محمد :صحوت من نومي علي تغريد الكناريا فانا عاشق لها ولتغريدها الذى يطرب اذنى .. جلست علي مقعدي بجانب السرير كي اتمالك اعصابي وأفسر مارايته في منامي .. احقا رأيت ملاك .. كانت في صورة بشر .. حقا لا اصدق فرأيت فتاة تلبس ثوب ابيض في ابيض تتطاير كالفراشات رايتها في شرفتها فرأيت جمالها الذي لا يراه احد غيري .. جمال لا تراه العين ولكن يراه القلب بكل دقاته
رايتها تغفو علي مقعدها كالأطفال في براءتهم
والدته : انت لسه مريح يا محمد
محمد: ارتبكت فجاه
والدته: ايه يا محمد مالك انت نسيت الشغل ولا ايه
محمد : لا لا لا انا فايق اهو يا امي صباح الخير حضري لي الفطار علي اما اخد شاور وأجهز عشان الشغل
والدته: حاضر يا بني بس مش تتأخر عشان انت بتقعد ساعة تلبس ولا البنات البكر
محمد في ابتسامه خفيفة رقيقه : حاضر يا امي
انصرفت الام واتجهت الي المطبخ لتعد الفطار ومحمد دخل البلكونه يجيب البنطلون الجينز عشان يكويه ويلبسه وينزل
محمد بينه وبين نفسه ( كل يوم انسي اكوي هدومي واصحي الصبح متسربع كدا ) وأول اما دخل البلكونه
ياإلهي أمعقول ما أري !! إنها هي اميرتي
نظر اليها وسرح اكتر من ربع ساعة
والدته : محمدددددددددددددددددددد محمدددددددددد
وهو مازال يغوص في احلامه ونظراته الي فتاة عمره
فهى مثلما رائها في منامه
والدته : محمد انت سرحت تاني يخر بيت السرحان اللي مودينا في داهية الشغل يبني
محمد : حاضر يا ماما
والدته : محمد
محمد : ايوه يا ماما
والدته : مش تنسي تصلي
محمد : اكيد يا ماما
طبعا لازم اصلي صلاة شكر لله انه جمعني بأميرتي
ونزل محمد بسرعة بالغه وهو يكلم نفسه
انا هروح اسال عنها ولو تمام هتقدملها قبل اما تكون من نصيب حد غيري .. غيري طب متقولهاش في وشي دي ملاكي ان شاء الله
عوض : صباح الخير يا استاذ محمد
محمد : صباح الورد يا عوض
محمد : فين استاذ احمد مش جه النهارده ولا ايه
عوض : لا جه عند الباش مهندس عماد
محمد : طب اعملي القهوة لحسن انا نمت ساعتين بس ومحتاجين نركز يلا راجل يا طيب
عوض : من عنيا يا امير يا ابن الامراء
صوت خبط ورزع
محمد بصوت مرتفع قليلا: في ايه يا احمد هو كل يوم بتبرطم كدا ايه حصل بس
احمد : هو كل حاجه احنا احنا احنا دي عيشه تقرف
محمد : فيه بس انا النهارده مبسوط ومش عاوز عكننه
احمد : مبسوط ايه انت راخر تعالي شوف المصيبة اللي اتحدفت علينا
محمد : يادي النيله يبني هو انا معرفش اعيش حالم شويه الله يحرقكوا في ايه حصل
احمد : ست شاهنده هانم
محمد : مالها هيا كمان .. اطلقت
احمد : انت بتقول فيها كانت ها تتطلق يا اخويا
محمد : ومطلقتش ليه لقوا المأذون قافل هههههههههههههه
احمد : بتضحك لا جوزها شافها هي وخالد بيهزرو حلف يمين طلاق انها مش نازله الشغل تاني
محمد: ينهار ابيض ليه المجنون دا دول زمايل
احمد : ما انت عارف الغيرة بقي
محمد : بصراحة عنده حق انا لو مراتي مش ها وافق انها تهزر كدا كل حاجه ليها حدود ياعم .. بس احنا مالنا في الليله دي بقي
احمد : يبني ماشغلها كله هيجي علينا ياخفيف
محمد : يانهار ابييييييييييييض
احمد : هما يهزروا واحنا ناخد علي قفانا دي عيشه تقرف انا هلاحق علي البيت ولا الشغل كرهتوني في عشتي
محمد : طيب اهدا ياعم نبقي نقعد ساعتين زيادة لحد اما نخلص الشغل فكها بلاش بواخه انا عندي خبر حلو اووووووووي
احمد : قول قول ما هي طالبة شلل
محمد : شلل ايه ياض
احمد : اه لقتها فين بقي المره دي تحت بوتجاز ولا جوا الفرن ما احلامك موديانا في داهيه تحلم الحلم وتصحي تشوفه وبعدها فص ملح وداب
محمد : لااااااااااااااااااااااااا انا مقبلش .. المره دي بجد لقتها
لكن بينه وبين نفسه
معقول يكون حلم معقول يكون متهيألي .. معقول اني اكون اتوهمتها ومش حقيقة
ويحاول يفوقه احمد بكلامه
ويفوق علي دمعه خايفه نزلت من عنيه من خوفه لتكون وهم
احمد : مالك يا محمد بس .. انا زعلتك .. انا اسف والله مش اقصد بس نفسي تعيش علي ارض الواقع وبلاش الاحلام .. كام حلم لحد دلوقت وتقول شفتها وتحلم انك تروح تتقدم وتلاقيه وهم
محمد : لا مش وهم المرة دي مش حلم
احمد : طيب بلاش هي واقع بس ازاي تقرر انك تتقدم لواحدة لمجرد انك حسيت انها زي اللي بتحلم بيها .. عرفت اخلاقها
محمد : هسال عنها
احمد : عرفت طباعها
محمد : لما اتقدم في الخطوبة هعرف
احمد : انت مجنون وتدخل في خطوبة وبلاوي ومصاريف ، اتعرف عليها ولو عجبك طباعها اتقدم معجبش خلاص مخسرتش حاجه
محمد: لا خسرت .. خسرت احترامي لنفسي لما اسمح اني اعلق بنت الناس بحجه اني بشوف طباعها او بحجه ان فسخ الخطوبة وحش انما من بعيد لبعيد احسن انا لو صح ودخلت البيت من بابه ربنا هيكرمني وهيوفقني وهيقدرلي الخير والبركه في حياتي احنا عندنا اخوات بنات ومنقبلش ان حد يعمل معاهم كدا يااحمد ياصحبي رسولنا قال عامل كما تحب ان تعامل ولا ايه يا مسلم لو تقبل اني امشي مع اختك بحجه اني بشوف طباعها
احمد : وبغضب شديد ..اختي انت اتجننت دي اشرف واحده في الكون
محمد : وهيا كمان اشرف واحده ف الكون بالنسبة لأهلها ولنفسها يا احمد يا صحبي عامل الناس كما تحب ان تعامل
ويصمت احمد
ويسرح محمد هل هي حقيقة ام خيال اكاد ان اجن .. يااااااااااعقلي
ستووووووووووووووووووووب هنا
الجزء انتهي
طبعا اول تجربة اني اكتب قصة
:d
ردحذفلا بجد براوه عليكى لدرجت انى سرحت انا كمان
عقبال الحلقه التلاتين
جود لاك
روعة بجد يا كيارا
ردحذفإنتى يابنتى خلاص خليكى فى القصص والروايات
بجد هايل
ربنا يكرمك وفى إنتظار البقية
جميله اوى يا كيارا بجد بجد تحفه عجبتنى اوى حاولى تعمليها اجزاء كتيييييييييير عشان كتابتك جميله شدتنى ماشاء الله عليكى
ردحذفتمام التمام
ردحذفحلو قوي الجزء ده ومستنيين الباقي
اجمل حاجه ان الواحد مستمتع ومحسش باي ملل من اي نورع
كمان اسلوب الحوار
حسيت ان بيرسم صوره مش بس صوت
تحياتي
الحمد لله يارب لحقت الرابع كويس كويس فى تقدم هههههههههه البوست ده نازل بناسه واللا ايه
ردحذفدمتى كيارا من احلى الناس فى عالم التدوين معلش بقى هقراه بكره شكله موضوع حلو وانا مبحبش اكروت
تصبحى على خير يا كيكى يا عسل
يا نهار مش الرابع عاااااااااااااا
ردحذفيلا فى تقدم فمتو ثانية برضه موااااه
جميييييييل ياكيكى
ردحذفروعه ياقلبى
تسلم ايدك
انا عايزه من ده كتيييير
ياريت كل اخلاق شبابنا زى محمد كده
والله كنا هنبقى احسن ناس فى الدنيا
جميله احلام محمد وجميل اسلوب تعبيرك عن احلامه
كيكا
ردحذفاموت انا في اسلوب الحوار
بيشدني اكتر علي فكرة
شكلها هتبقي اجزاء صح؟
انا منتظرة لحد اما تكمل عشان اعلق عليها كلها
استمـــــــــــــــري يا باشا
دمتي بخير
:)
كيكا
ردحذفاموت انا في اسلوب الحوار
بيشدني اكتر علي فكرة
شكلها هتبقي اجزاء صح؟
انا منتظرة لحد اما تكمل عشان اعلق عليها كلها
استمـــــــــــــــري يا باشا
دمتي بخير
:)
ههههههههههههه
ردحذفلا بجد حلوة و الحوار طبيعي قوي
بس عاجبني اكتر وصف البنت و كنت عاوزة يكتر عن كده
بس ايه ستوب و الحلقة دي
هو مسلسل ولا ايه ؟؟
هههههههههه
فاصل و نتواصل بقي
السلام عليكم ورحمة الله وبركاته
ردحذفقصه حلوه اوووى ومستنى الجزء التانى
وخليه يروح يخطبها بسرعه قبل ما اسبقه
هههههههههه
فى رعايه الله
جوكــــر
حلوة جدا يا كيارا
ردحذفخلتينى احلم معاه
بسرعة الجزء التانى
كتابتك حلوه
ردحذفوكمان اول مره
برافو عليكى
استمرى
جميلة بس
ردحذفنصيحة ليكى يا كيارا
اكتبيها بالفصحى حتبقى اثرى
و اقيم و اجمل
انا مش بكتب فصحى عشان معظم كتاباتى ساخرة
لكن طالما قصة زى ديه يبقى الفصحى افضل بدون شك
حلوة اوووووى بجد والله
ردحذفهو فى حلقات تانى ولا ايه
جميلة بجد
ردحذفكمليها
اتمنى اشوف بقيتها
تحياتي
برضه روحك الخفيفة و طفولتك البريئه مسيطرة علي فكرة القصه
ردحذفالحوار سلس و لذيذ و تلقائي
بين السطور البحث عن بعض الاخلاقيات المفقوده في مجتمعنا
ننتظر المزيد
تحياتي
اخيرا نزلتي بوست
ردحذفلطيف اوي البوست وقصه جميله
والفكره علي بساطتها بس عميقه جدا
برافول عليكي
وحشتيني جدا
السلام عليكم ورحمة الله وبركاته
ردحذفيااااااااااااااااااااه
انا موش عارفه حسيت بايه لما قرأتها
اول تجربة ليكي بس موش أخيرة انا متاكده ان قلبك اللي توام قلبي ده فيه حاجات بجد لا يمكن حد يتخيلها
ربنا يعملنا الخير انا وانتي يا منمونتي يارب
ويخليكي ليا ياقلبي يارب
وحثتيني موووووووووووووت
والقصة حوارها اخدني بجد لحاجه ربنا اعلم بيها :$
في رعاية الله
جميييييييييييله
ردحذفبجد تحفه
هستني الباقي
ولما انتي بتكتبي كده امال مخبيه علينا لييييه
يابخيله
وحشتييييييييييييني يا قمر
وبقولك ايه خدي ايميلي من حروف عشان عايزاكي
لالالا ستوب ايه وبعدين معاكى طب هديكى رشوة مصاصه يعنى وكملى تحبيها فراولة واللا برتقال تسلمى يا كيارا بجد حوار ممتع وشيق يلا بقى كملى
ردحذفالسلام عليكم
ردحذفازيك اختى الصغنونة كيارا
القصة لذيذة وممتعة بجد
وان شاء الله تكملى مسيرتك فى الاتجاه الروائي ده
بس المهم خلى بالك من عقلك هههههههه
بالنسبة لمحمد شخصية جميلة والست والدته كمان ههههه
** مقطع من الرواية
انت اتجننت دي اشرف واحده في الكون محمد : وهيا كمان اشرف واحده ف الكون بالنسبة لأهلها ولنفسها يا احمد يا صحبي عامل الناس كما تحب ان تعامل ويصمت احمد ويسرح محمد هل هيا حقيقة ام خيال اكاد اجن يااااااااااعقلي
لو كل واحد بجد بص لاى بنت على انها اخته او امه او زوجته ويغار عليها ويحاول يحميها من اى شر
اعتقد الدنيا كانت بقت وردية
زى حلم عمنا محمد كدا
بس اعتقد ان فيه عوامل اكبر مننا هى اللى بتسيطر على الموقف
ولا ايه رايك
تقبلى تحياتى
نسيت اقول لك حاجة مهمة قوووووى
ردحذفتكملى الاجزاء اللى بعد كده
وكمان افتكرينى باى دور كده ولو صغنون فى الرواية بتعتك
علشان لو اتعملت فيلم او مسلسل اقوم بالدور بنفسي
ههههههههههههههههه
تحياتى
السلام عليكم
ردحذفجميلة جداً ورائعة
عندما يعيش الانسان في هذه الاحلام
ويحلم ويطر مع هذا الحلم في كل مكان
وينسي من حوله
وهنا يغلق الستار عن الجزء الاول ، صراع بين الحقيقة والخيال
والبحث عن طريقة لبلورة الحلم الي واقع
وها نحن ننتظر بلهفة
تحياتي
ابتدينا
ردحذفوبتمني تشاركينا
وتكوني معانا
في
آفشنا حرامي
في انتظارك
هاي كيارا
ردحذفكيف الحال
قصة جميلة ومعناها رائع
ياريت كل الشباب يدركوا موضوع زي ده زقد ايه انه مهم وممكن يأذي بشر كتير
ميرسي علي مجهودك
الي الأمام
بجد جمييييييييله
ردحذفبدايه موفقه يا احلى منمن
وحشانى جدااااااا
القصة حلوة أوى أوى أوى يا خيارتى
ردحذفو عجبنى اوى رد محمد فى الاخر..و ياريت كل الشباب يقروا الكلام ده عشان يعرفوا ان بنات الناس مش لعبة
بس مكدبش عليكى أول ما لقيت محمد بيقولوا امشى معاها الأول..قلت هى كيارا حتخرف و لا إيه
ههههههههههههههه
بس طلعتى جادعة
فى إنتظار الجزء التانى
ههههههههههه
ردحذفهههههههه
ماشى كلامك يا ست الكل
القصة جميلة جدا واختيارك للاسماء موفق جدا
وفى انتظار حكايات الشاطر محمد وست الحسن والجمال
اممممممممم وبعدين احنا هننتظر كتير
ههههه
السلام عليكم
ردحذفالقصه حلوة ومتشوقه للجزء التاني
يالا بأنتظار البقيه
***تقبلي مروري ***
الله عليكي يا مني
ردحذفجميلة اوي
بس دي مش اول مرة تكتبي قصص من وجهة نظري
معظم مواضيع عبارة عن قصص وحكايات ممتعة ومشوقة وبتحمل معاني نبيلة وسامية
:D
بس دي فعلا رائعة وعشت معاها
تحياااااتي لقلمك المبدع كالعادة
في انتظار الجزء التاني
ههههههههههههه
ردحذفياشيخه أنا حسيت انى بتفرجعلى فيلم :D
يالا منتظرين الجزء التانى :)
احنا هنبدا من اولها كده ولاايه ؟؟
ردحذفيعنى اول مرة تكتبى تطلعى عنينا
امال لو اتكررت هتعملى فينا ايه
هه
×_×
السلام عليكم
ردحذفبداية موفقة ..
وستكون قصة نظيفة وبها قيم اخلاقية راقية ..
باين من الحوار انك شرقاوية بتقدمي كلمة مش .. زي مش تنسى تصلي .. والقاهريين يقولوها ما تنساش ..
المهم ربنا يوفقك ومنتظرين البقية
جميله جدا يا كيارا ومرسى جدا لزيرتك مدونتى مع انها جت متاخره
ردحذفولكن كل تأخيره وفيها خيره
منتظرين البقيه
حلوه جدا جدا بجد كمليها بقى بسرعه انا من النوع المتسرعه جدا وعندي فضول جدا اعرف هي حلم ولا حقيقه يارت تطلع حلم لانه راجل بجد يستاهل انها تكون حقيقه
ردحذفوالله بدايه حلوه اوي يا كيارا
ردحذفعجبني اوي رد محمد .. ومستنيه باقي القصه ..
بس فعلا ساعات الاحلام مش بتكون مجرد اوهام :)
بداية قوية يا كيارا في انتظار الباقي طبعا
ردحذفواكيد الاحلام جزء كبير من الواقع اللي بنعيشه
اي نعم مش كل حلم بيتحقق
بس كل الواقع جزء منه حلم
ربنا يوفقك
ونزلي بقي الجزء التاني
سريعااااااااا
بالتوفيق يارب
سلام
صقفة كبيرة
ردحذفبجد جميلة يا كيارا
لذيذة وعفوية وحالمة
فى انتظار الجزء التانى
لا كملى والله اسلوب هايل وجميل وبعدين بلاش رخامه وتقفى فى وقت كلنا عايزين وبعدين
ردحذفانتى تكتبى القصه كلها وتنشريها وانا مستعده اجيب علبة كاكاو واقعد يومين اجازه من الشغل لما اخلص القصه كلها ههههههههههه
دايما موفقه يا رب
بداية موفقة:)
ردحذفايه التعليقه دى
ردحذفعايزين الباقيه
بس بجد عجبنى اوى عامل كما تحب ان تعامل
تسلم ايدك يا كيكى
بقولك ايه
ردحذفاول مره تكتبي ولا آخر مره مش مهم, المهم انك عيشتينا دلوقتي في القضه وبصراحه بأه الفضول هيقتلني عشان اعرف ده حلم ولا حقيقه وهيحصل ايه
يلا بأه الله يكرمك وبلاش ستوب ديه اللي وقفت في زوري
اكثر من رائعه
ردحذففاقت الخيال
تقبلي مروري
انا مش قادرة اقري دلوقتي ^^
ردحذفهجيلك بكرة تاني ياحوبي معلش الدنيا متلخبطة الايام دي
بتأخر علي كل الناس ال بحبهم محلشي
وبعدين تعالي هوناااااااا
فيييييييييييييين التاج ياثت انت اضرب ف المليان ولا اييييه
وأنا ال كنت هجيبلك مثاثة وانا جايه (:
بكرة تعملى مسلسل تلاتين حلقة
ردحذفتسلم ايدك
بداية القصة جميلة جدا
ردحذفوانا فعلا متشوقة اعرف ايه اللي هيحصل
وخصوصا ان تفكير البطل عاجبني
فى انتظار الجزء التاني يا كيارا يا قمر
أول محاوله بس حلوة يا قمر
ردحذفأيه الجمال دة
لا وتحسيها حيه كدة وفيها روح
منتظرين بقى الجزء التانى
يالا متاخريش بيه
جميله بجد
ردحذفخصوصا وجهة نظرك في موضوع الارتباط
ولو ان قليلين اوي الي بقى كده
ربنا يهدينا لما يحبه ويرضاه :)
جميله بجد
ردحذفخصوصا وجهة نظرك في موضوع الارتباط
ولو ان قليلين اوي الي بقى كده
ربنا يهدينا لما يحبه ويرضاه :)
والله جامده عايزه الباقى
ردحذفحلو اوى السيناريو ده ينفع اسكريبت جامد اوى بس وقفتى ليه مكملتيش
ردحذفانتى مشروع سيناريست هايل
تسلم ايدك
تحياتى
كيارا اٍزيك ؟؟
ردحذفطيب الحمد لله :)
بجد الحوار عجبنى و تشابك الأحداث سريع و بدون ملل ..
طيب اٍلحقينا بالباقى من غير ما تغيبى علينا و اٍحنا لسه متفاعلين بالأحداث ..
تقبلى تحياتى و تقديرى ..
السلام عليكم
ردحذفازيك يا كيارا يارب تكونى بخير
لحد دلوقتى جميلة جدا بجد تشد وكمان اول مرة يعنى اكيد فى ابداعات جاية بس بجد بسم الله ما شاء الله تمام اوى
فى انتتظار الجزئ التانى
تحياتى
احمد الشاعر
والله تجربة جميلة جداً يا كوكى
ردحذفالقصة شيقة ولذيذة وخفيفة وممتعة
فى إنتظار الجزء التانى قريباً
نحن فى انتظارك دوما
ردحذفالبداية بدات اليوم
ونتمنا نشر لينك هذه المدونة بين كل اصدقائك
وتقوم بوضع لينك المدونة على قائمة المدونات بمدونتك للتواصل الدائم
مع تحياتنا
آفشنا حرامى
هي اول تجربة بس ان شاء الله متكونش الأخيرة
ردحذفبجد حلوة موووووووووووووووووت القصه وعرفتي تشوقيني لحد ما اعرف النتيجه
كمان هي مش قصة وخلاص اي كلام يعني لا فيها معاني حلوة اوي
هايله بجد مستنيا الجزء التالي
تقبلي مروري
نقول مبارك علي اول باكورة في عملك القصصي وبالتوفيق ديما ولو عايزه اسلوبك يتقدم عليك بحفظ القرآن والتهام كتب قصصية ذات مغزي مثل كتاب مثلا الشيخ والبحر لارنست همنجواي ، ومع اني مش بعرف انصح لكن النصحية دي ختها من شاعر عربي لما احد تلاميذة راحلة وقاله انا عايز اكتب شعر قاله احفظ 1000 بيت من شعر العرب وتعالالي تاني ، حفظ وراحله قاله حفظتهم خالاص قالوا انساهم قالوا صعب انساهم قالوا لازم تنسي عشان تكتب قعد فترة وجاله قاله خلاص نسيتهم قالوا دلوقت تكتب شعر ، اتمني انك تتقدمي في العمل القصصي وتكون قصصك ذات مغزي دايما ، بارك الله
ردحذفالسلام عليكم
ردحذفازيك كيارا معلش اتأخرت شوى وبقالى كتير مش بدخل خالص مدونات وحشانى جدا كتاباتك والله
عموما زى ما محمد بطل قصتك سرح فأنا كمان سرحت معاه وهزعل جدا لو كان حلم ولو انه واضح انه حلم هو كمان زى اللى قبله
ربنا يستر
تحياتى كيارا
وتمنياتى بالتوفيق الدائم