الخميس، مايو 14، 2009

بص من الشباك هترتاح ومش هتحتاج

ازيكم عاملين ايه بقالي كتير مش كتبت
في حاجه بتززززززن كدا في دماغي وانا قاعده
مش اعرف ليه دماغي راحت لمحاضرة خاصة في نقطه
شاهد العيان لما بنأرخ حدث ما كنا بنقول انك ممكن تسمع الحدث من كذا شاهد عيان 

وتلاقي اختلاف في كل رواية
واللي بياثر في اختلاف رواية
الحدث كذا حاجه
اولهم ان اي حد بيقرا حاجه بيشوف حاجه بيلزقها دايما مع معتقداته

فتلاقيه بيقول الروايه من منظوره
مع ان ممكن يكون منظروه رونج
تاني حاجه انه مثلا شاف الحدث دا من الزاوية الفلانيه والتاني شافها من الزواية دي والتالت وهكذا
وطبعا ادام من الزاوية دي يبقي مش شاف دي وهكذا
فسرحت مع الفقرة دي اوي
وطبيعي لما بنكون في مشكلة كبيرة مش بنشوف كل الزوايا

بنشوف الزاوية اللي احنا واقفين فيها بس



واللي طبعا مخلوطة بمنظورنا بس اللي في الغالب ممكن يكون رونج 


وممكن يكون رايت بس اني واي هو منظور محدود

لانه مش كاشف كل الحدث من كل الجوانب 
وفكرت لو طلعنا البيت في مكان الحدث (اقرب مكان للحدث .. الحدث خارج البيت امام الشرفة )
وبصينا من الشباك هنشوف كل جوانب الحدث
ساعتها هنقدر نحكم بشكل اوسع مين الصح ومين الغلط
مين اللي لفق ومين اللي اتلفق له و
مش هنحتاج لكذا شاهد عيان مش يمكن يكون مستني الفرصة 

عشان يفبرك حكايه ويتوهك عن الحدث نفسه
ويكون سبب في توهانك
طب نرجع تاني احداث تاريخيه كتيره تاهت وسط روايات الشهود
مابالك بقي الاحداث اللي بتخصنا خناقة قدام الكل تتفرك

ويتعمل فيها قيل وقال وتتوه الحقيقه



لكن لما بتخرج منها وبتبص من الشباك عليها هتظهر الحقيقة


اللي حاول الشهود يطمسوها ويتوهوك فيها

 


يبقي بص من الشباك عشان ترتاح ومش تحتاج 



108 كلام قلوبهم:

بـسـمـــة صـــــلاح يقول...

اووووووووووووووووووول تعليق

بـسـمـــة صـــــلاح يقول...

هيييييييييييييييييييييييييي

أووووووووووووووووول مرة الحق اول تعليق عندك
يافرحتي ياولاد يافرحتي

بـسـمـــة صـــــلاح يقول...

التالت كمان

كيــــــــــــارا يقول...

هههههههههههههههههههههههههههههه


عثل يابت

عامله ايه يابسومه

بـسـمـــة صـــــلاح يقول...

والرابع بالمرة عشان ميزعلش مننا

ABOALI يقول...

الرابع
اشمعنا اناااااااااااااا

ABOALI يقول...

الخامس بقى غلاسه

بـسـمـــة صـــــلاح يقول...

الحمد لله كويسه انتي عامله ايه

كيــــــــــــارا يقول...

اه اتخانقوا بقي

مش حاوزين ضرب


واحتلو المدونة براااااااااااحه

بـسـمـــة صـــــلاح يقول...

ايه ده جيت منين وااااااااااااااااااااء
وااااااااااااااااااااااااااااااااء

كيــــــــــــارا يقول...

يالهووووووووووووووووووي

كل دي احتلالات

بـسـمـــة صـــــلاح يقول...

انا هجيب الشله بتاعتي لاينكن ابدا اتنازل عن حقي
نياهاهاهاهاهاهاهاهاهاها

كيــــــــــــارا يقول...

انا كويسه الحمد لله

ومش تعيطى بئه

خدي دي

اممممممممممموه لفتيها ولا لسه

كيــــــــــــارا يقول...

يالهوووووي دي فيها شله كمان

عااااااااااااااااااااااا

ABOALI يقول...

حلو نظريه الشباك دى
كان زمان عملت فى الجامعة مجله عنوانها

بص وشوف


ومن الشباك بص واعتبر
بس حاسب على الغسيل

ولالالالالالالالالالالالالاايه

بـسـمـــة صـــــلاح يقول...

لولا ان عمي جه وبينادي عليا كنت خربت الدنيا بس ربنا بيحبكوا ورحمكوا مني ومن شري

فهضطر امشي
وااااااااااااااااااااااااااااء


هبقى اقرا بعدين وعالقلك ياقمرايه ياثوكرايه

ثلام

كيــــــــــــارا يقول...

ابو علي

صحححححححححححححححححححححح كدا

كيــــــــــــارا يقول...

بسومتى

**********

هييييييييييييييييييييييييه اترحمنا هههههههههههههههههههه


مستنياكي ياقمر بس مش تتاخري

شمس النهار يقول...

خير يارب اللهم اجعله خير ان شاء الله

انتوا عندكم حدث جنايه هنا في المدونه دي والا ايه

انا مش فهمانه خالص

بس عايزه اقول لك ان حتي لما حد بيحكي حكايه اتحكت له من حد تاني برضه بيحصل نفس الحكايه بيحكيها من منطلق مفراداته هو

يعني انا دايما اقول يانهار ابيض
ليه واحده صديقه دايما تقول يانهار اسود
سواء فرحانه او زعلانه
لما اجي احكي حكايه هي حكياهالي بيبقا طبعا فيها مليون يانهار اسود
لما احكيها انا وطبعا احنا بنغسل ببرسيل
المليون يانهار اسود دول بحكيهم انا بعد الغسيل مليون يانهار ابيض
وهكذا:)

Sweet Violet يقول...

لو كل واحد فعلا خرج و بص على الموضوع (عام/خاص) من بره و حكم عقله حتى لو سمع من كذا حد هيقدر بردو يشوف الحقيقة

لكن

المهم انه يكون فعلا عايز يشوف الحقيقة (:

كيــــــــــــارا يقول...

ههههههههههههههههههههههههههه والله عسل ياشموستي

انا قصدت مش موضوع حكايه انا اقصد اننا لما بنكون في مشكله مش بنكون شيفين كل الموضوع بكل زواياه بنشوف الموضوع من منظور ضيق

وعشان نشوف صح لازمن نخرج ونبص من برا اللي هو الرمز بتاعه الشباك

وشبهت دا بتاريخ الحدث فقط

كيــــــــــــارا يقول...

ضد ياضد

*********

بالضبط ياصحبتي الاهم انه يكون عاوز يشوفها

adel يقول...

حلوة حكاية الشباك دي

و ممكن تفرق صحيح

بس شيبك انتي
انا هاقف في البلكونة اسرع
ههههههههههه

كيــــــــــــارا يقول...

هههههههههههههههههههههههه

احسن حل

Nabil يقول...

السلاااااام عليكم

ازيييييييك؟؟ المدونه دايما رائعه

وشكلها الجديد حلو جدا

ومعاكى حق فعلا والله كل واحد بيشوف الامور ويحكم عليها من زاويته هو بس
ودى مشكله كبيره

ياريت فعلا كل الناس تشوف الامور من كل الزوايا قبل القرار ايا كان نوعه

تحياتى ليكى دمت بخير سلامى ليكى

norahaty يقول...

كلامك مضبوط ياكيااااارا

romansy يقول...

انا لو وكيل نيابه هبص على الموضوع من جميع الجوانب جانب الايمن والايسر

كفايه كده هو حد لاقى نظره
بس النظره لازم تكون كافيه وبهدوء وبغقل علشان نقدر نشوف ادق الاشياء

كاتب مصري يقول...

عليكي نور يا كيارا
ومن الشباك لرميلك حالي
ازيك يا كيارا أخبارك ايه
العدد الجديد مستني مشاركتك
مودتي

hager يقول...

مممممممممممممم
ابص من الشباك فعلاا فكره حلوه
هبقي اجربها :)

متعرفيش اللي عايز يبص علي المنهج يعمل ايه
انا مستعده اطلع فوق السطح كمان بس ابص عليه :D

صوت من مصر يقول...

الامتحانات خلتنى هلوست قريته مرتين وبرضه غبى ومش فاهم
طب معلش بقى يا كياره المره دى ماشى

مسدس صغير يقول...

نبص من الشباك عشان خاطر عيونك
فعلا اللى يبص من الشباك يتعب بس هنا يرتاح
والشباك اللى جايلك منه الريح نام فى الصالة..
ههههههههه
سلام

mostafa rayan يقول...

منى
انت قصدك اننا نحاول نهدى ونبص للامور من كل الزوايا مش من جانب واحد بس
ونحاول نسمع الاطراف الاخرى
لو دة معنى كلامك واخرج برة الشباك
يبقى فل عليكى يا بنت منطقتى

كيــــــــــــارا يقول...

Nabil

***********
وعليكم السلاااااااااام
الحمد لله تمام فينك بس يانبيل وعامل ايه في الامتحانات

والحمد لله ان النيولوك عجبك

بالضبط لو من كل الزوايا مش بتشوف حقيقه بتكون سراب

دمت بود

كيــــــــــــارا يقول...

norahaty

***********
الحمد لله انه مظبووووط

نورتييييييييني ياعثل وصباح الفل

كيــــــــــــارا يقول...

romansy

**********
صح يااحمد

ميه ميه

كيــــــــــــارا يقول...

كاتب مصري

*********

حاضر بكتبه اسمه الضحيه هبعتهولك ان شاء الله بكرا حصري لرؤيه

لاني مش بعت العدد اللي فات للاسف نسيت خالص

والحمد لله ان فكره البوست وصلت

كيــــــــــــارا يقول...

hager

**********

ههههههههههههههههههههههههههه تحفه وربنا

ربنا معاكي ياعثل

كيــــــــــــارا يقول...

صوت من مصر

********

الفكره ان عشان نعرف الحقيقه لازم نخرج نفسنا من المشكله عشان نقدر نشوف كل الجوانب مش جانب واحد فقط

ربنا معاك في الامتحانات وماشي هعديها

كيــــــــــــارا يقول...

مسدس صغير

****************
هههههههههههههههههه موتني من الضحك

نام في الصاله وريح هههههههههه

نورتني

دمت بود

كيــــــــــــارا يقول...

mostafa rayan

***************

ابن منطقتىىىىىىىىىىىىى ياقهلا ياقهلا

الله عليك ياابن منطقتىىىىىىىىىىىىى

ان الحدائق بصحيح :)

نبص لكل الجوانب ومش نسمع اي روايه ونصدق عليها لازمن نتحري الدقه مش جايز له غرض

واللي جوا المشكله عمره ماهيشوف حقيقه او يحلها لازم يهدي ويطلع نفسه ويبص عليها من برا عشان يقدر يحلها

نورت يابن منطقتىىىىىىىىىىى

kmt يقول...

السلام عليكم ورحمة الله وبركاته

(وفكرت لو طلعنا البيت في مكان الحدث

وبصينا من الشباك هنشوف كل جوانب الحدث

ساعتها هنقدر نحكم بشكل اوسع مين الصح ومين الغلط)

مش عارفه حسيت الجزء ده مناقض للجملة دي (لكن لما بتخرج منها وبتبص من الشباك عليها هتظهر الحقيقة)

لكن انا مع الجزء الاخير
فنحن لا نري الاشياء اذا كنا داخلها فلو كنا مثلا علي سطه هضبه مرتفعة عن الارض فنحن لا ندرك ارتفاعاها الا اذا هبطبنا من اعلها فندرك ارتفاعها الشاهق وما كنا عليه ايضا
لذا فالكي نحكم لابد ان نكون خارج دائرة الحدث وكذلك علينا ان ندور حوله 360 درجه حتي نرى من جميع الزوايا

تحياتي
الى اللقاء

كيــــــــــــارا يقول...

ازيك ياقمر


انا مش شايفه تناقض في الكلام بالعكس دا شرح وتاكيد

مفهوم البيت هنا انه اكتر مكان هيظهرلي الرؤيه كامله عشان اشوف الحقيقه

لكن مش قصدت ان الحدث داخل البيت طب انا هشوف ازاي كدا

الحدث خارج البيت وشيفاه بوضوح في الشرفة

حسن حنفى يقول...

اللي يكلف نفسه ويبص بقي
الناس مش بتحب تتعب

كل واحد هيفكر ويقول وانا اتعب نفسي وابص ليه

الشيماء صلاح يقول...

شوشو هانم ووووووووووووصلت
يلا بقى مشوفش ولا كومينت هنا كله يتشال انا كييييييييييييت يبقى مفيش حد غيري

ازيك ياكيارا هان (أنا منحتك لقب الهانم دا اللي مش بيده لحد غير الناس الاسبيشال.. افرحي بقى وزقططي بقيتي اسبيشال)


فعلا عندك حق في كل كلمه قلتيها

يلا سلامز ياسبيشال

أحمـــــــــــــد أبو العلا يقول...

Think out of the box
ده مبدأ كده بيقولك امشي عليه لما تواجهك مشكله وتحسي انك استنفذتي فيها كل الحلول

فكري في المشكله بشكل مختلف وكأنك براها

بس احيانا ابعقل بيفشل انه يخرج بره المشكله

وتبقى المشكله هيا فيييييين الشباك اللي المفروض ابص منه

arsenalwy يقول...

لما قريت بوستك ياكيارا راحت دماغى لمواضيع الفتى

لسه قاعد مع ناس امبارح فبنقلهم حديث عن الرسول عليه الصلاة والسلام لقيت واحد بيقول ياجماعة مش عايزيننفتى فى الدين قلتله نفتى وطبعا الموضوع كبر

هتسالينى ايه علاقة ده باللى انتى كتباه هقولك لما قريت كل واحد بيبص بزاوية جه فى دماغى موضوع ان كل واحد منا او من كتير منا متسستم على حاجه معينة

متألقة دائما

ومازلتُ أتعلم يقول...

بوست جميل جداً ياكيارا
الواحد بجد بيحاول كتير يبص من الشباك
والبلكونة كمان
علشان اوسع يعنى
واحكم من جميع الجوانب

برافوا عليكى ..بوست حلو بجد

بـسـمـــة صـــــلاح يقول...

انا كيييييت نورت البيت
نظرية حلوة
نبص من الشباك والباب والبلكونة والسطح
هههههههههه
هو على فكرة الواحد لما بيكون في الموقف بيبقى كإنه أعمى ومش شايف غير بنظرته هو بس
لكن لازم نبص للأمور من كل النواحي يسلم تمك يعني بؤك
يامنانين اسمحيلي ادلعك كدا لان اسمك منى زي خالتي حبيبتي
سلام ياعثولة

همس الاحباب يقول...

طب انا كده توهت
ومش عارف ارجع بيتنا
ممكن حد يدلنى على الطريق
علشان الحق ابص من الشباك
قبل الخناقة ما تخلص
فيلسوفة يا اخواتى
ايه الفلسفة دى والعبقرية
فكرينى اشغلك مع المفتش كرومبو
هههههههه
تحياتى

رؤية يقول...

تقصدى نبص للاحداث من اعلى بدلا من ان تنظرى لها فى وسط احداثها
وجهة نظر سليمة جدا
بس زى ما بيقولو اللى ايده فى المية مش زى اللى ايده فى النار

كتيير الواحد بيعجز عن اتخاز ذلك الموقف العلوى
لانه يكون غااارق فى وسط الاحداث

لكن مع ذلك نحاول

تحياتى لك

¤¦¤ثلوج¤¦¤ يقول...

bgd n!ce post

;)

Appy يقول...

ميرسي يا كيارا بس اللى يفهم بقى

Sonnet يقول...

I like your blog new template.
so nice.

قيس بن الملووووح يقول...

سوفي يابنتي
طبعا انت بنت ذكيه ومتنوره وعمرك ما ها تقعي في نفس الغلطات
اوعي تخافي انا عامل المدونه دي جرس انذار للمقبلين علي الزواج واللي في بداية حياتهم اما احنا راحت علينا خلاص.
شلام يابنتي

فتاه من الصعيد يقول...

ملحوظه ذكيه.....بس فى مقوله بتقول ان التاريخ يكتبه الاقوياء....يعنى الاقوى بيفرض سيطرته على التاريخ ويكتبه على مزاجه
دمتى بخير....تقبلى مرورى

أبو العريف يقول...

بصراحه
الشباك خرافه
مالوش حل
والبوست جامد
مع اني حسيته بشكل مختلف
اهم حاجه موضوع التاريخ اللي اكيد اتفبرك ميت الف مره
وعجبي

Bent Men ElZaman Da !! يقول...

معاكى حق فعلا
الواحد مش بيشوف اى موقف الا من منظوره هو او تفكيره ورؤيته هو
وده بيأثر اننا مانشفش الموقف بوضوح زى ما المفروض نشوفه

تسلم ايدك يا قمر :)

mohra يقول...

ايه الفلسفه دى؟؟؟؟
انا كمان دايما تشغلنى نقطه اختلاف رؤيه الناس المختلفه لنفس الحدث و احب دايما اقرا لكذا شخص عن نفس الحدث

بس سيبك ..مبروك على الشهره و الجرايد وكده يعنى

تايه في وسط البلد يقول...

بالفعل
اسلم طريق هو ان يتقصي كل منا الحقيقة بحيادية وانصاف والا فلن يري الا ما يرضيه هو فقط وساعتئذ .. فلا يلومن الا نفسه

ঔღঔ نـــوارة ঔღঔ يقول...

معك حق

بالمشاكل عامة كل شخص بيشوف المشكلة من زواية مختلفة من زوايته الخاصة

وهنا بيحصل سوء الفهم

بوست جاااامد

وحبيت اباركلك عالحوار

يابختك ياجميل وبقيتي مشهوورة

مش بحسد على فكرة دا قر بس (•̮̮̃•̃)

هههههههههههههه

ربنا يوفقك ويسعدك يارب

ঔღঔ نـــوارة ঔღঔ يقول...

اه نسيت اقوووووووووولك

لو حصل وعملتي حوار تاني

ابقي قولي عني كلمتين حلوين كدا

يمكن انشهر يوما ما (•̮̮̃•̃)

نوارة فن الجمال مش هتقدر تغمض عنيك

هههههههههههههههههههه

بالتوفيق ياعسل

طـــائر الليــــل الحـــــزين يقول...

العادى فعلا ان كل حاجة او موضوع
ممكن تكون المشكلة او الموضوع واحد بس الطبيعى فعلا ان وجها النظر تكون مختلفة
عشان محدش بيفكر زى التانى
وكل واحد بيغنى على ليلاه
غير بقى المواضيع اللى ممكن تفكرك بحاجة مشابهة ليك انت شخصيا بتكون وجهة النظر فيها حساك وببتكلم فيها عن اللى جواك انت ومش عن المشكلة اللى قدامك مثلا
تسلملى يا كيكو
تحيااااااااااتى

عازفة الأوتار يقول...

معاكى حق يا كيارا
فعلا لازم منستناش لشاهد عيان
و نطلع احنا نبص من الشباك
و نشوف ايه اللى بيحصل من زاويتنا احنا مش من زاوية اى حد تانى


تسلمى يا قمر


كنت عايزة اعرف انتى جايبة الستايل بتاع المدونة بتاعتك من موقع ايه ؟
لانه رقيق جدا

جــــوه القـــلـب يقول...

هو فعلا كل واحد بيشوف الموقف من وجهة نظره بس المفروض اننا ندخول جوه الموقف ونحلله من جميع وجهات النظر ونسمع كل الاراء وبعدها نقدر نحكم .....
rock....

كيــــــــــــارا يقول...

حسن حنفى

***************
بالضبط ياحسن كل واحد عاوز الحقيقه قدامه من غير بذل اي مجهود

كيــــــــــــارا يقول...

الشيماء صلاح

**********
ياقهلا ياقهلا باجمل هانم

نشيلهم ياباشا بس خليها عليكي المره دي

هما وسعو السكه اهم

ياكزووووووووووووفي بقيت اسبيشيال ياناس لولولولوولللللللللى

والحمد لله ان عندي حق نورتيني

كيــــــــــــارا يقول...

أحمـــــــــــــد أبو العلا

**************
دور علي الشباك لازم تتعب عشان توصل للحل

نورتني يااحمد

كيــــــــــــارا يقول...

arsenalwy

**********
هو السستمه دي بقي انا كارهاها

وردك بجد اضاف حاجه مهمه للبوست وهو تنويم العقل

التالق عنوانك

كيــــــــــــارا يقول...

ومازلتُ أتعلم

************
هههههههههههه والله انتي عثل خلاص خليها بلكونه

ربنا يخليكي يارب مبسوطه انه عجبك

كيــــــــــــارا يقول...

بـسـمـــة صـــــلاح

****************
احلي اسم دلع طبعا اتقال ليا دلعيني براحتك ياقمر هو انا اطول

بصي من الشبك ومن البلكونه بس بلاش السطح

وعشان مش بيشوف الا نظرته قلت يبص لكل الجوانب


سلام ياقمريتى

كيــــــــــــارا يقول...

بـسـمـــة صـــــلاح

****************
احلي اسم دلع طبعا اتقال ليا دلعيني براحتك ياقمر هو انا اطول

بصي من الشبك ومن البلكونه بس بلاش السطح

وعشان مش بيشوف الا نظرته قلت يبص لكل الجوانب


سلام ياقمريتى

كيــــــــــــارا يقول...

همس الاحباب

************

هههههههههههههههههههههه ماشي ماشي فلفسة ايه بس

هو انت وشموستى حليا

اه ياني اه

كيــــــــــــارا يقول...

رؤية

*******
بصي هو طول ماهو غارق في الحدث عمره ماهيوصل لحل

ودا عن تجربة شخصية

انا مش حياتي ابيض ياورد

لكن نظرتي ليها حالمه جدا

وعشان كدا قلت دا

لاني فعلا لما بكون جوا ومش بفصل نفسي بتوه وبتوه عني الحقيقه

الصح ابعد واتفرج

وكل حاجه بتيجي لحد عندي مش انا اللي بسعي ليها

كيــــــــــــارا يقول...

¤¦¤ثلوج¤¦¤

***********

انتي اللي احلي

وبلاش غمز بتوتر

كيــــــــــــارا يقول...

Appy

********
العفو علي ايه ياقمر

كيــــــــــــارا يقول...

Sonnet

******
مبسوطه ان التمبلت عجبك

نورتيني ياقمر

كيــــــــــــارا يقول...

قيس بن الملووووح

**********

مهو كل الزوجات حاليا او اغلبهم متنورين والذكاء دا نسبي

بس اللي بجد لازم اخلي بالي منه انى مش اقع في الاخطاء المتعارف عليها

سلام يابابتي

كيــــــــــــارا يقول...

فتاه من الصعيد

*************

دا صحيح وفي كتب ظهر فيها الاهواء جدااااااااا

دمتي بود

كيــــــــــــارا يقول...

أبو العريف

*********

حسيته بشكل مختلف ازاي

وبجد مبثوووووووطه اوي اوي ان البوست عجبك

نورتني

بس لازمن اعرف حسيته بشكل مختلف ازاي ؟

كيــــــــــــارا يقول...

Bent Men ElZaman Da !!

*******************

دا اكيد وعشان كدا قلت البوست

سعيده ان الفكرة وصلتك

نورتيني ياقمر

كيــــــــــــارا يقول...

mohra

**********

ياكسوفي الله يبارك فيكيياقمر

وحتي انتي هتقولي فلسفه

بقي 3 عليا

عاااااااااااااااااااااااا

اختلاف وجهات النظر فيه الخلاصه بس تبصيلهم من بعيد ومن مكان تشوفي كله

عشان مش تتعبي علي الفاضي وتدخلي حوارات ملهاش لازمه

كيــــــــــــارا يقول...

تايه في وسط البلد

************

صحححححححححح جدا

كنت فين بقالك مده ؟

كيــــــــــــارا يقول...

ঔღঔ نـــوارة ঔღঔ

***********

نوراه كلاكيت اول مره

سعيده ان البوست عجبك

وش مكسووووووووووووف خالص

الله يبارك فيكي وعقبالك

ههههههههه ومش تقري بقي :)

كيــــــــــــارا يقول...

ঔღঔ نـــوارة ঔღঔ


************

نوراه كلاكيت تاني مره

هههههههههههههههه ماشي ياقمر من حنيا


ربنا يوفقكك ياقمر

كيــــــــــــارا يقول...

طـــائر الليــــل الحـــــزين

*********************
مظبوط ياقمراايا

عامله ايه من ساعه اخر مره شفنا بعض مش شفنا بعض تاني

كيــــــــــــارا يقول...

عازفة الأوتار


***********

نبص بحياديه ومن كل الزوايا اللي كاشفه الحدث



http://btemplates.com/

ودا لينك السايت

نورتيني ياقمر

اي خادوعه :)

كيــــــــــــارا يقول...

جــــوه القـــلـب

*************

هتشوفي كل داا لكن مش وانتي جواه

لانك مش هتكشفي كله

نورتيني ياقمر

Israa El-sakka يقول...

كيارا ...ههه عرفت أسمك و طلعتي منى ...أنا يا ستي بنت منطقتك اللي كان إسنها زنوبة و بتكتب البحث عن زنوبة طلع أسمها الحقيقي إسراء هههه أنا عجبني البوست من العنوان ..أنا بجد متخيلش الحياة من غير شبابيك ..يعني نراقب الجيران إزاي :)) و فعلا كل ما كانت الصورة من أعلى كان المنظار أصح هههه بجد فرحت لما شفتك في الجرنال
سلاااام بنت منطقتك
إسراء أو زنوبة زي ما تحبي

صدى الصمت - عاشقة الورد - يقول...

أزيك يا كيارا يا قمر
وحشتينى قوى
مبروك على النيولوك بجد شكلة يجنن
والبوست كمان فكرتة حلوة قوى وفية نصيحة جميلة
---------
ياريت تقولى لعمرو يبطل جنان ويرجع للتدوين عشان مفتقدين كتاباتة الرائعة جداً
تحياتى

Soul.o0o.Whisper يقول...

السلام عليكم و رحمة الله و بركاته

هلا يا كيتى
أخبارك يا جميل؟؟


رغم انى تهت شوية فى كلامك
بس فهمت انتى عاوزة تقولى ايه

صح يا قمر
فى كل موقف كل واحد بيقول وجهة نظره
ماحدش بيحاول يخرج برا و يشوف الموقف كله و بعدين يحكم

و عشان كدا فى الغالب الحق بيكون تايه
يارب فعلا نحاول بعد كدا نشوف المواقف كلها بنظرة شاملة
وبعدين نحكم




دمتى بكل الود يا قمر

hérisson يقول...

صح كده هو الحل الشباك

طب إفرض مثلا مثلا يعني ان مافيش شبااااااك؟
إحم ولا بالاكونة طبعا

يعني الحدث مالوش غير ناحية واحده وزاوية واحدة

يبقي نعمل إيه ؟
نسأل الجيران
نشوف ده قال إيه؟ و ده قال إيه؟ وده كتب قال إيه؟ ورأيهم كان إيه؟

واللي يسأل مايتوهش

ونشغل أدموغتنا ونستنتج الحدث ونعرف الحقيقة فين
كأننا باصين من الشباك بالظبط
وشايفين اللي بيحصل بس بودانا مش بعيونا
من كلام الناس

لكن مهما حصل لا يجوز ناخد علي كلام شاهد واحد بث
ابسيليوتلي

فكرة جميلة جدااا
تحياتي
تقبلي مروري

عمرو يقول...

الفكره وصلتنى ..
بس عاوز أقول أن الاٍنسان بيشوف الحدث ليس كما هو وقت حدوثه و لكن بيشوفه كما يشاء عقله أنه يشوفه ..
يعنى العين بتشوف لكن العقل هو اللى بيترجم الرؤيه كما يريد صاحبها أن تقع ..
و حاضر حنبص من الشباك رغم ما يتبع ده من مشكلات :)
تقبلى تقديرى ..

صفــــــاء يقول...

وجهه نظر سليمه يا قمر
بس أزاى نبص من الشباك على الحاجه عشان نقدر نشوفها كامله ومن كل جوانبها ؟
مش دايما نقدر نكون فى موضع المراقب بالطريقه دى

تحياتى وسلامى ليكى يا جميله

نهــــــــــار يقول...

السلام عليكم.......
الله ينور يا كيارا يا عسل ....
......
ولكن يوجد ناس تحب القيل والقال ...
لماذا لا أعلم...
أنظر من الشباك وريحنا وإرتاح...
...
دمتِ بخير

marmar يقول...

كوكتي حبيبتي اعذريني مش بدخل نت الايام دي عشان امتحاناتي والمذاكره والهم ده كلو
عايزة اقولك صورتك منوره الحوار كلو ايوة يا عم مشيااا معاك :d
ادعععععيلي اعدي الفتره دي على خير

marmar يقول...

سؤال كده في السريع انتي عندك كام مدونه بالظبط
ومدونه nimo 2007 دي بتاعتك صح
كنتي بتردي منها زمان؟؟
فهميني

ندا منير يقول...

فعلا يا كيارا كتير مننا بيبقى مش شايف كل جوانب المشكلة

بس دا بيبقى عشان احنا اللى مش عايزين نشوفها عشان مبسوطين باللى بنعمله

ولو فكرنا مع نفسنا بنوصل للصح

كيــــــــــــارا يقول...

Israa El-sakka

***********
حبيبتي وبنت منطقتىىىىىىىىى وحشاااااااااااااااااااني وربنا

مبروك علي النيولوك بتاعك
صحيح امال نشوف الجيران ازاي وجهه نظر صاحييييييييح

كيــــــــــــارا يقول...

صدى الصمت - عاشقة الورد -

****************
ازيك ياقمر

وانتي كمان وحشاني خالص
ومبسوطه ان فكرته عجبتك

كيــــــــــــارا يقول...

Soul.o0o.Whisper

*****************
وعليكم السلااااااام ورحمه الله وبركاته

ازيك ياوحشه

كويس انك فهمتي عاوزه اوصل لايه


برافو عليكي

منوراني يابت ياقمرايا برغم اني مخمصاكي

كيــــــــــــارا يقول...

hérisson

***************

ازاااااااااااااي امال الهوا بيتس ازاي

لازمن يكون فيه والحر وحش والنبي

مفيش حدث له زاويه واحده طالما تعلق بالنفس البشريه


ولو سالت الجيران ممكن يتوهك

دا احنا الشعب المصري اللي رسمنا علي الهوا ولوناه


روح اسال حد

تعرف العنوان دا

اه اعرفه ويتوهك ويرجعك لنفس المكان

صح ولا غلط

كيــــــــــــارا يقول...

عمرو

***********

دا اكيد بس العقل هيترجمها غلط طالما هو عاوز الترجمه دي اما لو خرج من الحدث وبصله كاحدث عادي

ساعتها ممكن يترجمه صح

هو اكيد هيتبع البص مشكلات ومشكلات كتير بس كله يهون ولا ايه :)

ومبسوطه جداااااااااااا بتعليق حضرتك اللي اكيد ضاف كتير للبوست

كيــــــــــــارا يقول...

صفــــــاء

***********
اللي بيكون عاوز يوصل للحقيقه لازم يتعب

وبجد تعبها صعب وبياثر اوي

وحشاني ياكناريتي

كيــــــــــــارا يقول...

نهــــــــــار

**********

وعليكم السلام
الله ينور عليكي انتي ياسفيرتنا

صح ياقمر وربنا

دمتي بود

كيــــــــــــارا يقول...

marmar

*********

ربنا معاااااااااااااااااكي ياقمر وعذراكي وربنا

بتكثف يابت اله بئه وشي بقي احمريكا

بدعيلكم والله ربنا معاكم كووووووولكم

كيــــــــــــارا يقول...

marmar

********
انا عملت مدونات كتير
بصي انا كنت باكونت نيمو 2007 دا وكنت برد بيه وبنزل بيه البوستات

وبعدها رجعت بكيارا في مدونه ضي القمر

واتعملها هاك

عملت مولان اللي هي دلوقت عالم مولان وادعيلي ان ش يحصله حاجه

لكن كاسماء مدونات

طبعا كنت مشتركه في مجرد انسانه وبس

مدونه ورده الصباح

ضي القمر

ايام زمان

عالم مولان

فضفضه

حالتي في اغنيه

يوميات مولان الخاصه

وفضفضه وحالتي في اغنيه انا اللي حذفتهم

اما ضي القمر اتعملها هاك

ورده الصباح حذفتها

عالم مولان ويوميات مولان موجودين اهو

تهتي صح

انا نفسي تهت ههههههههههههههههههههههههه

كيــــــــــــارا يقول...

ندا منير

*********
وجهه نظر صحححححححححححححححححح ياندا ياقمر

عامله ايه بقي

وحشاني

زاكري كويس

علي محـمــــــد يقول...

السلام عليكم

والله كلامك صحيح يا كيااااارا وحلوه الفكره واكيد انت عارفه ااني مقتنع بالفكره ..

لكن تعالي تعالي .. انت عامله ايه في المدونه ؟ !!!! ايه كل الصور اللي عندك دي انا حسيت اني داخل ديزني مو مدونة كيارا !!
بس حلوه والله وربي يسعدك ان شاء الله

في امان الله