الأربعاء، فبراير 11، 2009

فوقي ياقطة احنا في غابه الجزء الثانى


ودلوقتي الجزء الثاني من ياقطه احنا في عصر الغاب كان في تساءلات كتيره عن الجوازات اللي حطتها في الجزء الاول هنـــــــــــــــــــــــا حبيت افسرها حبه عشان نعرف اد ايه النور حلو زواج النت
*********
هو : حياتي وحشاني ومشتقالك اوي

هى : وانا كمان مشتقالك

هو : بحبك اوي ونفسي اخدك في حضنى

 
هى : وانا كمان ياحبيبي بسس مش ينفع ان شاء الله هتاخدني في حضنك بس لما نتجوز

هو: طبعا ياحياتي انا مش ممكن اعمل حاجه حرام (افلح ان صدق )
 

هي : طب هتجوز ازاي 

 
 
هو : انا هشتغل ليل مع نهار عشان اجي اتقدملك

 
هي : بجد ياحياتي

 
هو :طبعا بس انتي وحشاني دلوقتي لسه هستني لحد اما اتقدم

 
هي : طب هنعمل ايه 

 
هو : ايه رايك نتجوز دلوقتي

هي : ازاي ياحياتي


هو: هتقولي زوجتك نفسي علي سنه الله ورسوله وانا هقولك وانا قبلت زواجك

 
هى: لا مش ينفع وبعد اقناع ماخدش ثواني يحجه الحب والهيام اللي ياحيني مقطع بعضيه

 
في قعده مش كملت ربع ساعه علي الشات اتجوزو
ولا عقد ولا حتي حصل العرفي علي الاقل العرفي في ورقه وفي شهود بلا قرف جبتولي الضغط






************
 
زواج الكاسيت
 
نفس النغمه اللي فوق
بس بالمقابله بقي ومشغلين كاسيت وهى بتقول زوجتك نفسي علي سنه الله


ورسوله وهو بيقول وانا قبلت زواجكك 


******** 
زواج بالدم
الاخت القموره بتعور نفسها عند قرب الوريد كدا والشاب الفلللللللللللله بيعور
هو كمان نفسه ويحط ايده علي ايدها
ومبروك للعروسين لولولولوللولولولولوللىىىىىىىىىىىىى وزغروطه للحروسين



******** 
دا غير بقي الزواج العرفي اللي اصلا استهلك نقاش وكلام


ولسه ياما في طرق بيخترعها الشيطان وبيوصلها لرسله في الارض


مح تحياتي
كيارا

165 كلام قلوبهم:

ABOALI يقول...

اول تعليق
غتاته دوت كوم

ABOALI يقول...

هى مش غابه اوووووووووى
علشان هناك فيه اسد

عندنا فيه ارانب
ولالالالالالالالالالالالا ايه

تانى تعليق

ABOALI يقول...

بس الحل موجود
اكيد للغابه
ندور على الفيل

ثالت تعليق

ABOALI يقول...

بس الموضوع ده بجد مهم
لاءن بعد ان يتم الانفصال
البنات دول بيروحوا فين

خادمات فى الخليج
فى الكازينوهات
فى الطرقات
وووووو

بجد ده جرس انذار

ABOALI يقول...

على الفكرة
ده يعنى انى البوصلة عندنا مختلة
وقريب ممكن نبقى اوربا بس مودرن حبيتن

ربنا معانا

ABOALI يقول...

سيدنا عمر بن الخطاب
يقول
اكره من المرء او الشخص
ان يعيش سبهلله

اى فوضوى
ونحن فى خضم السبهلله

ABOALI يقول...

بس سبب كل ده

الفجوة بين الاباء والابناء
واختلاف المعايير والاسس

فالاب الان عنده المال هو اساس السعاده

والابن يراهاه فى الهمبكة والعربدة

ABOALI يقول...

نعمتان غافل عنهما معظم الناس

الصحة والفراغ


ونحن لا نستثمر الاعمار
بل نضيعها

romansy يقول...

ل شئ متوقع يحصل فى الدنيادى
كل انواع الزواج والاختراعات الجديده

دا جيل عجيب غريب

انا حره يقول...

اللى يعيش ياما يشوف

ربنا يسترها معانا جميعا

EMMY BABY يقول...

ايييييييييييييييييه يابو على محتل التعليقات

8 تعليقات ليه يعنى

انا شكلى هتنرفز

EMMY BABY يقول...

نرجع لموضوع البوست

كيارا انتى بتكلمى جد فى كدة ؟؟؟؟؟؟؟؟

ليه هى البنات اتهبلت ؟!!!!!!!

نهــــــــــار يقول...

السلام عليكم ...
إنتي عثل ,...
وتستاهلي مثاثه على الرساله دي..
...
دمتي بخير

mo5tar يقول...

مممممممم

هقول ربنا يهدى يارب الشباب والبنات

بس بجد اللى بيعمل كده سواء بنت ولا ولد يبقو عبط

وبصراحة انا بلقى اللوم اولا على البنت

وكمان البيت

لو كانت الام هى سر البنت الوحيد

مش هتقدر تخبى عليها حاجه وهتحكيلها كل حاجه

والله حرام اوى انه تتعمل الحاجات دى

كذب وخداع باسم الحب

كلام فارغ باسم الحب

قلة ادب * سورى * باسم الحب

الحب هيستحمل ايه ولا ايه

يلا ربنا يهدى بناتنا وشبابنا الى ما يحب ويرضى

اللهم آآآمين

صوت من مصر يقول...

بس الغابه القطط ممكن تعيش جواها
للاسف احنا فى زمن كله براكين

Nabil يقول...

السلام عليكم.......

ازيييييييك ؟؟اخبارك ايه؟؟
يارب كله تمام

دى بقى ناس للاسف بتبقى شايفه الصح وتعمل نفسها مش شايفاه

والتصرفات دى انا شايف انها بتتعمل بملىء الاراده محدش فيهم بيجبر التانى لا القطه ولا ال...

وطبعا التطور فى الموضوع ده ليه اسبابه
اللى المجتمع بيشارك فيها

بس برده الخطا ابدا ابدا لا يبرر.

اطيب تحيه ليكى وسلامى

hager za3bal يقول...

:|

ايه دا؟؟

بجد مش هقول غير ربنا يهديهم.. شئ يحزت أوي..
اكيد كلنا عارفين الزواج العرفي والحوارات اللي بتحصل عالنت

بس زواج الدم والكاسيت دول كانو مفاجأه

بس يا كيارا
هما يعني لما يعورو نفسهم يبقي كدا اتجوزوا!!!!!!!
لا حول ولا قوة الا بالله

وايه الكاسيت دا كمان؟؟
اثبات يعني بدل الورقه؟؟!!!

ههههههههههه
والله ضحكت
شر البليه ما يضحك زي ما بيقولو

يلا مستنيه الجديد يا كوكي..:)

princess يقول...

هيا الفكرة فى الدين
مفيش دين مفيش قيم

صدى الصمت يقول...

والله عندك حق لازم نقدم النصيحة عشان البنات تاخد بالها وماتتورطش فى علاقات من النوع دة وتندم وتغرق لوحدها فى النهاية
أحييكِ على مواضيعك الهادفة

وردة يقول...

والله عندك حق
المشكلة ان البنت بتكون مش عارفة انها بتفرط في نفسها وشرفها وشرف عيلتها
لو كان هو بيحبها كان خاف عليها
بصراحة كده مفيش واحد يقدر او حتي يستجري يطلب طلب زي ده من بنت محترمة
البنت بتتساوي مع الولد في مسؤلياتها عن الغلط ده
لكن هي لوحدها اللي بتتحمل النتيجة
موضوعك جميل ومهم والرد عليه يطول
بس حسسيب باقي اصحابك واحبابك يكملو
سلام

المعتصم يقول...

ربنا يصلح الحال
طب العرفى ومقدور عليه وفيه ورقه انما الدم والكاسيت دول يعملو فيهم ايه ؟ حسبنا الله ونعم الوكيل
بس على فكرة البنات بتبقى عارفه هى والشباب انه مش صح بس هما اللى بيحاولو يقنعو نفسهم بالعكس وطبعا ده كله متاخد من الثقافه الغربيه اللى احنا بناخد منها الحاجات الوحشه بس ونسيب الحاجات الكويسه
ربنا يهدى
اه ماتنسيش تيجى تاخدى المثاثه بتاعتك قبل ماحد تانى ياخدها انا ماليش دعوة
ســــــــــــــــــلام

maioya يقول...

فعلا كتير بيقول بسبب الحب
يبقي نعمل كذا وكذا
معرفش بيضحكوا علي نفسهم ولاايه
ربنا يهدي الجميع

انا ودماغي يقول...

أولا أنا بألطالب و بشدة طرد أبوعلى من هنا

إيه اصله ده واخد 8 تعليقات لوحده















على فكرة يا خيارة انا اول مرة اسمع عن جواز الدم ده .......الناس دى أتهبلت و لا إيه

لا حول و لا قوة إلا بالله ربنا يهدى و يسترنا يا رب

elsha3er يقول...

والله دة كله من انعدام الدين والتربية لان الولد والبنت لو عارفين دينهم او متربين صح ما حدش حيغلط حتى لو تحت تأثير الحب

دة مجرد رأيي


احمد الشاعر

mahasen saber يقول...

بخصوص التحديث وصل
ويا رب تتكرر علللللللللللللللطول

هههههههههههههههههههه

عشان بس اخد حق موبايلى

mahasen saber يقول...

اما بئه البوست
فانا شايفه ان ده تحذير وتنبيه ورساله هايله

للاولاد والبنات من بنت عاقله متقاربه معاهم فى نفس المرحله العمريه

يعنى كلامك فى محله ويتقبلوه منك اكتر من اى حد تانى لانك من نفس السن والمرحله العمريه

برافو يا كيارتى

مسدس صغير يقول...

مقولتيش على زواج المسيار ليه؟؟
الجواز ده بقى يا ستى واحد ممعهوش ولا نكلة يتجوز وحدة وهيه فى بيت ابوها ويروحلها مثلا يوم فى الاسبوع وملوش دعوة بالمصاريف بتاعتها ولا ينفق عليها وملوش دعوة هيه خرجت دخلت راحت جت هوه ملوش دعوة ...
وعلى فكرة بيبقى سرى
ومن غير عيال بلا قرف..
ربنا يستر..

ضــى القمــر يقول...

حبيبتى كلامك مهم جداااااااا
لكن بعض البنات بيضحك عليهم بمزاجهم ..وطبعا مش بظلمهم وبقول أنهم بيكونوا عايزين الخطأ
لكن اقصد انهم بيكونوا عارفين أن الأرتباط ده مش مضمون ابدااا ..
لكن بيقولوا لنفسهم انا هقدر اخليه يرتبط بيا لدرجه انه يتقدملى رسمى بسرعه .. هخليه يرتبط بيا لدرجه انه مستحيل يتخلى عنى ابداا..
ده كلام بعض البنات .
وغير انواع الزواج دى .. فى زواج تانى بالسنان .
يروحوا عند دكتور اسنان .. وده يخلع سنه والتانيه تخلع سنه .. وتقريبا يتبادلوها .. الله اعلم .

لكن تقريبا اللى اخترعها .. كانت سنته تعباها وقال اهى فرصه ونسمها جواز .. واعذبها زى ما انا هتعذب فى الخلع .. هههههههههههههه

والله جنان رسمى يا كيارا

اجمل تحيه .. لأختى ذات التفكير الرائع
كل الحب لكِ

hager يقول...

عاااااااااااااا
ده مش اسمه جواز ده بتنجان ومقلي كمان
بس بجد بقي
لو لسه بنات عبيطه وهبله بالمنظر ده تبقي حاجه تحرق الدم
ربنا يحمي بنات المسلمين ويهديهم يا رب
وشباب المسلمين بالمره :)

adel يقول...

معلش الولاد مش شياطين و البنات ملايكة الغلط بيجي من الاتنين

اصل البنت لو فاهمة الدنيا صح و عندها خلفية دينية و لو ضغيرة الكلام الاهبل ده مش هيعدي عليها بس البنت زي الولد الاتنين ميفرقوش عن بعض و الاتنين بيمشوا ورا رغبات مكبوتة و قلة الوعي عندهم بتخليهم يعملوا حاجات غلط

-------------
ايه الكلام الكبير ده

هههههههههههههههههههههه

أكون أو لا أكون يقول...

هههههههههههههههههههههههههههههههههههه
مش معقوووووول....ههههههههههههههههههههههه
ايه ده؟
لا حرام عليكي...
انا خلاص حموت من الضحك...
هههههههه... مش طبيعي البوست ده هههههههههههههههههههه
ليه ياكيارا... حتجيلي ازمه قلبيه من كتر الضحك...

هو بجد فيه كده...؟؟؟
لا
لا
لا
مش معقول... زواج كاسيت؟ههههههههه

لا وزواج الدم...!!!! 
استغفر الله...

.............................
وحشتني ياوردتي... انا مشتاقه لك كتير...
انا اللي عامله لك اضافه على الإيميل التاني... بس مش عرفتيني؟
المهم... انا كنت طلبت رقم موبايلك... ومش بعتيه... او بعتيه وماوصلش...!
ياريت تبعتيه ياوردتي...
: )
مع السلامه...

جمعاوي صاحب "عيادة أسنان" يقول...

السلام عليكم كيارا

منه لله اللى كان السبب

وخلى الافكار دى تطلع

وكمان بنات بسهولة جداااااا ينضحك عليهم

وولاد ما عندهمش أخلاق ولا دين انه يعمل مع بنت اللى عمره ما يرضاه على اخته او مامته

بجد الموضوع مع ان لهجته لذيذة الا انه نرفزنى جداااااااااااااا

ربنا ينتقم من اللى كان السبب

وعذرا والله على الاسلوب الغبى ده

ويلا سلام

marmar يقول...

دي قله ادب ولله العظيم
انا شفت بعيني المناظر اللي زي دي في المدارس والجامعات ولله
مش عارفه ازاي البنت ترضى بالمسخره دي وبتوافق بيها وتقتنع بالكلام الاهبل ده
ربنا يسترها على البنات يارب كلهم
ياريت كل القطط يفوقوا بقى

mohamed ghalia يقول...

واضح إنى أكاديمية الشيطان لسه شغالة وبتقبل من اى مجموع
ربنا يهدى شبابنا

من غير عنـــوان يقول...

اللي يعيش ياما يشوف...
مش عارف آخرتها إيه والله...

ربنا يستر....

أمنياتي

الحقيقه المصريه يقول...

دعوه للتضامن
من يقبل بالحكم الصادر ضدي بغرامه 42.500 الف جنيه
لاني نشرت مستندات تؤكد خطوره شركه تراست للكيماويات ببورسعيد
على البيئه
وعلى العمال
وعلى امن مصر القومي

لذا ادعوك لزياره المدونه
والوقفوف على اخر التفاصيل

لان هناك رساله خطيره جدا موجهه للمدونون المصريون
وأنا اول من تلقى هذه الرساله
وهي انه يجب على الجميع ان يكتم فمه
اوكلت يوم اكل الثور الابيض

تقبلوا تحياتي
تامر مبروك

المدونه التي اخذت الحكم بسببها
http://elhakika.blogspot.com/‎

‎للتضامن على جروب الفيس بوك
http://www.facebook.com/group.php?gid=47349658820


موقعنا على الانترنت
http://www.elhaqeqa.com/?page_id=1160‎

===

أميرة الجنة يقول...

الف مبرووووووووووووووووووووووك يا ختى عقبال البكارى
لوللللللللللللللللللللللللللللللللللللللوى
ربنا يسترها معانا

Eno يقول...

يالهووووووووووووووي كل ده بيحصل بجد
وش مندهش جدا !!!!!
انا اول مره اسمع عن الحاجات دي وطبعا البنوته السكر دي بتاخد بومبه كبيره في الاخر

يادهوتي
الحمد لله علي نعمة المأذون اللي كتب كتابي اينعم كان فنكي بس وماله اسمه قدام كل الناس مأذون D:
تحياتي :)

Teawater يقول...

جميل جدا طريقه عرضك للتوبيك يا كيكي
بس في مشكله واحده بس
ان البنت الي بتعمل كده اكيد لا عندها لاعقل ولا دين
وحسبي الله ونعم الوكيل
ربنا يهدي
جزاك الله بهذا التوبيك خيرا

أمير البلانكو يقول...

مولان

ازيك

علي فكره يا مولان بجد انتي ليكي اسلوب روعه في الكتابه بتتكلمي عن قضايا مهمه جدآ
في اطار من الضحك

جميل أوي أسلوبك با مولان

تحياتي ليكي

Foxology يقول...

احنا مش ف عصر الغاب >> احنا فى عصر الأفتكاسات :)

تحياتى

صفـــــــاء يقول...

.
يا حبيبه قلبى وبما اننا كلنا بنقعد على النت فترات طويله وبما اننا برضه لينا ايميلات ولينا معارف واصدقاء بس برضه ميمنعش ان ايميلك يقع فى ايد حد غريب او بالصدفه ويقول تلاقيها عيله وهبله وصيدة بقى وانا أثبتها واعشمها بالحب والجواز
يوووووة كلنا شوفنا من البدع دى كتير اوى بس برافو والله انك كتبتيها

esraa يقول...

الكارثه ان الحجات دي بتحصل بجد ومش في فيلم كوميدي

الحمدلله الذي عفانا مما ابتلي بيه غيرنا

MEDUS يقول...

كيارا
كيف احوالك ؟معلش انقطعت فتره عن التعليق على بوستاتك لكنى اعود من جديد... زمنا ليس غابه لان في الغابة الحيوانات بتقدر تتكيف مع الواقع بتعها وتتلاشى الاخطار .. للاسف احنا في زمن البشر وبالش نظلم الحيوانات ويانا
تحياتي

عاشقه الرومانسيه يقول...

والله يابنتى عندك حق دى خيبه
بس انا اول مره اسمع على جواز النت والكاسيت دول
الدم سمعت عنه والعرفى معروف
ههههههههه
حلوه العرفى معروف دى
ربنا يعافينا ويكمل بناتنا بعقلهم يارب

وومن يقول...

بصي يا عسل انيت بصراحة الولد والبنت بيستعبطوا

مبقاش في حد عبيط ولا ساذج في الزمن ده والحمد لله الجرايد والنت والفاضائيات مخلتش وقالت لما شبعت في اشكال الجواز دي ومع ذلك تلاقي ناس لسة بتستهبل وتعمل عبيطة ومتعرفش

يعني عندك مثلا واحد زميلي جاي مرة بيسألني إيه رأيك في جواز الوهبة
قولتلة انت بستعبط أفتح القرءآن وانت تعرف ولو مش متوضي ادخل علي النت علي دار الإقتاء أو اي موقع إسلامي محترم وانت تعرف

تحياتي يا شربات مكرر

كيــــــــــــارا يقول...

بشكر الجميع علي ردودكم اللي بجد بحس فيها بالامل الكبير

بس حايه اوضح ان الحوار اللي عملاه في البوست من واقع خيالي يعني متالف مش حصل امامي لكن بعتقد انه بيحصل

كيــــــــــــارا يقول...

ابو علىىىىىىىىىى

ايه الاحتلال دا

هو انا اخلص من العدوان الثلاثي يجيلي بقي حرب اكتوبر هههههههههه

والله بتنورني بتعليقاتك اللذيذه دي

كيــــــــــــارا يقول...

اممممممممم والله ياابوعلي انا احترت اسميها ايه علي الاقل قانون الغاب بين الحيوانات بيحترم لكن قانون الغاب لو اتطبق بين البشر يبقي دمار

كيــــــــــــارا يقول...

لالالالالالالالالالالا الحل مش في الفيل خالث الحل في العقل الل ربنا وهبه لينا وميزنا بيه عن كوووول الافيال

كيــــــــــــارا يقول...

دا لو عاشو اصلا

زي ماقلت في البوست بتاع الجزء الاول ان اللي بتتدمر هي البنت

كيــــــــــــارا يقول...

ABOALI

***********
لا ياابوعلي عمرنا ماهنكون كوبي من اوربا لان عندنا رب كبير وبابه مفتوح للجميع

كيــــــــــــارا يقول...

ABOALI

********

لا احنا مش في خضم السبهلله لان في نماذج كتير مشرفه ومش عشان 10 او 20 نقول ان احنا في خضم السبهلله واحنا اتكلمنا عن سبب المشكله وكنت سالتني واستناج الكلام كان الفراغ بالفعل الفراغ بياذي ناس كتير

بس كمان طول مافي ناس بعيده عن ربنا عمرها ماهتكسب ولا ايه حل اي حاجه في كلمه يارب

وبرده انا مش شايفه ان المشكله في الفجوه بين الاباء والابناء او يمكن لاني مش عشتها فمش حساها الله اعلم

كيــــــــــــارا يقول...

romansy
**********
ليه كل شئ متوقع بلاش ياس دي حالا ت فردية
جيل عجيب غريب يالهوي الثلاثه مع بعض :)

بهزر فعلا جيل عجيب

كيــــــــــــارا يقول...

انا حره
*******
فعلا اللي يعيش يما هيشوف ربنا يسترها علي البنات كووووووولها.

كيــــــــــــارا يقول...

EMMY BABY

*******

شوفتي الاحتلال يااايمي عامل ازي ااااااه ياني اه

مش تتنرفزي اعصابك تاجدي برفيم

كيــــــــــــارا يقول...

EMMY BABY

*************

هههههههههههههه اه والله بتكلم جد جداااااااا

والبنات بيتضحك عليها يبنتي انا بستغرب من كدا اصلا

انا سعمت بلاوي بس مش بقول خلي الدنيا بمبي بمبي

كيــــــــــــارا يقول...

نهــــــــــار

*********

وعليكم السلام و رحمة الله وبركاته

هييييييييييييييييييييييييييييه انا حثل وهاخد مثاثه كمان

هاتي بوثه بقي

امممممممممموه

كيــــــــــــارا يقول...

mo5tar

********
العيب مش علي البنت لوحدها هي ليها دور بس مش الدور الاساسي هو الولد اللي بيضحك دا يرضي ان اخته يتعمل فيها كدا

يبني هي داين تداااااااااااااااااااااااااااان واالديان لايموت

وزي ماضحك علي بنت كدا ربنه هيرزقه باللي يضحك علي اخته او امه او بنته او زوجته ماهي دايره ودوراه

كل اللي فاقع مرارتي ان اسمي شي بيتلعب بيه الكوره وبيتعمل باسمه العمايل يلا ربنا يهدي

كيــــــــــــارا يقول...

صوت من مصر

*************

براكين

والله اقرب وصف

جنّي يقول...

السلام عليكم

يا نهار اسوح يا جدعان ..

ايه البلاوي دي .. ربنا يسترها على بناتنا وبنات المسلمين من ذئاب النت والشات وكلاب البني ادمين ..

dr_samarmar يقول...

هههههههههههههه

ايه دا بجد؟؟!!!!

بيتجوزو ع الشات و بالكاسيت و بالدممممممممممم


بس حلو موضوع الدم دا :D

ايه دا فى ناس كدا

ربنا يهدى وا لله

قهوة بالفانيليا - شيماء علي يقول...

يا بنتي في هذا الزمان ..
ماعدش في قطط :)
اعتقد ان العصر دة عصر واعي يعني..
البنت المفروض تكون مبصرة اوي ..
بس البنات غلابة برضه بيني و بينك :)
تسلمي يا كيارا .

mohamed ghalia يقول...

واضح إنى أكاديمية الشيطان شغالة
وبتقبل من اى مجموع
ولسه يامه هنشوف
دمتى بكل الود

حياه بلا عنوان يقول...

توبيك جميل بس اكيد مش فاهمه قوى عشان ماقرتش الجزء الاول بس احنا مش فى غابه احنا الدنيا بقت غابه بس مش قوى تحياتى

شمس النهار يقول...

بصراحه الموضوع كده زاد عن حده
معقول الناس دي مش لاقيه حد يفهمه والا قدوه تمشي عليها
للدرجه دي الناس دي مغيبه كده
تحت اسم الحب
حب ايه ده اللي بيعملوا فيه كده

حسن حنفى يقول...

ربنا يعافينا

اللي يعمل كده هو و هي مش عندهم دم ولا اخلاق ولا حتي احساس بوالدهم او والدتهم

الازهرى يقول...

يا ما فى الجراب ياحاوى
الحل فى شغل كل هذا الفراغ الثقافى والدينى والمجتمعى عند هؤلاء الشباب
وان يعاد تعريف كل تلك المصلحات التى اصبحت تستخدم فى غير ما وجدت له
الحب ليس كل تلك الممارسات الشاذة غير العقلانية
بل هو اسمى واجمل ما وجد فى الكون

ريمان يقول...

ههههههههههههه


اجيبلك انا قبى الجديد؟


فى حاجه اسمها جواز الاسنان

اه والله
الاتنين يروحوا عند دكتور الاسنان ويحط سنه كل واحد فى فم التانى يعنى يخلع من دى سنه ومن ده سنه ويبدلوا سوا ويبقوا كده اتجوزا

عارفه اشمعنى او ليه كده؟

هقولك

عشان لو هو غدر بيها يبقى هى معاها سنته لو حللوها هيتعرف انها بتاعته

عشان بس مش يخلع منها ويبقى ندل

هههههههههههه

كيــــــــــــارا يقول...

Nabil

*****

وعليكم السلام ورحمه الله وبركاته

الحمد لله تمام يانبيل وانت عامل ايه يارب يكون كله تومام

واكييد بيعملوا كدا وهما مش مغيبين

اما بقي ان المجتمع ليه دور

هولك مااحنا عايشين في نفس المجتمع

ليه معملناش كدا

كيــــــــــــارا يقول...

hager za3bal

***********
متندهشيش

شي يموت من الحزن

اننا نوصل لكدا دا في حد ذاته كارثه

لا وفيه تبادل الاسنان كمان

ههههههههههههه موتيني من الضحك

ايوان اثبات حاله

فعلا هم يبكي وهم يضحك

كيــــــــــــارا يقول...

princess

***********

انتي فين يبنتي لففتيني عليكي مش بتفتحي الميل ليه ؟؟


وفعلا الفكره فعلا في الدين والقرب من ربنا

كيــــــــــــارا يقول...

صدى الصمت

*************
انا عملاه عشان كدا عشان اللي الحب عمى عنيها اللي الحب اصلا برئ من كول الكلام دا مش تقع فريسه لحد ندل

وربنا يخليكي يارب علي تحيتك دي

كيــــــــــــارا يقول...

وردة

*******

بصي ياورده

طالما قررنا ننزل من البيت ونتعامل مع كل الاصناف لازم نكون اد المسئوليه دي اما بقي لو بنت مش هتقدر تكون ادها يبقي تقعد في البيت افضل لها

الموضوع اكبر من كدا

منورانى ياقمر

سندس وأمل يقول...

وحشااااااااااااااااااااااااااااانى

مووووووووووووووووووووووووووووووووت

يااااااااااااااااااااااااااااااااا

كياااااااااااااااااااااااااااااره

ومعلش على التاخير بس والله ظروف وكده

وبالنسبه للبوست هوا اصلاده يبقى جواز؟؟؟؟؟؟؟

وربنا يعافينا ويهدينا .....

ومن كان مع الله دائما لن يتعرض الى مثل

هذه الحاجات لان الله يحميه......


مع السلامه ياجميل....وحفظك الله ورعاكى

فى امان الله سلام عليكم

كيــــــــــــارا يقول...

المعتصم

**********
ميغسي علي المثاثه حلوه مووووووووت

يبني بيبقي جوا عقولهم شيطاين بتسهل الموضوع والاقناع

لكن اللي قريب من ربنا وعارف قدر نفسه والغلط ايه والصح ايه وقادر يقول لا دا غلط ويقدر يوقف اي حد عند حده ساعتها هيبقي في امان

لكن اللي بيغيبوا العقل ال ايه بحجه الحب الحب امان وحمايه مش نهايه

كيــــــــــــارا يقول...

maioya

********
بيضحكو علي نفسهم لان الصح معروف

ربنا يهدي

كيــــــــــــارا يقول...

انا ودماغي

*************

ههههههههههههههه يخرب عقلك موتيني من الضحك

لا وفي طرق كتير بس بصراحه لسه مش عرفتها انا لما عرفت دول زوهلت اثلا

ربنا يهدي ويسترنا كوووولنا

كيــــــــــــارا يقول...

elsha3er

************
الحب اصلا عمر ماتاثيره يادي للغلط

انت معاك حق

ورايك يستحق التقدير

كيــــــــــــارا يقول...

mahasen saber

***************

ههههههههههههههههههههه

بقي كدا ياسنسن يحني اهون عليكي

انا محتاسه بجد ارقام بتتصل وانا مش عارفه مين مع مين

عاااااااااااااااااااااا

كيــــــــــــارا يقول...

mahasen saber

****************
بلافو مله واحده

كويس انه رساله مهمه

وهيييييييييييييييييييييه سنسن قالت اني بنت عاقله

اخيرا اتقال عني عاقله مث مجنونه

كيــــــــــــارا يقول...

مسدس صغير

***************
زواج المسيار الكل عارفه
ربنا يسترها علي الجميييييييييع

كيــــــــــــارا يقول...

ضــى القمــر

****************
ده وهم بيوهموا نفسهم بيه بجد

اه منا مش قلته قلت كفايه الصدمه اللي ممكن حد يقراها لكن هضيفها

ههههههههههههههه دا مش جنان دا عدم حياء

ربنا يخليكي ياضي علي كلامك بجد اكبر تشجيع ليا

وانتي احلي اخت برده :)

كيــــــــــــارا يقول...

hager

*********

ههههههههههههههههه حلوه بتنجان دي

للاسف في بنات كدا

ربنا يحمي ويستر الناس

كيــــــــــــارا يقول...

adel

*********
صح ياباشا

بس الكلام الجد دا مش متحوده علي كدا :)

كيــــــــــــارا يقول...

أكون أو لا أكون

*****************

ههههههههههههههههه طب اهدي يابنتي شكلك متي وانا مش حارفه

اه في كدا للاسف

وانتي كمان وحشاااااااااااااااااااااااااانى اوي

ومشتقالك جدااااااااااااا


منا خلاص عرفت انك انتي يبنتي بقلق من اي اميل جديد انا :)

ورقم الموبايل بعتهولك لحد الان 3 مرات عاااااااااااااااااااااااااااااااا

كيــــــــــــارا يقول...

جمعاوي صاحب "عيادة أسنان"

**************

وعليكم السلام ورحمه الله وبركاته

اه والله منه لله بجد

انت معاك حق وليك حق تغضب وتثور لان الكلام اصلا مش في حد هيقدر يتحمله

كيــــــــــــارا يقول...

marmar

***************
البوست ده بقول فيه للبنات اللي بجد من جواهم مش عاوزين يغلطوا

ان دا غلط

وربنا يسترها علي الجميع

كيــــــــــــارا يقول...

mohamed ghalia

*****************
دا فعلاااااااااااااا شغاله كويس جداااااا

كيــــــــــــارا يقول...

من غير عنـــوان

*************

انا نفسي مش عارفه هنوصل لايه تاني

كيــــــــــــارا يقول...

الحقيقه المصريه

************
هاجي ازور حضرتك واشوف ايه الموضوع

كيــــــــــــارا يقول...

أميرة الجنة

***************
ههههههههههههههههه والله هم يبكي وهم يضحك

ربنا يسترها بجد

كيــــــــــــارا يقول...

Eno

*******

واي بومبه يااينو

بس بعد اما تكون الحياه راحت منها


واي حاجه حلال بتكون نعمه من عند ربنا :)

كيــــــــــــارا يقول...

Teawater

**********
البنت اللي بتعمل كدا بتبقي مغيبه فعلا

ربنا يهدي

وحشتيني ياشوشو

كيــــــــــــارا يقول...

أمير البلانكو

***********

ودا يسعدني ويشرفني ان اسلوبي عجبك

نورتني ياامير

كيــــــــــــارا يقول...

Foxology

**********

اه والله دا عصر ايه دا

حاجه تجنن

كيــــــــــــارا يقول...

صفـــــــاء

*********
الحمد لله ان الميل بتاعي مش بقبل فيه اي اضافه

الا اللي بيقولي انا فلان لو حد اعرفه ماشي غير كدا البلوك حبيبي ومش بيتوصي :)

دانا في زمايل ليا في الشغل عملالهم بلوك

كيــــــــــــارا يقول...

esraa

***********

عارفه وانا بكتبه عندي يقين ان دا مش بيحصل واني في حلم لحد الان مش مصدقاه

كيــــــــــــارا يقول...

MEDUS

*******
ازييييييييك عامل ايه لا انا مقدره انك مش كنت بتدخل نت وكدا

وفعلا بلاش نظلم الحيوانت معانا

معاك حق والله

كيــــــــــــارا يقول...

عاشقه الرومانسيه

***************

هههههههههههه حلوه العرفي معروف

انا اللي صعقت بيه هو جوازه النت طب ايه الاثبات انهم اتجوز
هتجنن ياختي

كيــــــــــــارا يقول...

وومن


*************
والله جدعه وعثل كمان

مش في حد ساذج بس انا نفسي اعرف هما بيحطوا في عقلهم ايه ساعه اما بيعملوا كدا

بيحللوا الحرام ازااااااااااي

كيــــــــــــارا يقول...

جنّي

***********

وعليكم السلام ورحمه الله وبركاته

ربنا يسترها فعلا علي البنات اللي فاهمين واللي مش فاهمين

بتنورني دايما بتعليقااااااتك

كيــــــــــــارا يقول...

dr_samarmar ...

************
هههههههههههههههه دهشتك ضحكتني بتفكريني بنفسي اول اما عرفت

ربنا يهدي فعلا

نورتيني ياعثل

كيــــــــــــارا يقول...

قهوة بالفانيليا - شيماء علي

*************************
غلابه يقوموا يضيعوا نفسهم واهلهم ودينهم ويغضبوا ربهم
مش منطق ابدا

امال تعليم ايه وقرايه ايه وفلفزيون ايه

تسلمي ياقمر

كيــــــــــــارا يقول...

mohamed ghalia ...

***************

واضح انك يامحمد نسيت انك علقت مرتين :)

يازهيمراتك

منورني اي وقت وكل وقت

تحياتي

كيــــــــــــارا يقول...

حياه بلا عنوان ...

***************

الاجمل هو وجودك فيه طيب انا حاطه اللينك بتاع الجزء الاول ابقي شوفيه وقولي رايك


Text here

كيــــــــــــارا يقول...

شمس النهار ...

***************

جدااااااااااااا ياشموستى زاد اوي فعلا

الحب برئ منهم فعلا

انا لحد الان مش عارفه هما بيفكروا ازاي بجد

ربنا يسترها عليهم ويهديهم

كيــــــــــــارا يقول...

حسن حنفى ...

****************
اللهم اميين

والله الاب والام ساعتها هيكون ليهم دور في اللي وصل له اولادهم

لانهم معلمهمش ازاي يقولوا لا للغلط وكلمتهم تكون سيف ادام هما صح

كيــــــــــــارا يقول...

الازهرى ...

**************
والله انت ميه ميه في رايك
بس برررررررررررررررده زحلانه منك هه بس


ااولا في فراغ كبير اوي بعض الشباب عايش فيه وللاسف عشان يشغلوا الفراغ دا محتاجين الاول يفوقوا

وان تحصل صدمه تفوقهم فيها قبل فواتت الاوان لكن هو حل اي مشكله لازم صدمه الاول
الحب بعيد وبرئ عنهم

بس هو سهل اعاده تعريف كل المصطلحات ؟؟

كيــــــــــــارا يقول...

ريمان ...

***********

لا حارفه موضوع السنان هههههههههههههههه

مش رديت اكتبها

ههههههههههههههه والله انتي عثل موتيني من الضحك

كيــــــــــــارا يقول...

سندس وأمل

*****************

وانتي وحشاااااااااااااااااااااااااانى اوي اوي

امممممممممممممممموه

ولا يهمك المهم انتي اخبارك ايه

والله جدعه

يبنتي بيحللوا الحراااااااام


-----------

ومن كان مع الله دائما لن يتعرض الى مثل

هذه الحاجات لان الله يحميه......



-------------

والله صح
مع السلامة ياقمر


في حفظ الله
وعليكم السلام ورحمه الله وبركاته

قيس بن الملووووح يقول...

عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"

تايه في وسط البلد يقول...

اهلا كيارا

ثوري خالث خالث حلي التأخير لكن والله انت اللي قفلتي التعليق لفترة فقلت اثيبك بلاحتك

حموما ام سامح كريم

الموضوح بتاع النهاردة جامد

الفراغ يا كيارا العزيزة
وغياب القدوة
اختلال المعايير وبعد المسافة بين القيم التربوية والافعال الواقعية
كل ذلك يهدم الثوابت لدي كثير من الناس ويسهل لمثل هذه الاشياء

طبحا نص الحل في رصد المشكلة الاول
والنص التاني في الحركة
والحركة بركة

ثلام ومث تذعلي

حبيبه يقول...

حاجات فعلا غريبة بس البنت اذا اهلها ربوها كويس مش ممكن تعمل حاجة غلط
والولد اذا اتقي ربنا وعرف ان اللي بيعمله دة ممكن يحصل مع اخته مش هيعمل كدة بس ازاي في العالم اللي احنا عايشين فيه دة
تحياتي لكي

Sometimes يقول...

لا دى لازم تفوق وان ما فاقتش تبقى هى اللى جابته لنفسها
الحمد لله الذى عافانا

وحشانى اوى يا كوكتى
الف مبروك لدكتور عمرو وعقبالك يارب يارب يارب انتى كمان يا قمر
وكل سنة وليدى طيبه
وشكلك كده بتغظينى بلقاء الحسناوات
مااااااااااااااااااااشى


بجد بجد وحشتينى

alzaher يقول...

تحياتي لكيارا
يا ترى اسمك الاخير "نايتلي" ايضا؟
:)

مصطفي احمد يقول...

ربنا يحفظهم

هم اصلا لو حسبوها هيعرفوا انهم مش بيخافوا علي سمعه بعض اصلا

هــــــــــــايدي يقول...

والله معاكى حق
دا زمن وغاب فعلا
والقطه خلاص اندبحت

smilyrose يقول...

وحشانى يا نسيانى


دا عتاب بسيط

بس لانك بجد وحشانى


smilyrose

روح الحب الصادق

عالم حبيب يقول...

إنا لله وإنا إليه راجعون ,, سبحان الله ولسة الطريق مليان أنواع تانية من الزواجات طالما ماشيين في طريق كل ما فيه بعد عن شرع ربنا وسنة نبينا صلى الله عليه وسلم

جزاكي الله خير كيارا

عالم حبيب يقول...

صحيح

ممكن البنت والولد دول ينبسطوا شوية في الأول .. بس الشاب عمره ما يتجوز بنت مشيت معاه لأن لسان حاله : زي ما مشيت معايا أكيد مشيت مع غيري .. وكلامه صح .. أكيد هو مش أول واحد .. ولو أول واحد مش هايكون آخر واحد

بس الأكيد إنهم بعد فترة هايتقلب الحب نكد في نكد

شبــ اون لاين ـــاب يقول...

♥Happy♫ ♥ ♥ VaLnTiNe♫ ♥ ♥ DaY ♥ ♥ ♥

آه وكفى يقول...

جامد موت جواز الشات ده بأذن واحد احد بعد الحشن ربنا يرزقهم بالواد ياهو :-))

Rania يقول...

و احنا لسه شوفنا حاجة اصلالالا

موناليزا يقول...

الا ليه البنت دايما اللى بيضحك عليها مش العكس؟
رغم ان المصيبة واحدة

nour shahen يقول...

والله وفى اكتر من كدا وفى جوازات المتعه والمسيار والوشم وربنا يحفظنا
لكن هنقول ايه طول ما فى بنات هابله تتحمل اللي بيحصلها
وطول ما فى شباب مش بتراعى ربنا اكيد هنشوف ملايين من الامثال دا

يا رب بس الكلام يأثر مره علي حد ويرجع لعقله مش بنبقى بنقرأ للتسليه وخلاص

موفقه دايما يا كوكى فى اختيار المواضيع

تحياتى

طوبة ذهب وطوبة فضة يقول...

ربنا يهديهم ويعفينا من الحاجات الغريبه اللى بتحصل دى وحشااااااااااااااانى موت ياقمر

arsenalwy يقول...

تزيك ياكيارا عامله ايه؟؟

ولسه ياما في طرق بيخترعها الشيطان وبيوصلها لرسله في الارض

انتى جبتى من الاخر فطول ما احنا مش عارفين نغلب شيطانا خلاص

المـــفـــــــقــــــــوعـــــة مــرارتـهــا يقول...

انتي فاهمة غلط خااااااااااااالث
ده جواز الكاسيت عشان العريس والمتعوسة مابيعرفوش يفكوا الخط فبيستسهلوا ويدوها كاسيت ويعبوا شريط ويجيبوا شرايط صغيرة بتترمي بعيد عن السامعين في الملاجيء اصلها بتبقي شرايط هابطة مالهاش جمهور
اما بقي جواز الدم فمش دايما بيجيب نتيجة كويسة اصل معظم الشباب اللي بيتجوزوا بالدم بيكونوا والعياذ بالله ماعندهمش دم اساسا فالجواز بيبقي باااااااااااااااطل باطل بالثولوث

احمد على نصار يقول...

على فكرة

انا كاتب موضوع عباره عن اسكتشات فكاهية وفى واحد منهم بيدور حول نفس النقطة .. واتكلمت فيه غم الجوازات الجديدة اللى بتحصل فيه. جواز الدم وجواز الكاسيت وجواز القبله وجواز الايميل
وحاليا فى جواز الأس اخ إس
لكن برضه حانزله يا كوكى
لكن بجد انتى اروبه.. عرقتى الحاجات دى ازاى هههههههههههه
تحياتى

Soul.o0o.Whisper يقول...

كيتىىىىىىىىىىىىىى


وحشانى خالص خالص

أخبارك ايه؟؟
أنا بعتلك رقمى
و هأكلمك بردوا

يعنى مش هاستخسر فيكى
ههههههههههههههههههههه


بجد حاجة غريبة جدا
فعلا الشياطين اساتذة غواية
بس المشكلة مش فى كدا عشان دا معروف

المشكلة بئا فى الرسل
اللى بيقبلوا تنفيذ دا
ربنا يهدينا جميعا
و يبعدنا عنهم و عن رسلهم




خالص ودى يا قمرى

!!! عارفة ... مش عارف ليه يقول...

جميلة الوصفات دي

دا العلم تقدم وتحلى

في تفاصيل والله الواحد مش ملم بيها

بصراحه بصراحه نورت المحكمة

أنا كان اخري العرفي

يظهر الواحد علشان بعيد عن مصر بقى مُغيب

شكراً على المعلومات القيمة دي :)

تحياتي
وليد

ولد مصري يقول...

واضح إني داخل متأخر

ما علينا

يا ترى مافيش كمان جواز
دي في دي

ايه التهريج ده

للدرجة دي الشباب مغيب عقوله ولاغي تفكيره

وبالنسبة لجواز الدم لو العريس عنده بلهارسيا تفتكري من حق العروسة انها تطلب الخلع :)) بس المشكلة الدم الملوث اللي دخل عندها هتخلعه ازاي؟

رحمتك بينا يا رب

تحياتي

wanna b a physician يقول...

اه الحاجات دى انتشرت فعلا
وكان بجد مابقاش فى وعى ولا حتى قيم ولا اى شىء وبعدين ده كله راجع للغياب الدور الصح للبيت

ماهو يعنى المجتمع كله باظ خلاص وعوضنا على الله بقا


تحياتى

كفايـة طيبـة يقول...

متهيالى الحاجات دي خلاص البنات اخدت بالها منها دلوقتى من كتر ما بقينا نشوفها فى التليفزيون

بجد حاجة تقرف

«۩AhMeD 3LLaM۩» يقول...

وفي زواج الموبيلات متنسيش دي
والندل بيسجلها
وهي عارفه ده...بس عامله حسابها هتغير الخط او ما تزهق

الخب كلمه صغيره جدا من حرفين
بس ممكن تعمل خمسين ستين مليون مصيبه

هي تقول انا هافضل طول حياتي احبك
وتقريبا حياتها بتنتهي بعد تلت اربع اشهر

هوه:انا ممكن اهد عشانك الدنيا
وقاعد ع القهوه طول النهار

حب=بح

Zanooba (Zeinab sab9n) يقول...

بنت منطقتيييييييييييييييي
عامله إيه يا كوكو و إيه الصور الجامدة دي ...و نقول إيه الدنيا كلها مليانة بليتشوهات !! يعني غابة بجد , و بيسود فيها الأقوى ..و الضعيف و هو البنت في الحالة دي يدب دماغه في الحيط
مستنية جديدك
سلااام زينب

أحــوال الهـوي يقول...

انا اسف فاتني الكثير
تفتكري جواز قطط المدونين هيخترعوه ازاي

تحياتي

كيــــــــــــارا يقول...

قيس بن الملووووح
************
عاااااااااااااااا ليه كدا بس ان شاء الله يكون اللي جاي افضل

كيــــــــــــارا يقول...

تايه في وسط البلد

*****************

عااااااااااااااااااااااااا زحلانه بقي انا مث قافله التحليقات

ومين ام سامح دي اوحنا مث بنجيب في سيره الناس انا بقول اهو


اما بقي الاسباب فاكتير لكن الايمان بالله والتمسك بالقيم بيحل كتييييير

وخلاث مث زحلانه

كيــــــــــــارا يقول...

حبيبه

******

والله مش عارفه حسه ان الاهل مش وضعوا الاساس صح كمان الفراغ عامل بلاوي

دول لو مطحونين في الشغل مش هيفكروا ابدا يعملوا كدا

كيــــــــــــارا يقول...

Sometimes

*************
وانتي كمان وحشاني يامنمووووون

ولازم فعلا تفووووووووووق

ههههههههههههههههههه ماتيجي لقاء المدونين

كيــــــــــــارا يقول...

alzaher

**********

اسمي الاخير نايتلي مش فاهمه

كيــــــــــــارا يقول...

مصطفي احمد

**********

ربنا يهديهم ويحفظهم

كيــــــــــــارا يقول...

هــــــــــــايدي

*************

لااااااااااا القطه عمرها ماهتندبح ابدا الا لو هي تخلت عن برائتها

كيــــــــــــارا يقول...

smilyrose

********

وانتي كمان وحشانى ياقمر

كيــــــــــــارا يقول...

عالم حبيب

*********

ربنا يسترها ياحبيب

كيــــــــــــارا يقول...

عالم حبيب

***********
دا اكييييييييييييييييييييييييييد

الغلط بركه اللي بيقع فيها مش بيعرف يقوم منها

كيــــــــــــارا يقول...

شبــ اون لاين ـــاب

*****************

هابي فلانتين داي

كيــــــــــــارا يقول...

آه وكفى

***********
ههههههههههههههههههههههههه والله ضحكتيني

كيــــــــــــارا يقول...

Rania

**********

ربنا يسترها يارنيا

كيــــــــــــارا يقول...

موناليزا

*******

اصل الولد غلطه مش بيبان

بيتقال في القسيمه بكر رشيد او سيب لو هو بيتكتبله كدا كانت مصيبتين

وانتي فاهمه بقي

كيــــــــــــارا يقول...

nour shahen

*************

ربنا يحفظنا يانور

احنا في كارثه بجد

منوراني دايما ياقمر

كيــــــــــــارا يقول...

طوبة ذهب وطوبة فضة

************

اللهم امييييييين

وانتي كمان ياقمر وحشاني اوي
.

كيــــــــــــارا يقول...

arsenalwy

************

الحمد لله

ربنا يسترها علينا

كيــــــــــــارا يقول...

المـــفـــــــقــــــــوعـــــة مــرارتـهــا

******************

هههههههههههههههههههههههههههه والله هم يبكي وهم يضحك

فعلا انا اللي فاهمه غلط

كيــــــــــــارا يقول...

احمد على نصار

**********

انا اروبه برده ماسي ماسي

عرفتها من ناس وكنت مصدوووووووومه

واستني الجزء التالت فيه صدمه اكبر

كيــــــــــــارا يقول...

Soul.o0o.Whisper

*****************

وانتي وحشاااااااااااني اوي اوي

الشيطان دا وحش خالث ربنا يبعده عننا

كيــــــــــــارا يقول...

!!! عارفة ... مش عارف ليه

***************

هههههههههههههه تطور خالث

دا انت قدييييييييم اوي اتعلم بقي الكديد

الحاجات دي مش في مصر بس علي فكرا

كيــــــــــــارا يقول...

ولد مصري


**********

من حقها تخلعه طبعا امال ايه

تهريج بجد ومحاوله لتنيم الضمير

ولا لو عنده ايدز الموقف هيكون ايه

كيــــــــــــارا يقول...

wanna b a physician

******************

طول اما بعاد عن رب الكون الحاجت دي بتزيد والشيطان ورسله شغالين من نار

كيــــــــــــارا يقول...

كفايـة طيبـة

************
للاسف ناس متعلمه ومش عارف ايه وبيقعوا نفسي اعرف ايه ناقصهم عشان يعرفوا ان دا غلط ودا صح

كيــــــــــــارا يقول...

«۩AhMeD 3LLaM۩»

******************

اه عارفه مؤخرا الموضوع دا

حب ايه اللي بيلوسوه في كلامهم هما بيحللو الرذيله ايه القرف دا

كيــــــــــــارا يقول...

Zanooba (Zeinab sab9n)

**************
بنت منطقتىىىىىىىىىىىىىى عامله ايه

وليه البنت ضعيفه

بننزل نشتغل وبنختار وبنقول اه ولا ولينا راي يبقي ضعاف في ايه بقي

كيــــــــــــارا يقول...

أحــوال الهـوي

**************

بابتي ازيك

هههههههههههههه استني الجزء التالت وهحكيلك :)