ذكري في حياتي لن انساها

رسائل لها اثر في حياتي

انا عندي حافظه فيها اهم الاوراق 

فيها طبعا شهاداتي والكلام ده

وفيها كمان الجوابات اللي كانت بتتبعتلي وكمان اخبار مقطوعه من جرايد ومجلات وذكريات من ايام زماااااااااااااااااااااان


وانا بدور فيها لقيت رساله من صحبتي امنيه بتاريخ 9-12-2000  


بس قبل اما اعرضها هقول حكايه سحلب وقهوه اللي قالتها في الجواب 


  مره مستر صلاح حبيبي ده طلب من الدادا قهوه


المهم وفي البريك طلب من الثلاثي اللي هو انا وامنيه ونسرين نجيبله القهوه


ونخلي بالنا من الووووووووش واخدين بالكوا بقي


المهم رحنا للدادا وجبنا منها القهوه وماشين بيها وسط عيال بتتنطط بقي


وبيعلبوا وجري ههههههههه علي ماوصلنا له كان اصلا نص الفنجان طاير بس مش مهم المستر كان بيعزنا وبيفوتها  


المهم بقي هيشرب النص اللي فاضل اوم ايه البت امنيه وهي بتديهاله اتكعبلت في السجاده

وراح البنطلون اللي لابسه المستر شرب بقيت الفنجان هههههههههههههههههههه 
 

راح طبعا قال اه ماهو امنيه اللي مسكاه قهوه ماسكه قهوه طبيعي تقع وهزرنا 


وطلع عليها الاسم ده كل اما يشوفها يقولها قهوه 


راحت اتطنطت وقالت اشمعني هما


ومش عارف ايه فراح قال خلاص البت مولان (قال اسمي مش قال مولان هسميها سحلب ونسرين قالتله وانا يامستر قالها انتي شيشه علي اد طولك ههههههههههه 
 

قلتله وانا سحلب ليه بقي وذمذئت كدا فراح قال لاني بحب السحلب وانتي عارفه اني بحب ياعثولتي


راحت نسرين قالت حلو طقم المعاكسه ده 


راح رد عليها اتشطروا انتوا كمان وانا احبكم 


وقال اللي هيجيب درجه عاليه في امتحان الشهر ليه عشرين جنيه عنده 


ومن بعد الحوار ده بقيت انا سحلب وامنيه قهوه ونسرين شيشه وبقينا معروفين بكدا


وش في حد بيندهنا باسمائنا خالص 


  بسم الله الرحمن الرحيم صديقتي الغاليه / سحلب  


اتمني لكي السعاده والتوفيق في حياتك العلميه والعملية واتمني لكي المستقبل الباهر في حياتك مع من يريده قلبك في المستقبل ان شاء الله .


  اذكرك يا اختي بعده اشياء


اتقي الله حيثما كنت وخالق الناس بخلق حسن بجانب فرائض الله عز جل واهمهم الصلاه لانها عماد الدين ولان الصلاة هي مايحاسب عليه العبد في القبر


طاعه الوالدين لانها من طاعه الله عز وجل كما اخبر الله سبحانه وتعالي في قوله وبالوالدين احسانا صدق الله العظيم كما اخبرنا الرسول صلي الله عليه وسلم في حديث والديك جنتك ونارك

الرضا بما قسمه الله لكي لان الرضا بالمقسوم عباده واياكي والحرام والقناعه بالقليل الحلال عن الكثير الحرام وعدم الخوف من فوات الرزق لان الرزق مضمون




اياكي والتكبر والغرور لانه يهوي بصاحبه الي القاع وعليكي بالتواضع لان من تواضع لله رفعه  

واخيرا اقول لكي ياصديقتي الغاليه واختي ايضا اتمني لكي التوفيق والنجاح الباهر ان شاء الله والمجموع العالي وتحققي كل احلامك

التمس منكي شيئا اخر

**********

ان تتذكريني مهما طالت ايامنا او قلت ايامنا من صديقتك واختك امنيه (قهوه ) 
 

وانا هفضل طول عمري متذكراكي وحافظه رسالتك ليا مهما طال الوقت رسالتك دخلت علي ال9 سنوات وانا حفظاها ومش هفرطت فيها وهتفضل جوايا ياصديقتي الغاليه

**********
 الرساله التانيه من نسرين

بسم الله الرحمن الرحيم

الي اعز وارق وانبل واجمل صديقه لي (هي بتبالغ ياجماعه ) 

الي قلبي ومشاعري واحساسي الي سحلب

اليكي يامنيه القلب اتمني لكي مستقبلا سعيدا ومشرقا بالامال والاماني

واتمني لكي حياه جميله وسعيده ان شاء الله

ويارب تدخل كليه الهندسه وتبقي احسن مهندسه في الدنيا

لانك قلبك ابيض وطيب ولو فتحته هلاقي جواه طفله صغيره جميله قوي

من صديقتك واختك وتؤام روحك نسرين شيشه

nesren+ nona = lovely friend's to gether forever بحبك ilove you ichleibedich moneamore  

ذكري الي ارق واجمل ذكري في حياتي 31-3-2001 
 
نسرين كاتبه كلام فرحني اوي وانا بقراه بعد مرور كل السنين دي 

  طبعا كنت بحلم اكون في هندسه وادخل علمي لاني بعشق ماده اسمها الرياضه

وكنت بطلع الاولي علي المدرسه من صغري بس بابا بقي اصر وصمصم علي اني ادخل ادبي  

وحشتيني يانسرين ووحشتني لمتنا انا وانتي وامنيه

ان شاء الله ليا عوده لكتابه رسائل اخري من صديقاتي