الثلاثاء، يناير 13، 2009

كل سنة ونيمو ووكيارا ومولان بالمره طيبين

من غير اي مقدمات بدايه التدوين عندي كان في نوفمبر 2007 كنت في مدونة مجرد انسانه وبس هي مغلقه دلوقتي كنت فيها مع انتيمي نورا مهدي اللي بقت بعد كدا صاحبه مدونه حنين واحمد وكان اول بوست انزله في مجرد انسانه وبس هو حضارة مصر الفرعونية الجزء الاول وكان بالاكونت ده nimo 2007 كنت فيه اول مرة اتعامل مع التدوين والمدونات وكنت متعوده علي المنتديات حتي اول بوست ده نزلته انا وهي كانت معايا وكان الجزء اللي مخصيه من فات قديمه وتاه وبقي بعد كدا هي تقولي في حد رد عليكي مثلا عشان تردي علي حد افتحي مدونته الاول عشان تعرفي بيفكر ازاي وكانت المدونات اللي بتابعها زمان اشهرهم مدونة شهروزة والصباغ يعني وكان فيه اللي بيرد ان فعلا شايف الحضاره دي مهمه جدا وفيه اللي لا علي فكرا الاكونت فيه مدونة بس انا خفياها ماعلينا واستمرت الايام وكانت فتره التمهيدي بتاعي اللي كنت خارج الصلاحية اغلب الوقت حتي لما انتيمي نزلت مسابقه في المنتدي وقالت اني لازم انزل بوست كوميدي وانا اصلا كنت بستعد لقفل النت والدنيا كلها قلت لا لازم اعملها حاجه فكتبتلها البوست ده حتي مش قدرت اتابعها واعمله يتبع مكالمة تليفون وكان اول حاجه كوميدي اكتبها بعدها لما رجعت للنت تاني بشهرين كنت حسه اني مش عارفه حد في المنتدي وكان مستر عز بيقولي بكرا هتتعودي ففكرت اني اعمل ضي القمر اللي كلكم عرفتوها وكانت بالاكونت ده كيــــارا وعملت فيه مدونة ضي القمر وكنت اصلا بحاول افتكر الاكونت بتاع نيمو عشان اعمل بيه المدونة لكن كان الزهيمر عمل عمايله ونسيته خاصه اني اصلا مش بحفظ باسوردات انا عندي ملف بكتب فيه الميل والباسورد وحسابي مثلا في منتدي او في اي حاجه فالملف ده اتنسي طبعا وفي نوفمبر 2008 كنت قلت اعمل مدونة المكان اللي ارتاح فيه بس واضح ان ضي القمر زعلت مني لما عملت كدا واتعملها هاك واتقلبت لموقع اباحي وبعدها باسبوع اتحذفت وانا قلت يبقي الخيره في مااختاره الله واستمريت في عالم مولان اللي عملتها بالاكونت اللي بكلمكم منه بس عملت مدونه سمتها ضي القمر وحطيت فيها كل البوستات اللي نزلتها في ضي القمر ماعدا بوستات الاجازه والرحيل والزعل يعني ولينكها اهو ضي القمر اصل بيني وبينكم كل اما اقراها وافتكر كل بوست كانت تعليقاته ازاي كانت عنيا بتدمع مهو الانسان ايه غير زكريات سعيده وحزينه بتمر بيه وكتير دخل مولان وعالمي ومش يعرف اني كيارا او اني نيمو اللي كانت مع نورا مهدي في مجرد انسانه وبس الحمد لله من نوفمبر 2007 لحد الان ومن قبلها كمان في المنتديات الحمد لله ربنا رزقني باجمل رزق ممكن حد يتمناه في حياته وهو حب الناس وبصراحة مش هقول اهم البوستات اللي نزلتها لان كل بوست انا بكتبه مهما كان بيكون اخد مني ومن تفكيري واحساسي لاني لما بكتب حاجه مش بكتبها بعقل مجرد من القلب بكتبها في الاول والاخر باحساسي وخوفي علي الموضوع اللي بيكون شاغل تفكيري اوقات بحس ان في قواضي مهمه جدا اكتر من اني اتكلم في سياسة دولة وغيرها معاني في حياة الانسان بتختفي يوم عن يوم بسبب التكنولوجيا اللي بعدتت عننا زي صلة الرحم وزياره المسنين وغيرها وهتعرفوا ده من وسط المواضيع اللي نزلتها وكان اي بوست بنزله بيبقي فيه خفه دم وشقاوه عشان يوصل ده بالنسبه للحياه العامة اما بالنسبه لمدونة ايام زمان اللي بعتبرها من اهم المدونات مش لاني انا اللي بعملها لا والله بس لان كل بوست بينزل بيبقي متعوب فيه مش كلمتين بكتبهم من دماغي وخلاص ايام زمان من شهر يونيو عدد البوستات فيها 11 بوست فقط عرفتوا من خلال كل المدونات اللي عملتها سواء المحذوفة او الحيه كيارا الشقيه اللي دمها خفيف واي حد بقربلها بسهوله وعرفتوا كيارا العصبيه لما بيكون النقاش في قضية هي شيفاها مهمه انا سهل اتعصب اوي وردود افعالي غير معروفه هههههههههه كانت انتيمي تقولي لما كانت في العريش بخاف تتعصبي عشان مش هعرف اجيبك لانك هتقفلي كله لكن في القاهره بعرف اجيبك كويس بس برده قصاد ده سهل اوي اروق كان دايما معتز ربيع عضو في المنتدي اللي كنت فيه بيقولي دايما بحس ان في ورا الشاشه قطة وبتسن مخالبها لاي هفوه :) المفروض ان السنه دي اكون قايلها بمود فيه شقاوه وكدا بس هي طلعت كدا في الاخر هقول اني عملت البوست متاخر شهرين واني هغيب كام يوم عشان اولا بابا راجع بكرا من اسكندريه وواحشني اووووووي وكمان عندي شغل كتير وبتاخر ومش بعرف افضي حبه كل سنه وانتم طيبين ويارب السنه الجايه اقدر اقدم شي يفيدكم واقدر استفيد من خبراتكم في حياتي تحياتي نـــــــيمـــ كيارا ــــ مولان ــــو

69 كلام قلوبهم:

Soul.o0o.Whisper يقول...

أول تعليييييييييييييييييييق


حجزززززززززززززززز


يا خياااااااااااارااااااااااااا

Soul.o0o.Whisper يقول...

هه

هه


الحمد لله



لحقت أول تعليق

Soul.o0o.Whisper يقول...

ايه دا ؟؟؟

و كمان تانى تعليق ؟؟؟




أحمدك يااااااااااااااارب

Soul.o0o.Whisper يقول...

تصدقى و كمان تالت تعليق؟؟؟



ايه بس الحظوظ دى ياربىىىىىىىى




حظوظ

Soul.o0o.Whisper يقول...

تصدقى أنا خايفة آخد الرابع كمان؟؟




بجد تبئا صدفة جميلة


:)

Soul.o0o.Whisper يقول...

اييييييييييه داااااااااااااا



تصدقى الرابع و الخامس كمان





كدا آخد ربع جنيه

ههههههههههههههههههه

Soul.o0o.Whisper يقول...

طب باقولك ايه




ممكن اقرأ و ارجع لك؟؟؟






لسه ماقرأتش والله

ههههههههههههه

كيــــــــــــارا يقول...

ههههههههههههههههههههه

هههههههههههههههههههههههههههههههه

يالهووووووووووووووووووووي 7 يامفتريه ههههههههههههههههههههههههههههههههههه


طيب اقري يلا وقوليلي رايك

Soul.o0o.Whisper يقول...

اييييييييييييييييه داااااااااااااااا؟؟؟



أجااااااااااااازة؟؟؟؟


امممممممممممم



بصى عارفة لولا عمو بس جاى

أنا كنت أعلنت عليكى حالة الحرب
بس ياللا

هأجلها لما تقضى الاجازة مع عمو
ربنا ما يحرمك منه يارب


:)




خالص ودى
يا جيش العدو
هههههههههههههه

Soul.o0o.Whisper يقول...

و نختم بئا بـــــــــــــــ


كل سنة و نيمو و كياران و مولان بخير
و بصحة و سعادة دايما يارب


و مانتحرمش منهم أبدا

و لا من القطة المستخبية وراهم
:)

عاشقه الرومانسيه يقول...

حبيبتى كيارا
احيكى على البوست الجميل ده
وحمد الله على سلامه بابا
وبلاش تغيبى علينا كتير
ترجعى بالسلامه
والله مش عارفه ايه الحكايه النهارده كل ما افتح مدونه الاقى صاحبنها فى اجازه
ههههههههه
ترجعولى بالسلامه

romansy يقول...

ان شاء الله كل سنه تعملى جديد كده يارب
وبالتوفيق ان شاء الله
يا كيارا

وخدى اجازه طالما هتبقى عائليه خلاص



كل سنه وانتى طيبه

حروف (دلو مرة ثانية وجرح ثاني سابقا) يقول...

حتوحشينا وياريت متغبيش ترجعلنا بسرعة

e_emy يقول...

ترجعى بالسلامة ياجميل

وكل سنة وانتى طيبة (:

smilyrose يقول...

كل سنة وانتى طيبة يا قلبى


وحشتينى جدا وعقبال مليون سنة

وحمدلله على سلامة بابا

وبعدين البت سول

واخده التعليقات لحسابها ولا ايه

هو مفيش حد غيرها يعنى

ههههههههههههههه

ربنا يحبب فيكى كل اصحابك

ومش تنسى تسلمى على ابو على

ههههههههههههه

smilyrose

روح الحب الصادق

فارس القمر يقول...

السلام عليكم

كل سنه وانتى طيبه وعقبال 100 سنه

بوصل والدك بالسلامه ان شاء الله

احييكى على البوست الرقيق وذكريات

الماضى الجميل

mosh 3aref يقول...

كل سنة وانتى طيبة وعقبال 100 سنه

وحمدالله على سلامه والدك

تقبلى تحياتى

Walad_Masry يقول...

كل سنه وانتي طيبة

وحمدا لله على سلامة الوالد مقدما

فعلا من لقي أحبابه نسي أصحابه :)

ليكن

تحياتي

وومن يقول...

هابي بيرث زي تو يو

يلا حالا بالا حيوا ابو الفصاد

بصراحة حاسة اني فاتني كتير علشان مش عرفت كيارا وضي القمر كويس

بس الحمد لله لحقت مولان

عقبال مليون سنه

لحظة تأمل يقول...

كل سنة وانتى طيبة وبخير
نيمو - كيارا - مولان
المهم انك لسه بتكتبى وان شاء الله كل سنة تبقى احلى من اللى قبلها

ترجعى بالسلامة ومتغيبيش كتير

dr_samarmar يقول...

كل سنة و انتى طيبة :)

تصدقى فعلا انى و الله لما شوفت الأكونت مولان بتاعك كان عندى احساس ان مولان هى كيارا مجرد من ردك لحد ماتأكدت من كذا تعليق بعدها من كذا حد فى البلوج بتاعتك

كل سنة و انتى طيبة تانى و ربنا يزيد حب الناس ليكى دايما و يسعدك بحبهم دا :)

Abu ShoSho يقول...

الفارسة مولان
شكرا
أدعو الله أن يديم عليك نعمة حب والديك و نعمة برهما
تحياتي

كاتب مصري يقول...

كل سنة وانت طيبة يا..مين بالظبط حددي شخصيتك ههههههههه
منورة والله عالم التدوين دايما
ربنا يكرمك ويوفقك
تحياتي

Nabil يقول...

كل سنه وانت كلكم طيبيييييييييييييين

ودايما منورين

حبيبة الروح يقول...

كل سنه وانتي طيبه كل سنه وانتي جميله كل سنه وانتي شقيه
ومش مهم انتي مين فيهم
المهم قلبك واحد
كل سنه وانتي سكر
اموااااااااااااااااة
متقفليش المدونه تاني هسعل منت

Butterfly يقول...

كل سنه وانتى طيبه
ويارب تفضلى مستمره كده على طول
وفى تقدم مستمر :)
تحياتى .

احساس لسه حى يقول...

عزيزتى
كل سنه وانتى طيبه وانتى سعيدة

سلام

صبرني يارب يقول...

كووووووووووكي

ايه ده كل دي اسامي يا لولو هو انا وقعت فى شريط والت ديزني ولا ايه

كل سنه وانتى طيبه يا جميل

وايه هاتغيبى ليه

طيب ابقى اغلطي كده وتعالي بصي علينا برضه

هاتوحشينى يا لولو ما تتاخريش بقى

حسن حنفى يقول...

كل سنه وانتي طيبه

معلش متاخر بس عقبال اما دخلت النت

وان شاء الله تفضلي معانا علي طول

دمتي بخير وان شاء الله ترجعي بسرعه

mostafa rayan يقول...

عيد سعيد يا جارتي العزيزة

mostafa rayan يقول...

كل سنة وانتو جميعا بخير
يا جارتي العزيزة

Teawater يقول...

اسفوووووون للتاخير
كوووووووووووووووووووووووووووووووول
سنه وانتي بخير وعقبال مليون سنه تدوين

لماضة يقول...

كل سنه وانتي طيبه يا ستي
بس ايه عالم والت ديزني ده
ولا دي اعراض شيزوفرينيا متاثره بالطفوله
عموما كلنا بنعاني منها اليومين دول
الحمد لله ان شيزفرونيتي جايه في بوو بس
اوعي المره الجايه الاقيكي مسميه نفسك بطوط بس
هعرفك برضه :))
كل سنه وانتي بالف صحه وسلامه
نورتي العياده

منى يقول...

كل سنه وانتى بكل الخير يا كيارا
ومنوره دايما
تحياتى

البت المشمشية حلوة بس شقية يقول...

ك ل س ن ة وا ن ت ى ط ي ب ة

وسلميلى على عمو باباكى
وهتغيبى ليه
خليكى معانا
ومتتاخريش عننا

ahmed_k يقول...

كل سنه وال3في واحد دولا بخير وموفقين
ومن نجاح وتقدم لنجاح وتألق
ويلا يا كيارا أو نيمو أو مولان
شدي حيلك في السنه الجديده وعايزين نشوف دايما إبداعاتك كما تعودنا عليكي طوال المده السابقه

تقبلي تحياتي

صوت من مصر يقول...

بجد فاكر البلوج بتاع ضى القمر كان حاجه جميله جدا
بجد افتكرى لان الايام مش بترجع غير فى الذاكره
حتى لو دمعنا او بكينا مفيش حل ؟

حاجات جوايا يقول...

حمدا لله على سلامة بابا يا كيارا
بوستك لذيذ وعفوى

وبالنسبة للعصبية بتاعتك .. فانا شاهد عيان ههههههههههههه

دمتى فى حفظ الله حبيبتى
فى انتظار عودتك
سالى

ادم المصرى يقول...

بلتوفيق ان شاء الله وكل يوم جديد وربنا يوفئك فى كل حياتك ويحرصلك اهلك اتمنالك الخير كيارا على فكره اسمك روعه

رؤية يقول...

كل سنة وانتى ومدوناتك طيبين
ومنظرين ديما تواجدك
وحمدا لله على سلامة والدك
واعانك الله على مشاغلك

^_^

تحياتى لك

** القــــلـــب المنـــكـــســر** يقول...

السلام عليكم

التاني و اربعين تعليق ههههههههههه

يارب ترجعي بالسلامه

مس حولي متغبيش عننا كتير

احييكي

اتنمي زيارتك الي مدونتي المتواضعه

** القــــلـــب المنـــكـــســر** يقول...

اسف

الواحد و اربعين ههههههههههه

انا بهزر

سلاااااااااااااام

Dr Ibrahim samaha يقول...

لا التدوين ازداد ثروة بالإبداع الغير متناهى ربنا يكرمك

تحياتى

صدى الصمت يقول...

كل سنة وانتى طبية ودايماً فى تقدم وتألق بإذن الله
تحياتى

DoNyA يقول...

نيمو كيارا مولان

كلهم قلب واحد
روح واحده

قلب طيب
وروح طيبه بتحب الخير لكل اللي حوليها

يابختنا بيكي
وكل سنه وقلبك وروحك
طيبين ومعانا دايما

أميرة الجنة يقول...

السلام عليكم
كل سنة وكل اللى انتى قولتى عليهم طيبيبن نيمو ومولان وكيارا وحمدالله ع السلامة لبابا ويارب تقدرى تقعدى معاه اكتر وقت وتستمتعى بوجوده معاكى بوستك روعة
دمتى بخير وتقبلى مرورى

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

زمن الشيكابالالالا يقول...

كل سنة وانتم كلكم طيبين
تحياتى

المحارب المتيم يقول...

السلام عليكم

ازيك يا مولان كيارا نيمو

ايه رأيك فى الاسم التركيب ده

مش جديد بس الصيغة جديدة

رغم طول البوست النسبى وتوهانه

حسيت باللخبطة من كتر المدونات والمنتديات والاكونتات والباسوردات

وكل اللى فيه دات

عامة كل سنة وانتى بكل خير وسعادة يارب

تحيتى

بنوتة يقول...

كل سنة وانت طيبة و ترجعى بالسلامة

وميض ابتسامة يقول...

عزيزتى

صحيح مشوارك كان طويل .. وتغيرت هويتك أكثر من مرة .. ولكننا تقديرا وحبا لشخصك المحبوب تتبعناك حتى مولان

اتمنى ان تدوم مقالاتك وخفة دمك ....
وبلاش العصبية دى والله ...

ربنا معاك والسلام عليك

هانى زينهم يقول...

كل سنة وانتى وكل دول طيبين يا كيارا يا نيمو يا مولااااان . بجد الاسماء دى مهمة جدا فى التدوين ويا رب بقى مولاااان تعيش شوية وما تقلبش لسنو وايت بعد كدة !!!

قطرات من شواطئ الحياة يقول...

كل سنة وانت طيبة يا كيارا و نيمو و مولان و ضي القمر و أبو العريس و بنت أخت العروسة و أنا و انت و رقصني يا جدع

حبة جد بقا

حمدالله عالسلامة .. يا كيكي أنا أكتر واحدة عارقة قد إيه السرقة الإلكترونية دي بتوجع .. بالذات بعد مااتسرق اللاب توب بتاعي بكل اللي عليه صور و خواطر و أبحاث و ملفات و بروجكتس و كل حاجة كل حاجة بلا رجعـــــــة
ماتغيبيش عننا كتير اتفقنا ؟؟؟

blue-wave يقول...

كل سنه وانتى ومدونتك بخير

حسن حنفى يقول...

فيييييييييينك ؟!

dalia يقول...

مولان الجميلة
كل سنة وانت بخير ، اتفق معك في ان التدوين بيمس كل شيئ حتى القلب وليست مجرد كتابات بقصد تضيع الوقت وفقك الله وجعلك دوما من المدونيين المتميزين
تحياتي

بـسـمـــة صـــــلاح يقول...

كل سنه وانتي طيبه ياعسوله
حمد لله ع سلامة باباكي
وانت ماشاء الله محبوبه أوي
عقبال لما اكون زيك كدا
تروحي وترجعي بالسلامه
هفتقدك بجد
دمت بكل ود
تحيــــــــاتي(:

fashkool يقول...

ايه الحكايه .. المدونه مش بتفتح من اللينك اللى بره ليه .. قعدت ابحث عن تعليق لك عشان يمكن اعرف افتح بيه وبعدين قدرت ادخل على عالم مولان .. تحياتى يا كيارا

fashkool يقول...

ايه الحكايه .. المدونه مش بتفتح من اللينك اللى بره ليه .. قعدت ابحث عن تعليق لك عشان يمكن اعرف افتح بيه وبعدين قدرت ادخل على عالم مولان .. تحياتى يا كيارا

hager za3bal يقول...

ان شاء الله كل سنه يبقي فيها جديد..:)

خدي اجازه يا ستي
بس متتأخريش
عشان ليكي عندي تاج
ولاااااااازم تجاوبيه..:)

تحياتي

ريمان يقول...

اجازه لييييييه بس

يا وحشششششششه

طب مش تغيبى بقه عننا يا قمر

منتظرينك

Eno يقول...

كيارا
كل سنه وكل دول بخير
والاهم صحبتهم انتي يعني كل سنه وانتي طيبه ومعانا وبخير
وتفضلي تدوني ميت سنه مش مهم الاسم الاهم انه انتي معانا وبتدوني وبتسعدينا :)
وترجعلنا بالسلامه :)

زهرة الجنة يقول...

كل سنة وانتي طيبة وبخير


وليكي تاج عندي


تعالي خديه


وأوعي تنسي (:

رفقة عمر يقول...

كل سنه وانتى ومدونتك بالف خير وسعادة

dr_samarmar يقول...

يللا ارجعى يا كيارا كل دا غياب :)

عاشقه الرومانسيه يقول...

كياراااا

وحشتينى
مش كفايه كده بقى وترجعى

ولا انتى اخدتى على الراحه والغياب عننا

وحشتيييييييينى

بيكر(baker) يقول...

نورتى المدونات و يا رب السنه الجايه تبقى احلى و احلى

طوبة ذهب وطوبة فضة يقول...

يارب ترجعى بالف سلامه والف حمد لله على سلامه باباكى وسواء كنتى كيارا او نيمو او مولان احنا بنحبك ذى ما انتى فى اى حال وديما يارب منوره التدوين

fashkool يقول...

نسيت اقول لك فى التعليق اللى فات كل سنه وانت طيبه