السبت، أغسطس 08، 2015

اسرق فرحتك

3 كلام قلوبهم


الفرحة لو مخطفتهاش مش هتجيلك 
الفرحة لو مجرتش عليها مش هتجيلك 
الف حد وحد واقفين حاجز بينها وبينك 
 مش هتجيلك الا لو لقيتك بيها متمسك 

اخطفها 

الثلاثاء، أغسطس 04، 2015

انا مطلقة

5 كلام قلوبهم

انا كيارا البنوته الشقيه اللى واخده الدنيا حضن كبير اصبحت حاصله علي لقب اخر عكس كينونتى
مش قصدى انه حاجه وحشه قصدى انه هم
اه هم وهم كبير خصوصا في وطن مشوه ﻻ يحمل سوى افكار سابقه العهد
كينونتى طفله مش بتحط في دماغها هم ودا هم واكبر هم
مر عليا سنة صعبه بكل المقاييس لكن صممت مفضلش في حياه مش حياتى مش اللى اتربيت عليه
قررت الطﻻق والحقيقه لقيت اهلى في ظهري وساعدونى احصل علي احلى حريه
كان ممكن مع اﻻستمرار يحصلى كوارث مينفعش تتصلح
لكن
ربنا كبير واى حاجه كبيره علينا عليه كن فيكون
بس كنت فاكره ان دا نهايه مشوار المعافرة وتبقي سنة وراحت وخلصت
معرفش انى هدخل في ماساه اكبر
وهو المجتمع
وبقدره قادر تحولت البنوته الرقيقه اللى مبتستحملش حد يزعل منها وتفضل تزن لحد ما تصالح الزعﻻن
بقي من كتر الوجع بقي مبدا في حياتها اللى عاوز يزعل عنده مليون حيطة
اللى عاوز يفارق عنده الباب مش هجري وراه
ودا بسبب تغير تفكير الناس
لو ضحكت ابقي قليله اﻻدب وقصدى انى اخطف الرجاله
لو اهتميت بنفسي ابقي زى الطاووس عاوزة ابهر اللى حواليا
يخربيت قرف الناس اللى تفكيرها كده
ليه محدش بيفكر ان من كتر الحزن اللى جوايا مش عاوزة ابين دا
ليه مبتحسوش باللى جوه وباصين برا
اكتر وجع مريت بيه مش وجع السنه اللى ضيعت حياتى وﻻ اﻻنفصال
هو خﻻص برمجة الناس حتى المقربين ان ادام منى بقت مطلقه يبقي ﻻزم تتحط في الدايرة هناك
ملهاش اى حقوق اخري
انا مطلقه وليا حقوق وهقف في وش الجن وهاخدها غصب عن اى حد
انا مطلقه وهفضل واقفه علي رجلى قويه
انا مطلقه وهعيش زى ما احب اعيش
انا مطلقه وبس

الثلاثاء، فبراير 03، 2015

شبح الماضى 2

1 كلام قلوبهم
تجولت في الغرفه بهدوء 
كى لا يشعر بها أحد
هذا المنزل فقط يشعرها بالامان
هنا ضحكت هنا خبئت دموعها
هنا رات احلامها تتحقق
حين خرجت منه في السابق
فقدت الامان والطمانينة
عندها تيقنت ان منزل والديها 
امان منزل زويها  ﻻ يضاهيه منزل اخر   
تبعثرت دموعها
فبحثت عنهم "والديها " امان الدنيا 
لكنها اكتشفت غيابهم 
امسكت الهاتف ودموعها تكاد تسقط
اين انتى يا امى 
انا في شقتك برتب حاجات عشانك ياعروستنا
 فين بابا
باباكى في الجامع بيجهز  الترتيبات عشان بنته العروسه
محتجاكى ياماما
ياحبيبتى اغسلي وشك وصلى وروحى الكوافير وانا هحصلك
" ياويلتى الوقت يداهمنى يحترق سريعا "
جلست في مكانها المعتاد
اراحت عيناها بسقوط دموعها
اعطت الحرية لدموعها تسيل على خديها دون مقاومة منها 
في تلك اللحظة 
هى تائهه ﻻ تعلم هل زواجها مرة اخرى 
قرار صائب ام .... 

يتبع ،، 

الثلاثاء، يناير 20، 2015

شبح الماضي

3 كلام قلوبهم
استيقظت باكرا بكامل طاقتها
السلبيه واﻻيجابيه
بحبها له
بخوفها المتعارف عليه
لكنها تخشي البدء  تخشى اعادة الارسال
اﻻرسال الى عالم مجهول الهوية
من داخلها تريد ان تحيا كبنات جيلها
تلهو كالاطفال في حضنه تصمت في معطفه
تشعر اﻻمان في لمسات خده بخدها الرقيق
تشعر بالراحه بتشباك اصابعهم ببعضهم البعض
لكن تكاد تحلم حتى تفيق علي واقع مرير وهو الماضي
فشبحه يظل يداهمها حتى في سكونها
فتذرف دمعا كثير علي انينها وخشيتها من تكراره
ان يكن ليلها الكاحل وليس فجرها المشرق
ان يكن لها وجع وليس سكينه
ان تنتهى حياتها به
كم احبت ان يكن اﻻول بحياتها
حتى تستطع العيش دون المرور بذكريات موجعه موحشه لها
فقد قررت كثيرا الهرب منه حتى  ﻻ تشعر بامل اخر في الحياه من جديد كما حلمت سابقا
كم حاولت
لكن هيهات فهو اقرب لها من حبل الوريد
كم تتمنى ان يكن لها كما تحلم وليس كما تتوقع
اخدت نفس عميق فيومها طويل وبه احداث كثيرة

السبت، مارس 08، 2014

في اﻻخر كلنا بشر

2 كلام قلوبهم

الصراحه تتقال كدا ... هنصبح بشر وبنى ادمين اما نعامل كل الناس بشخصياتها وليس بفلوسها وﻻ شهادتها وﻻ لبسها وﻻ شكلها
مش اعامل الشيك حلو والعادى وحش
مش اعامل شكل خارجى ظاهري انه ملتزم حلو وشكل ظاهري انه فري وحش
مش اعامل الغنى حلو والفقير وحش
مش اعامل المتعلم حلو والجاهل وحش
ملحوظة في فرق شاسع بين متعلم ومثقف
يعنى ممكن حد جاهل في نظرك يبقي مثقف اكتر منك
يوم بقي اما مش يبقي في حد تحت وحد فوق في التعامل يبقي كدا هقول مبروك بقينا بنى ادمين

دا تعليق علي الصورة اول ما شوفتها