زمان الاهالي كانت بتشتغل من صغرها بجانب دراستهم
في فجوه زمنيه طلعت جيل حالي اتكالي في كل امور الحياه
في النخوه مثلا في الاعتماد علي الغير في النطاعه
يعني زمان الراجل بيحافط علي اي بنت مش شرط اهله ولو واحده استنجدت بيه مش بيتجاهل
زمان البنات كان في حدود لنفسهم في جيل طالع انا بحس لما بشوفه اني واحده مسنه
في رجاله كانت بتعتمد علي نفسها ماديا من وهي في اعدادي وابتدائي فكانوا لما بيتجوزوا بيوتهم بتعمر
في بنات مبتفرطش في بيتها بسهوله
وكانت الاستثناءات اللي هما زومبيز الانسانيه اقل كتير علي دلوقتي
كل ما بنربي العيال علي الدلع وان كل حاجه مجابه بنطلعهم انطاع انانيين
عاوزيين كل حاجه من غير ما يدوا اي حاجه
الحياه مشاركه وحب وتفاهم
كام اسره خلت ابنها يشتغل في الصيف؟
ياخد كورسات؟
كام اسره علمت وزرعت في عيالها من طفولتهم
انهم ياكلوا نفسهم ويلبسوا نفسهم وينظفوا مكانهم
كام اسره زرعت ان الحياه مهما كنت مقتدر ماديا لازم تعتمد علي نفسك
الجيل اللي طلع نتاجه زوج بيصور مراته وواحد باعت واحد لمراته
متعلمش ان الحقوق حقوق وعليك وبلاش تتذاكي عشان متديهاش للناس لسبب انك هتدفع هنا في الدنيا او في يوم اللقاء
متعلمش ان الواجبات اللي عليه ملزم بيها عشان نفسه قبل غيره
علموهم الانسانيه وان واجباتهم واجب والحقوق حق
ان العلاقات الانسانيه اهم من الفلوس
لان مهما تبقي حيه وفاكر انك كده شاطر انت خسران حد يحبك ويخاف عليك ودي خساره اكبر من الفلوس
قلبك بيشوف الحقيقه .. الخوف والشك بس هما اللي بيعموا