايوه طبعا ازغرط لنفسي امال ايه

اصلي اتخطبت وانا موش اعرف

خير اللهم اجعله خير كنت نايمة في امان الله اجازه بئا

قوم ايه الاقي فون الصبح بيقولولي مبروك علي الخطوبة

صعقت خطوبة ايه دا هو انا اتخطبت وانا مش عارفة مصيبة يكونو بيعملوا فيا كدبة ابريل

الله هو مش اول ابريل خلص ودخلت في نصة

كدبت الخبر طبعا وكبرت دماغي من الموضوع

لكن يقوم ايييييييييييه

يجيلي اميل من صديق بعتبره اخ كبير ليا وكان شريكي

في مدونة لا للنميمه بيباركلي ومكسووووف انه مش

باركلي اول اما عرف الخبر

يالهوي ياني

انا قربت اصدق اني اتخطبت بجد

طب مش يقوووووووووولووووووووو الشخص اللي اتخطبتله اسمه ايه حتي بلاش اسمه هو منيييييييييييييييييييييييين

لالالالالالا بلاش هما مستنين يجي الفرح ومن غير مااعرف الاقيهم بيقولولي براااااااااااا انتي ملكيش مكان هنا روحي بيت جوزك عاااااااااااااااا

واذ فجاه اتفاجا ان كمان الخبر من مدة منتشر

وكله عارف اني اتخطبت وانا الوحيده

معرفش شوف ازاي لا والله صدف عجيبة اللي بتحصل دي

اولا

انا لم البس دبله اي شخص في ايدي

ايدي ناصعه منزوعة الدبل

حتي شوفو هههههههههههههه

ثانيا يوم اما يحصل دا اكيد هقولكم واافرحكم بعد اهلي

يبقي نستنتج من دا ايه

ان لما حد يقولكم كيارا اتخطبت محدش يصدق الا لما يكون الخبر صاااااااادر مني

صح ولا ايه

والف مبروك لاي حد اتخطب بس اتخطب خطوبة بجد مش اوشاااااااااعه زي اللي اتحطيت فيها

روح بيت

2010-04-08T18:07:00.004+03:00

من عادتى وانا بمشي في اي طريق اشوف الدنيا بعنيا ..

بعشق تفاصيل كل شئ عنيا بتقع عليه

اعشق شجرة فروعها تاخدنى معاها ..

احلم اني فوقيها ..

باصه للسما وانا شامه ريحه فروعها مع ندى مطرة من رب العباد ….

المهم .. وكالعادة وانا ماشية في طريقي للدكتور اللي كنت بروحله كنت بشوف بيت ملوش حل اينعم هو قديم اوي اوي اوي وآيل للسقوط الا انه تحفة بجد ترتاح اول اما تبصله بس ….

هو عبارة عن طابق واحد .. طوله تقريبا مترين .. شباكه من الخشب .. وعلطول مفتوح هو الشباك معمول بشكل بلكونة

تحس ان اهل البيت دا عايشين مع الناس اللي رايحه واللي جاية واكن مش في اي حاجز ( اقصد البيت طبعا )

اتمنيت اني اقعد علي الشباك دا وانا بشرب القهوه وبتفرج علي الاطفال وهما بيعلبو كورة وفرحانين وفرحتهم تخلي القلب يطير …

اليوم الثانى

اللي بعدي فيه علي نفس البيت لقيت علي الشباك دا عروسة قديمة زي عرايس زمان افتكرت وقتها عروستى اللي كنت بنام وهى جنبي واسرح شعرها بايدي واحميها واقوم احط الاكل في بقها واعيييييييييييييط لما الاكل يقع منها واقول هي مش بتاخد مني الاكل لييييييه ( عبيطة اوي )

وكانت ماما بتعملي فساتين حلوه عشان البسها للعروسة وكنت بفرح اوي بدا ومين يقدر يقرب من عروستي تلاقي ام اويق فتحت بقها بئا ومين يهديني وافتكرت العروسة اللي كانت في بيت جدي الله يرحمه كنت بترعب منها اوووووووووووووووووي وشكلها يرعب ولحد الان كل اما ابصلها اخااااااااف ……

اتمنيت اشتري البيت دا من كتر ماعشقته وحسيته قلت اجيبه بئا واعدل فيه واعمله ديكور حلو واعيش فيه لكن ….

ريحه البيت هتروح لما ادهنه بدهان جديد !!

لو بدلت العروسة القديمة بعروسه حديثه هل لما اشوفها هحس بعروستي منا بشوف عرايس كل يوم ليه مش حسيتهم زي العروسة القديمة دي !!

بعدت الفكرة من دماغي لكن ….

كل يوم بعدي فيه علي البيت دا بموت فيه اكتر وبحس بحنين وشوق مش ممكن حد يتخيله حتي اني حكيت عليه مع صديقتي اللي عايشة قريب منه راحت قالتلي " انتي دايما بتتغزلي في الطبيعه حتي البيوت اللي هي جماد بتتغزلي فيها !! "

قلت ليها البيوت فيها ملايكة ساكنه فيها من سجده اتسجدت فيها بخشوع باتت فه عملت له الروح المفقودة انا متاكدة انك لو خبطتى علي اهل البيت دا هيرحبو بيكي ومش بعيد مش يوافقو انك تمشي الا بعد اما تتغدى كمان !!

قلت في نفسي خلاص انا هخلي كل حاجه في البيت زي ماهى واعيش فيه .. لكن فرضا دا عملته وعشت فيه هل روحه وعطره هيكونو زي ماهما ولا هيتغيرو بطبعي ورتم حياتي ….

هنا اهل البيت والبيت عشقوا بعض وتفاصيلهم دابت في بعض وروحهم خلتني احتار هل البيت هو اللي كدا ولا اهل البيت هما اللي كدا

لقيت انه مش ينفع يكون بيتي لاني هضيع جماله بوجودي فيه وقلت هكتفي اني اشوفه واحسه من بعيــــد…

وجدت انه فعلا اللي يعجب بانسان او اي شئ لازم يكون حابه بكل تفاصيله ومش يحاول يغير فيه اي تفصيلة لان التغيير دا كفيل بهدم الكيان الجميل دا

ولو في تفصيله مش عجباه يبقي الافضل يبعد ويشوف الجمال دا من بعيد عشان يفضل محتفظ بجماله ورونقه

اما لو حب الانسان بجد فمن غير مايحس تفاصيله هتدوب في تفاصيل الشخص التاني لحد اما تخلي الكل محتار مين في الصفه دى

وطبعا التغيير مش اقصد بيه العقل .. لكن اقصد بيه النظره للحياه والروح والقلب اما العقل فدا طول مااحنا عايشين لازم ننميه ونتطوره .

~~~~~~~~~~~

ان شاء الله اشوفكم بكرة في اللقاء

كل سنة وانتى طيبة ياحبيبة قلبي

2010-04-02T17:43:00.001+03:00

كل سنة وانتى طيبة يامنة ياضحكة قلبي

هظبطك النهارده هطلع عليكي اللي عملتيه فيا السنة اللي فاتت

أبوسك حبيبي منين ولا فين ألف عين وحدة بين كل دول
أبوس الايدين ولا أبوس العينين ولا أسهر وخلص وأقول

كل سنة سنة سنة وانت طيب حبيبي

وانت دايما معايا وانت دايما نصيبي

وانت دايما حببني وحسسني وداريني وانت ايه

كل سنة سنة سنة وانت طيب يا غالي
يلي جمبك انا عشت أحلا الليالي
يلي دايما في عقلي ودايما في بالي يلي ايه
كل سنة سنة سنة وانت طيب حبيبي

وانت دايما معايا وانت دايما نصيبي

وانت دايما حببني وحسسني وداريني وانت ايه

كل سنة سنة سنة وانت طيب يا غالي

يلي جمبك انا عشت أحلا الليالي

يلي دايما في عقلي ودايما في بالي يلي ايه

أبوسك حبيبي منين ولا فين ألف عين وحدة بين كل دول

أبوس الايدين ولا أبوس العينين ولا أسهر وخلص وأقول

أبوسك حبيبي منين ولا فين ألف عين وحدة بين كل دول

أبوس الايدين ولا أبوس العينين ولا أسهر وخلص وأقول

كل سنة سنة سنة وانت طيب يا روحي

يلي حبك بيهون الامي وجروحي

انت أشر وشاور وانا أفديك بروحي يلي ايه

كل سنة سنة سنة وانت طيب يا سيدي

وانت ماسك بقلبي وماسك بايدي

وانت حبك بيجري بدمي وريدي وانت ايه

كل سنة سنة سنة والي راح بالسلامة

قول يارب الي جاي يبقا جاي بابتسامة

يلي سبتي السنين اجمل علامة يا حبيبي

كل سنة سنة سنة وانت حبك مليني

وانا شايلك بقلبي وشايلك بعيني

وانت دايما منور حياتي وسنيني يا حبيبي

أبوسك حبيبي منين ولا فين ألف عين وحدة بين كل دول

أبوس الايدين ولا أبوس العينين ولا أسهر وخلص وأقول

عقبال اما اشوفك كبيرة كدا وتبقي زي ندى وهدى والبت نهال

بحبكم ياعيال انتو بتهونو عليا كتير اوي ومش بحس اني عايشة الا وانا معاكو بجري وبلعب وبتنطط اينعم بتستغلوني وبتفضلو تزغزغونى وانا اصوت لحد ما النجدة تجيلي بس بردو بحبكم

الدنيا دوارة

2010-03-22T20:22:00.001+02:00

في فترة انفلونزا الخنازير اول اما ظهر الفيرس في مصر

ساعتها مش في حد كان فاهم حاجه عنه

كان البيت بيتك بيتكلم عن الموضوع

وكان تامر بيحكي موقف حصل ان كان في زحمة شديدة

وناس بتجري في ميدان والطريق واقف والكل بيسال في ايه

واتعرف السبب ان في راكب من ركاب احد الميكروباصات عطس

راحت الناس نزلت من الميكروباص جررررررررري واكن

مثلا اكتشفوا ان الراجل عنده ايدز

وبيهربوا منه والطريق وقف والناس شافتهم بيجرو راحو جريو

معاهم في الزحمة وحصلت الدربكة وبسبب كدا الطريق وقف

راح خيري يقول ايه

اه طبعاااااااااااا يهربوا دا فيرس مش لعبه وكان بيتكلم بانفعال

ازاي يعطس

وتامر مذبهل من رد فعل خيري

وراح غير الكلام عشان مش يخض الناس ويعمل بلبلة بسبب

كلام خيري

المهم البرنامج قعد وقته وقبل اما ينتهى راح خيري

اللي كان معترض علي ان الراجل يعطس وانه لازم يكتم

العطسة راح عطس ومش اي عطسة

لا دي عطسة من اللي قلبك يحبها

راح تامر ضحك ضحكة هههههههههههههههه

وانا هاااااااااااااااااااااتك ياضحك انا وماما

كنا ميتين

لييييييييييييييييية

مهو اصله الدنيا دوارة

فعامل تُعامل

صباح جديد

2010-03-19T19:29:00.001+02:00

دقيقة الألم ساعة.. وساعة اللذة دقيقة

ودا اللي حسيته الفترة اللي فاتت

يمكن في الصباح الجديد دا مش هكون في حياة البعض ومش هيكونو في حياتى من تانى

لكن هقول الكلمة اللي مقتنعه بيها

"لعله خيـــر"

بحلم ان اللي جاي في حياتى يكون زي مابتمنى من خالق الكون

ياااااااااااااااه وانا بكتب الكمة دي اذان العشاء اذن

يارب يارب حقق احلام كل الناس وانا من ضمنهم

واشفى ماما ورجعهالي تاني

بصراحه اكتشفت ياماما انك انتي صديقتي الوحيدة

كل سنة وانتى معايا ووخدانى في حضنك الدافى

~~~~~~

ملحوظة صغيرة

انا مش حذفت نفسي من عند حد في الفيس بوك انا حذفت الاكونت كلة

اتمنى الصباح الجديد يكون مشرق مش مؤلم

هييييييييييييييه جوز بنتى وصل

2010-03-02T17:30:00.001+02:00

عمر باشا وصلللللللللللللللللللل

فاكرين لما اتكلمت علي حبيبه

حنونه طلبتها لعمر نور القلب

ومش اقدر اقول غير ايوه طبعا البت لازمن ولابووووووود تتجوز الولا

ادى اول العيال جه عمر حبيب قلبي

احلي تعظيم سلام للباشا الكبير

نورت العالم ياعثل انت

يارب تكون الولد الصالح لمامتك وباباك

بجد تعبو فيك اوي ويارب تكون الامان والحنان ليهم وتصون تعبهم دا

الدنيــــــا برد

2010-02-06T21:30:00.001+02:00

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^

ياناس سيبوني هتعطلوني وتعالو بكره يانور عيوني

هديكو ورده اورقاها فارده اما النهارده الدنيا برد

^^^^^^^^

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^^

دا في الجنينة انده علينا ياعم ياللي فرحان تملي

الله يخلي شقاك وفرحك وتملي تضحك والدنيا برد

^^^^^^^^

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^^^

ياناس شقايا من اجل غايا عاوز قلوبكم دايما معايا

علشان اشقر علي الورد واقدر وافضل مشمر والدنيا برد

^^^^^^^^^

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^^^^

ياعم قلبك الاخضر جمعنا والناس تحبك لالف معني

صبار بتزرع وشوك بتقلع وتغنى نسمع والدنيا برد

^^^^^^^^

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^^

ياناس حبايب انا عندي نايب لكل واحد حتي اللي غايب

انا بنادى حلوه السنادي

انا بناااااااااااااااااادي حلوه السنادي

والفجر نادى والدنيا برد

^^^^^^^^

الدنيا برد .. الدنيا برد .. وعم خليل بيسقي الورد

الدنيا برد ياعم خليل وبتسقي الورد ياعم خليل

الدنيا برد

^^^^^^^^

كنا دايما بنغنيها في المدرسة ايام الشتا ونجري ورابعض ونضحك

ايام الطفولة لايمكن تتنسي ابدا محفوره جوايا بكل تفاصيلها

جرح الناس

2010-02-03T21:17:00.001+02:00

بعيدا عن الحكومة وعيوبها والكلام اللي مش بيخلص عنها

جرح القلوب مش بسبب قرار وزاري او قرار افنديني

لما شخص يتجرح في كرامته ومشاعره واحساسيه من شخص اخر

دا نابع من انسان دنئ مش يعرف قيمة القلب ومايحتوية

مش يعرف ان القلوب ضعيفة اوي اوي ومش بتقوي الا بحب الله و الناس

مش يعرف ان القلوب شكة دبوس كفيلة بقتلها وتغيير مسار حياتها

مش عارفه هو ازاي اللي بيجرح دا بيقدر يجرح

بيقدر يضغط علي الجرح لحد اما ينزف

ويشوف الدم قدام عنيه ويضحك بسخرية

يشوف الدموع سايله علي الخد ومش ينهار قدامها ويقول اسف

يشوف دمار ويفرح

مش قادره اتخيل المنظر بجد

كل حاجه وبنقوول حكومة

وقرار وهباب

لكن

الظلم والغدر والجرح

دا من ايه

من قلب منحوت بالسوس

قلب مات مش شاف الحياه

^^^^

لكل واحد فينا نقطة ضعف

واتحدا اي مخلوق في الارض

من كبير لصغير لضعيف لقوي ولذكي لغبي لمتفائل لمكتئب انه مش له نقطة ضعف

لو الانسان مش اذانا وبيعاملنا بما يرضي الله

ليه نموته بكلام اقل مايقال عنه انه اكتر من السم

ليه انا مش عارفه

ليه بنستحل موت الغير

الموت مش موت جسد

الموت موت كرامة ومشاعر واحساسيس

لما نقتلها هنستفاد ايه

نفسي اعرف

نفسي بجد

لحد امتي هتفضل الغابة دي موجوده

لحد امتى

لما يتهان حد في منزلة امي وقدام عيني

انا تنحت بجد

انا ضعيفة ضعيفة اوي

مش عرفت اخد حق حد

مش عرفت اعمل حاجه

حتي مش عرفت اقول كلام بجح وقليل الادب

ارد بيه حتي لو هكون بهبل بالكلام

بس اهو اكون خدت حقها

كل اللي عملته اني تقوقعت علي نفسي وبكيت زي الاطفال

اتمني بجد ان الغابة دي تنتهي ومش يكون ليها وجود

^^^^^^

بعيدا عن اللي حصل النهارده واللي ملخصه ان في

واحده هانت واحده اكبر منها بشكل مش ممكن حد يتخيله

فهو بيحصل في كل مكان بطريق مختلفة

في معركة الجزائر ومصر وف … وف…. وف……

انا قريت كلام عمري في حياتي ماتخيلت اني ممكن اسمعه

وفي كلام كتير مش فهمت معناه بس هو اكيد شتومه

ربنا يعديني من الدنيا دي علي خير

^^^^

دعوه

ياريت بجد لو حد قال لينا كلام وحش نقوله كلام نكسفه بيه ( ربنا يسامحك …… )

ومش نجاريه في كلامه الوحش ونرد الغلط بغلط

خلينا احنا اللي نكسب حسنات منه مش هو اللي يكسب مننا

ويوقعنا في الغلط

وربنا يبعد عننا القلوب المصنوعه من الصوان

ويقرب مننا قلوب الماس

يارب ارحمنا برحمتك

مبروووووووووووووووووووك

2010-01-31T20:37:00.002+02:00

الف الف الف دشليون مبروك لاجمل بلد واحلي شعب في الدنيا

حبيبه

2010-01-18T20:58:00.001+02:00

في الاول لقاء 29/1 يوم الجمعه انا راييييييحه والتفاصيل عند دكتورة ستيته و فاتيما

^^^^^

نور القلب حبيبه

طبعا من قبل اما اتجوز اصلا انا وباباكي ان شاء الله

عاوزه اقولك اني تعبت فيكي اوي انا وهو

من اول الاختيار لحد اما هتيجي الدنيا

عاوزه اقولك ان من قبل اما احس بيكي في احشائي بحبك اوي ونفسي ومني عيني انا وابوكي تطلعي احسن حد في الدنيا وعشان كدا بفكر اعمل معاكي ايه من قبل اما اتجوز اساسا ^_^

اول حاجه وهي ان باباكي لازم يكون فعلا يستحق يتقاله بابا لازم اكون عامله حسابك في اختياره عشان لاقدر الله لا تتربي بين اتنين مش طايقين بعض او مش فاهمين بعض او منفصلين

عاوزه بيتك يكون بيت اساسه سليم

واتكي علي سليم يابت اه من اولها بئا ^_^

تاني حاجه من اول دقه جوا يا منك مش هتسمعي الا القران الكريم عشان تتربي علي احلي شئ في الكون وهو كتاب الله

ومن بدايه انفاسك في الدنيا اول حاجه لازم اعلمهالك الحلال والحرام واخلي اساسك هو حب الله ورسوله وحب الناس

واسيبك تميزي انتي بين الصح والغلط ومش هخاف عليكي عشان عارفه اساسك

في حاجات كتير مخططهالك وبحلم تيجي واشوفك قدامي رغم خوفي الشديد من ربنا لانك هتكوني مسئولية جبارة لان كل راع مسئول عن رعيته

عاوزاكي حب ماشي بين الناس قلبك مش يعرف غدر او كره ودا مسئوليتي انا رغم انها مسئولية مش سهله الا ان ربنا معايا

ربنا يحقق الحلم يارب

طيب انا مش بكتب البوست دا عشان اقعد احلم

انا بنوته زي اي بنت لسه البداية اكيد كل الامهات اتعلموا

يقولو ايه لكل بنات جيلي عشان اطفالهم يطلعوا سويين ومش فيهم اي عقد نفسيه

يطلعوا واثقين من نفسهم

عندهم القدره علي التمييز بين الخير والشر

هل تربية ماما ليا هي الصح انها تكون محوطاني ومش سيباني

ولا الصح تربيه امهات تانيه وهي سيبي البت تشق طريقها عشان لما تبعد عني تعرف تتصرف في المواقف الصعبه

اكيد كلام الامهات الكبار احنا كبنات هناخد منه خبرة كبيره ويااااااااارب ربنا يرزق البنات الزوج والذرية الصالحه والشباب كمان عشان مش يقولوا اني بعمل تفرقه عنصرية هه بس

البوست الجاي هكتب فيه عن حاجه صغننه اوي لكن مجنناني اوي

وهدي نبذه عنها في حكاية صغننه

بما اني شغاله في القصر العيني فجالي فون من واحده هنقول س بتقولي يامني والنبي عاوزاكي تعمليلي ورقه ان ابني عمل عملية في القصر واتحجز يومين .

ليه ياطنط

عشان هرب من الجيش ولازم نقدم مستند انه كان محجوز

يعني تزوير وهروب !! يبقي نتكلم عنه في بوست منفصل ولا لا .

والسلام عليكم ورحمه الله وبركاته

لا تعليق

2009-12-31T20:33:00.001+02:00

من كام يوم قاعده مع بنات وفي بنت منهم جالها عريس

وهو انسان محترم جدا والكل بيشهد له علي احترامه واخلاقه

فبنسالها عملتي ايه مع "ع " مش في اخبار لسه ؟

قالت اخويا رفضه

استغربت فقلت ليه؟؟ دا انسان كويس وهتخسريه بجد

قالت اصل اخويا شافه ماسك مصحف !!!!

ولا تعليق …..

حوار بين كيارا ومولان

2009-12-18T21:35:00.001+02:00

بقالي كام يوم بفكر ارجع للتدوين من تاني وارجع ارد واتابع واطمن

وناس كتير كلمتني اني ارجع واكتب من تاني بس ولانهم غاليين عليا مش اقدر مش البي الندا

واديني جيت

ولما جيت لقيت مولان المشتاقة ليا بتكلمني وحصل الحوار دا

مولان : ازيك ياكيارا المكان محتاجكك التراب بقي في المكان محتاج كلامك روحك طبعك

كيارا : انا جيت لكن لما دخلت تقريبا بعض المدونات لاقيت كوارث تتوزن بالطن اه والله بالطن

وانا بقراها محستش غير ودموعي نازله وبتلسع قلت لا مش هرجع تاني المكان بئا مش يتسكت عليه

مش بقي البيت اللي بعرف منه الاخبار الطازه مش بقي المكان اللي اضحك والضحكة تتحس من القلب

مش بقي المكان اللي اكتب فيه احساسي

مولان : ايييييييييييييييييه مش المكان دا .. اللي يدايقك اخلصلك عليه و مش تنسي ان الخير دايما باقى

كيارا: انتي مش شايفه محاسن صابر وبوستها وزعلها من الناس اللي بيتكلمو ليها

مش شايفه صبرني يارب والكام بوست اللي في الاخر و قفلت التعليقات ومش عاوزه حد

فين بابا عصام اخر بوست من اسبوع ومش بيرد علي الناس

فين بابا عمرو حبشتكنات اللي غايب بقاله كتير ومش في حد عارف يوصله بجد انسان ملوش حل ومفتقداه بشدة

فين بابا من غير عنوان اللي كل فتره ينزل بوست ويختفي تاني

فين بابا وميض ابتسامه

فين مامتي شمس النهار اللي ضيقوها وبعتولها ميلات وحشه وسابت البلوجر

وريم اللي كانت هتقفل مدونتها ورجعت تاني

فين عم فشكول

فين ازهري اللي ان شاء الله هولع فيه لو مش رجع

فين اكون او لا اكون و ماما مازن و الطالبة عفو الله زوزو وبنت القاضي

دكتور ياسر عمر عبدالفتاح فين طوبة فضة وطوبة دهب وبحبك وحشتيني ويوميات زوجه مخنوقة وروفى و الشاعر و رقة الاحساس وخمسة فضفضه ومحمود قصر الرئاسة وسمكة واحده و حاسوبتيه وغربتي و مجنون و يوميات طالب ثانوي وميمي و وماكس بتاع زمان ودكتور رامى شهاب الدين و قصاصة ورق و انا مسلمة

في ناس كتيييييييييييير مش موجوده ومشيت بسبب الخفافيش

فين اللمه الحلوه اللي كنت بحسها وانا داخله اي بوست

فين لما كنا بنتسابق علي التعليقات

فين الهقهقه اللي من القلب مش بقي في غير صبرني عملت

ومحاسن بتقول وبيعد وفلان بيزيد وفلان بيالف وفلان علي علاقة ومش عارف

مين اتجوز ومين طلق ومين حب ومين كره خلاص خلصنا كل مشاكلنا ومش بقي لينا غير الكلام في سيرة الناس اييييييييييييييييه دا بلوجر مش كان كدا

مولان : خلاص خلصتي كلامك

كيارا: لا لسه اما افتكر هقول :)

مولان: خلاص هرد علي كلامك ولما تفتكري حاجه قولي

لوالعماره اللي انتي ساكنه فيها فيها جيران وحشه ونمامه ومش بتعرف ربنا هتعزلي انتي وجيرانك

كيارا :لا طبعا هو الواحد بيلاقي الشقه بسهوله

مولان :امال هتعملي ايه ياشاطرة

كيارا :هتفق انا وجيراني الكويسين ونغير العمارة ودايما الصالح بيبقي والطالح بيظهر

مولان: لوجر هو العماره والشقه هي مدونتك بنتيها بايدك يوم بيوم وتعبتي فيها تسبيها بسهوله عشان شويه كائنات مش بيراعو ربنا ولا تمسكي فيها بايدك وبكل ما تمليكي عشان تحافظي علي تعبك

كنت قريت حكمة بتقول

من هتك حجاب أخيه هتكت عوراته

تفتكري ان ربنا مش شايف وعارف داانتي كل شويه تقولي داين تدان فالديان لايموت

يبقي ليه الياس ليه تنفذو اللي هما عاوزينه وتسبولهم الدنيا .. لا .. انتم تقعدو وتكتبو وتعلقووتوصلوا صوتكو ورسالتكم واعرفي دايما انهم مجرد خفافيش مش بتظهر غير في الضلمة يبقي اللي عليكو انكم تكونوا ايد واحده وتملوا الدنيا نوووووووووررررررررررررررر وهما هيتمحو لوحدهم صح ياكيارا ولا لا

كيارا : وانا هقدر اتكلم

^^^^^

سئل أبو حازم ماشكر العينين؟ قال: إذا رأيت بهما خيراً أذعته وإذا رأيت شراً سترته.
وسئل ماشكر الأذنين؟
فقال: إذا سمعت بهما خيراً حفظته وإذا سمعت بهما شراً نسيته.

بالله عليكو اتقوا الله اللي عمال يتكلم ويلك في سيرة الناس احنا في ايام مايعلم بيها الا ربنا نفسي اعرف انت متخيل منظرك وانت واقف قدام ربنا سبحانه وتعالي وانت جايب في سيرة ناس اتقوا الله اتقوالله وارحمونا بئا

^^^^^^^

نداء عاجل

بابا عمرو وماما شمس و بابا من غير عنوان و ازهري وعم فشكول ارجعو لينا تاني

و محاسن وصبرني عشان خاطري مش تتضايقو كدا

نداء لكل الغايبين ارجعوووووووووواااااااا

شوية سرحان

2009-11-27T21:20:00.001+02:00

من مدة اتسالت سؤال

النيل بيمثلك ايه ؟

كانت اجابتي المختصره جدااااااااا

هى

^^^

اااااااااااااااااااااااااه النيل حبيبي وصديقي الوفي

النيل ده اول اما اشوفه بحس اني رحت دنيا تانيه خالص

بحس انه بيسحبني من كل حياتي وبنسي معاه العالم والناس

وبيخليني اسرح فيه

وفي موجته الخفيفه اللي طبعا مش زي البحر

النيل حبيب العشاق السهرانين

النيل ونيس الوحدانين

النيل رمز للجمال

معه بتحس انك في دنيا مش فيها اي خداع ولا غش ولاكدب

بتحس انه بياخدك للعالم المثالي

بفكر كام واحد شرب منه وارتوي وجري في شراينه

كام واحد عاش من خيره

كام واحد نجح في حياته بيه

كام واحد اذي الناس بيه

كام واحد اشتكاله ورمي حموله فيه

كام حبيب وحبيبه راحوله ويشهدوه علي حبهم

كام واحد عمل زفافه فيه وكان طاير من فرحته

كنت فاكره ان الناس اللي شغلها فيه مش بيبقي عندها هموم

وبتبقي في قمه سعادتها وهما معاه

طلع ان اللي حاسس بيه هو البعيد عنه

واللي دايما بيشتقاله

لكن اللي بيشتغلوا فيه

لا يعني لهم شي

وبيهملوا فيه

النيـــــــــــــــــــــــــــــــــــل فيه غموض بيشدك للتفكير

اوقات لما بشوفه بقول لا انا مش هسرح تاني

عاوزه ابصله وبس

شي غريب لما تشوفه يدفعك انك تسرح في جماله

تسرح في كلامه ليك لما بيكلمك وبيجاوبك علي اسالتك ليه

اه النيل بيكلمك

ممكن مش بلسان زي البشر

لكن بالاحساس

كفايه لحظه ماشوفه قلبي بيدق اوي اوي اوي

بحس اني سعيده اوي

زي مابتشوف الجد وترمي كل اللي جواك فيه

ومن حبه فيك بياخد منك همومك وبيغسل قلبك كمان من الهموم

واول اما تبص له لا تملك سوي كلمة .. الله سبحانك

تخيلوا بئا كام واحد وواحده رموا فيه همومهم وهو غسلها

ده النيل حكاااااااااااااااايه ومهما اتكلم

مش بيعبر عن شي جوايا

وهتفضل يانيلنا الجد الطيب اللي بيحتوي كل الناس

كل سنة واهل مصر والعالم طيبين

2009-11-26T23:11:00.001+02:00

انا بكل فخر واحد بيحب مصر

بحب حواريها

وكل م فيها

بيوتها شوارعها

كنايسها جوامعها

وبلاد الكون جميعها عندى مش زى مصر

^^^^^

ايووه يا اسكندرية بأعشق كرم الشراقوة

والبت المنصورية بأرقيها الف رقوة

ومقام مولانا الشيخ بحب اهل طنطا

منوفية وكفر الشيخ رجالة مش اونطة

والاهرامات فى الجيزة شباب نفسه عزيزة

سلام للفلاحين وتحية للصعايدة

والبندرية تماً فى كل حتة فى مصر

^^^

سلامات يا اسماعيلية دراويش وسمسمية

حلاوة البورسعيدية وطوخ ويا الغربية

مش ناسى الدمياطية وولا اهل راس البر

بنها والقليوبية

مطرح يا احلى بر

حود بقه على السويس ومصانع المحلة

وخدنى للعريش

ومارينا وشرم يلا

ده انا عمرى م شوفت ابدً حتة فى حلاوة مصر

وكل سنة واهل بلدي بخييييييييير

وكل سنة وامي الغاليه بخير

وكل سنة وبابتي حبيبي بخير

وكل سنة وزوج المستقبل باذن الله بخير

وكل سنة وكل اصحابي بخير

وكل سنة وانا طيوبة بئا اسمعزا انا يحني

التعلييييييق فووووووووووووق