في الاول لقاء 29/1 يوم الجمعه انا راييييييحه والتفاصيل عند دكتورة ستيته و فاتيما
^^^^^
نور القلب حبيبه
طبعا من قبل اما اتجوز اصلا انا وباباكي ان شاء الله
عاوزه اقولك اني تعبت فيكي اوي انا وهو
من اول الاختيار لحد اما هتيجي الدنيا
عاوزه اقولك ان من قبل اما احس بيكي في احشائي بحبك اوي ونفسي ومني عيني انا وابوكي تطلعي احسن حد في الدنيا وعشان كدا بفكر اعمل معاكي ايه من قبل اما اتجوز اساسا ^_^
اول حاجه وهي ان باباكي لازم يكون فعلا يستحق يتقاله بابا لازم اكون عامله حسابك في اختياره عشان لاقدر الله لا تتربي بين اتنين مش طايقين بعض او مش فاهمين بعض او منفصلين
عاوزه بيتك يكون بيت اساسه سليم
واتكي علي سليم يابت اه من اولها بئا ^_^
تاني حاجه من اول دقه جوا يا منك مش هتسمعي الا القران الكريم عشان تتربي علي احلي شئ في الكون وهو كتاب الله
ومن بدايه انفاسك في الدنيا اول حاجه لازم اعلمهالك الحلال والحرام واخلي اساسك هو حب الله ورسوله وحب الناس
واسيبك تميزي انتي بين الصح والغلط ومش هخاف عليكي عشان عارفه اساسك
في حاجات كتير مخططهالك وبحلم تيجي واشوفك قدامي رغم خوفي الشديد من ربنا لانك هتكوني مسئولية جبارة لان كل راع مسئول عن رعيته
عاوزاكي حب ماشي بين الناس قلبك مش يعرف غدر او كره ودا مسئوليتي انا رغم انها مسئولية مش سهله الا ان ربنا معايا
ربنا يحقق الحلم يارب
طيب انا مش بكتب البوست دا عشان اقعد احلم
انا بنوته زي اي بنت لسه البداية اكيد كل الامهات اتعلموا
يقولو ايه لكل بنات جيلي عشان اطفالهم يطلعوا سويين ومش فيهم اي عقد نفسيه
يطلعوا واثقين من نفسهم
عندهم القدره علي التمييز بين الخير والشر
هل تربية ماما ليا هي الصح انها تكون محوطاني ومش سيباني
ولا الصح تربيه امهات تانيه وهي سيبي البت تشق طريقها عشان لما تبعد عني تعرف تتصرف في المواقف الصعبه
اكيد كلام الامهات الكبار احنا كبنات هناخد منه خبرة كبيره ويااااااااارب ربنا يرزق البنات الزوج والذرية الصالحه والشباب كمان عشان مش يقولوا اني بعمل تفرقه عنصرية هه بس
البوست الجاي هكتب فيه عن حاجه صغننه اوي لكن مجنناني اوي
وهدي نبذه عنها في حكاية صغننه
بما اني شغاله في القصر العيني فجالي فون من واحده هنقول س بتقولي يامني والنبي عاوزاكي تعمليلي ورقه ان ابني عمل عملية في القصر واتحجز يومين .
ليه ياطنط
عشان هرب من الجيش ولازم نقدم مستند انه كان محجوز
يعني تزوير وهروب !! يبقي نتكلم عنه في بوست منفصل ولا لا .
والسلام عليكم ورحمه الله وبركاته
اووول تعليق
ردحذفيا رب دايماااااااا
بجد مش اقول ايه ؟
ردحذفبس وصفتى احساس جوايا حاسه بيه بس عمرى ما كنت هعرف اوصفه زيك
ربنا يكرمك بحبيبه ونجوزها لعمر بس بشرط تختارى الاب صح ويكون احسن لو سباك فهمانى طبعا
دى الطبقه اللى بتكسب دلوقتى
هههههههههههههههههههههههههه
بحبك يا مون
هههههههههههههههههههههههههههههههه
ردحذفبرده سباك
طيب ماتشغلي عمر حلاق هههههههههههههه
احنا نجهزلك حبيبه ونوديها لحد عندك
هو انا اطول تكون حماه بنتي حنونه بذات نفسها
على جثتى
ردحذفعمر ده ابن قلبى وجوز بنتى اناااااااااا
بلاش عمر ياكيارا والعبى بعيد علشان مش نخسر بعض
انا بقولك اهو
عاشقه الرومانسية
ردحذفعمر مين اللى جوز بنتك
اكيد تقصدى عمر الشريف اوعى تكونى تقصدى ابنى
لالالالالالالالالالالالالالالالا استحاله يا ماما
العبى انتى بعيد
وبعدين مون هتتجوز سباك وهيجيبوا ليه الشقه والعفش وكل حاجه
انما انتى هتتجوزى مين؟؟
هههههههههههههههههههههههههههههه
ردحذفاهي حنين ردت عليكي
انا عاوزه اتجوز ميكانيكىىىىىىى
ردحذفههههههههههههههههههههههه
وعمر مش ابنك لوحدك ثم انى رتبت حالى عليه خلاص للبت
امال هاعمل فيها ايه؟
هو حد لاقى عرسان اليومين دول؟
يعنى على ايامهم هيكون الجواز موضه قديمه وبطلت
يعنى هاجوزها الواد غصب عنك
ياحبيبتى بجد خلتينى دمعت يا كياراتى
ردحذفربنا يرزقك يارب بالذرية الصالحة وتشوفى احلى حبيبه لامها وباباها باذن الله يارب اللهم اميييييييييين
بالنسبة لسؤالك انا شايفة ان الصح اللى انتى هتعمليه مع بنتك اعرفها ايه الصح والغلط من صغرها واعلمها انها ماتخافش غير من ربنا اللى خلقها وهى هتعمل حسابها ف كل تصرفاتها وان شاء الله ربنا هيحميها ويحفظها وتطلع بنوتة سكرة ومحترمة زى مامتها بالظبط
ربنا يحققلك كل اللى بتتمنيه يارب اللهم اميييييييييييييييين
ازيك
ردحذفالصح اننا نربي تربيه دينيه صح الصح
علي راي الشيخ الشعراوي زي ماالكتالوج بيقول
كمان لازم نسمع الابناء كتير ونتكلم معاهم
بهتمام زي مانكوزن بنتكلم مع حد كبير
ونشوف الحبيب المصطفي كان بيعمل ايه
ونصحنا بأيه ونعمله
هنلاقي الدنيا جميله
سلامي
منى
ردحذفبوست جمييييييييييييييييييييل
بجد اتكلمتي بابداع عن احساس موجود جوه كل بنت بتحسه و يمكن مش عارفه تعبر عنه
بجد احييكي تحيه جامده جداااااااااااا
ربنا يرزقك بابن الحلال و الذرية الصالحه علشان تعرفي تحقق كل اللي بتحلمي بيه
اما بالنسبه للموضوع الجاي ده بجد الله يكون في عونك انك عرفتي تستحملي الصدمة دي انا لو مكانك بصراحه مش عارفه ممكن اعمل ايه في الولد الهربان من الجيش ده و مستنى تزوير يخرجه من موقف صنعه جبنه
بس برده مستنيه اعرف منك الموضوع بالتفصيل
تحياتي
ايه يابنتى ده من ايه ده طيب
ردحذفانتى هترجعلنى ببنت هههههههههههههه
وحشتينا جدا جدا
ردحذفنورتى عالم التدوين من تانى واللة يا منى وربنا يكرمك دايما للى فية الخير
الله يحققلك كل ما تتمنيه يا رب
ردحذفربنا يديكى اللى نفسك فيه ان شاء الله
ردحذفو تقدرى تحققى معاها اللى بتحلمى بيه بالضبط بالزياده ممكن و لكن دون نقصان
اميييييين يا رب العالمين
ربنا يرزقك الزوج الصالح والذريه الصالحه باذن الله
ردحذفبس اعتقد انك لازم تحاوطي بنتك بس من بعيد
تحياتي
ربنا يحققلك أمنيتك الجميلة ويكرمك ببنوتة أخلاقها جميلة زيك وتشوفيها احسن بنت فى الدنيا
ردحذفتحياتى
ربنا يحميها لك وتكبر وتطلع عينك :)
ردحذفيا رب ينولك اللي في بالك
ردحذفانت فين من زمااان
وحشنا تدوينك
بجد تفكير عبقرى ونظرة للمستقبل من منطلق جمبل وعقل مستنير
ردحذفربنا يجعل نواياكى الجميله واحلامك الرقيقه واقع ملموس فى ايديكى وشايفاه عنيكى وتبقى اجمل ام لاجمل بنوته
ثانيا احب جدا اتعرف عليكى انا كمان طالبه قصدى كمن طالبه فى القصر العينى لحد من اسبوع فااات خلصت والحمد لله
ياربت لو فى فرصه نتقابل ونتعرف على بعض ان مكانش يضايقك طبعا
عاشقه الرومانسيه
ردحذف******************
هههههههههههههههه يالهوي هو الجواز بالعافية يابنتي وبعدين بئا احنا هنتحكم في الواد ولا ايه هو اللي يختارررررر
мαησηα
ردحذف************
طب ليه بس ياقمرايا دموعك غاليه اوي عندي ممكن موش تدمعي تاني
ويرزق كل البنات يارب .
صحححححححححححح رايك يامنونا طبحاااااااااااااااا
وربنا يحقق للجميع كل اللي بيتمنووووووووووه
شمس النهار
ردحذف************
الحمد لله يامامتي انتي عامله ايه
رايك دا لازم هيتحط في الذاكرة ونحفظه لاخر العمر لانه راي من مامتي حبيبتي وناتج من خبرة سنييييييييييييين
والدنيا جميله بحد زيك يااحلي ماما في الكون
dodoo
ردحذف***********
بالضبط دا هدف من اهداف البوست لان الحلم دا مزروووووع في القلب من الصغر
ويرزقك ويرزق كل البنات اللهم امين
وبالنسبة للبوست قولي يارب لحسن انا كسولة مووووووووووت رغم ان في قضايا بالهببببببل
mohamed ghalia
ردحذف*****************
هههههههههههههههههههههههه شفت هرجعلكم ببنوته اسمها حبيبه
صباح الصباح
ردحذف**************
والله انت غبت اكترررررررررر مني اعترف صح ولا غلط
في لقاء يوم 29 /1 ايه رايك تيجي فيه يااستاذ محمد انت وزوجه حضرتك
والتدوين منور دايما بكل الناس الحلوه الطيبة اللي فيه
اقصوصه
ردحذف*********
اللهم امين
ويحقق للجميع احلامهم
صيدلانيه طالعه نازله
ردحذف***************
اللهم امين انا وكل الناس
ميرسي ياقمرايا
فتاه من الصعيد
ردحذف*******************
اللهم امين
بالضبط عشان موش تحس انها رقابة واخسر صحوبيتها زي ما ماما بتعمل
صدى الصمت - عاشقة الورد -
ردحذف********************
يااااااااااااارب ياقمر
ويحقق للناس كلها امانيها
Muhammad Saber Abdou
ردحذف**************************
هههههههههههههههههههه يارب اتجوز الاول وبعدين حبيبه تيجي بس بلاش تطلع عيني دي لاني عارفه انها هتخليني اجري وانا ناكشه شعري وبقول الحقووووووووووووووووووووووني طبعا من اللي عملته في مامتي
أُكتب بالرصاص
ردحذف**************
اللهم امين
انا رجعت اهو بس تعب العااااائلة جنني شوية
ربنا يكرمك يارب
dr.w.krm
ردحذف*****************
ربنا يخليكي ياقمر لكلامك
اللهم امين وميرسي علي الدعوه الحلوه دي
وانا كمان احب اتعرف عليكي
ومبروك للتخرج ياقمر
بصي انا في القصر الفرنساوي شغاله في بنك الدم اسالي عن مني وهما هيوصلوكي ليا اما لو عاوزه برا شوفي نتفق ازاي وانا موش عندي مانع اشوفك بعد الشغل
ومش يضايقني اكيد ياقمرايا
كيارا
ردحذفالبوست دا جميل اوى
وحسيت فيه بمشاعر الامومة بجد
ربنا يديكى ياقمر كل اللى تتمنيه ويفرحك برؤية حبيبة ان شاء الله
السلام عليكم
ردحذفبجد مدونه جميله
وان شاء الله ربنا يحققلك كل امانيكى
وان شاء الله تكونى زوجه صالحه لزوج صالح
ويابخت حبيبه بيكى
انا بخطبه من دلوقتى للانس
هههههه
دمتى فى رعايه الله
ويبقى التواصل
ريم
ردحذفمبسوطه اوي انه عجبك وان الاحساس وصل زي منا حساه
ربنا يكرم كل الناس يارب ويرزقهم بزوج وزوجه وزريه صالحه
المجاهد الصغير
ردحذفوعليكم السلام ورحمه الله وبركاته
الاجمل هو مرورك وربنا يحقق لكل الناس امانياها
وحبيبه دي نور القلب يابختي انا بيها بس تيجي تنور الدنيا
وهييييييييييييييييييييه جه لحبيبه عريس تاني
خطابك كترو يابيبه
كلامك كله صح لازم الجواز بيت بيتبنى عليه العمر ولازم الاساس يكون سليم والاساس هو الاختيار الصح
ردحذفتحياتي لك يا بنت منطقتى
محدش بيختار نصيبه بس انتى اعملى اللى عليكى والباقى على ربنا
ردحذفوحشااااااااااااااااااني يا كيارا وحشاني اوي و مفقتدلكي جدا
ردحذفيا احلامك
ردحذفربنا يحقق أحلامك ويطرح البركة والخير فيمن تنجبيه ويرزقك بالذرية الصالحة..
ردحذفاما بالنسبة للتزوير ..والغش والخداع..لاتخافوا فى الحق لومة لائم ولاترضوا الناس فى معصية الخالق وربنا يبارك..
حلم جميل وعسل
ردحذفزيك كده ياكوكى
ربنا يحققه لكى يارب
ويبقى عندك حبيبة
وحليمة وعظيمة :)
ربنا يرزقك بأجمل حبيبة ويكون أبوها أحسن انسان في الدنيا
ردحذفوالله انتى عسل ياكياراD:
ردحذفربنا يرزقك بالزوج الصالح ومن بعده الذرية الصالحة
وعاجبنى فيكى حتة انك مش عايزة تسمعيها غير القرآن لان فى كتير بيغفلوا عن النقطة دى ..
البوست دا عجبنى اوى يا اجمل كيارا ربنا يارب يكرمك باحلى حبيبه فى الدنيا واجمل ابو حبيبه فى الكون كله ياقمر
ردحذفتصدقى بالله
ردحذففى حاجه نحس هنا
والله والله والله والله كمان مرة
من يوم الجمعه وانا كل يوم ادخل واحاول اعلق تحصل حاجه
على العموم
طبعا انا متفق معاكى فى كلامك لازم ندقق فى الاختيا لاققصى درجه
صحيح مفيش حد معصوم ولا انسان كامل بس فى نفس الوقت لازم يكون فى مقاييس ممنوع نقل عنها والا تبقى كارثه
الرسول صلى الله عليه وسلم قال
تخيروا لنطفكم فان العرق دساس
وطبعا قبل ما يقول لى حد ان الكلام موجه للشباب لازم نعرف ان فى حاجه فى الشرع اسمها القياس وبه يشمل الحكم البنات ايضا
يعنى لازم نشغل عقلنا حبتين هنا بدلما نندم باقى عمرنا
شلى رغيت
ما علينا انت عارفه انى مش باحب ادخل ارمى كلمتين واجرى انما باقول رأيي
ربنا يرزقك بالرجل الصالح وتنجبان معا ذرية صالحة تعينكما على أمور دينكما فى الدنيا وتنفعكما فى الأخرة
تحياتى دوماوابدا
الله عليكي يا كيارا
ردحذفعارفة انا كمان بقعد اكلم بنوتي كده
واكتبلها كتييييييير واعيييييييييييييييييط
:)
وحشاني اوي من قبل ما اشوفها
رغم اني مش من النوع اللي بيحب الاطفال بس بحبها
انا قلت العنوان حبيبه والبدايه نور القلب يبقى كيارا ناويه تتكلم عنى النهارده:)
ردحذفربنا يبعتهالك قريب يارب ويسعدك بيها
ومن رايى الصح اننا ننشأهم تنشأه دينيه صحيحه جدا ونصاحبهم ونقرب منهم بيحث نديهم مبادئ يمشوا عليها واحنا مطمنين وبعدين نسيبهم يشقوا طريقهم عشان يعرفوا الدنيا ويكونوا فكر ورأى وشخصيه مستقله
اخباراتك ايه؟
وحشتنى بوستاتك الجميله دى والله
ردحذفوربنا يستجيب ويرزقنا الأزواج الصالحين يارب :)
مبوسطة جدا اني شوفتك النهاردة
ردحذفواوعي اوعي تتخني تاني
انتي كده جميلة
ربنا يسعدك
أزال المؤلف هذا التعليق.
ردحذفالسلام عليكم
ردحذفربنا يحقق حلمك بس ولد هايكون احسن
كيارا انتي فين بس
ردحذفانا بتغاض اوي لما بلاقيك في مدونات تانية و مطنشة مدونتك و لا بتيجي عندي تطمنيني عنك
بوصي بقى زي ما روحتي للقاء دة عايزاك تحضري اللقاء لي حكون فيه موجودة و لاول مرة هههههه
لا مش نازلة مصر هههه اصل اللقاء مختلف عن اللقاءات المعتادة
اللقاء هو الاول من نوعه
لقاء اون لاين
المهم التفاصيل عندي في المدونة و بجد نفسي اوي اوي انك تكوني منوراه
حستناك تحياتي يا كيارتي
مبسوطة جدا اني عرفتك فى اللقاء يا كيارا
ردحذفوبجد انتى بسكوتة ورقيقة جدا اكتر بكتير من المدونة
مشاعر حلوة اوى
ردحذفحسيت بيها لانى فكرت فيها كتير اوى
يارب يرزقك ب ابو حبيبة زى ما بتتمنيه واحسن كمان
ويرزقك ب أجمل حبيبة فى الدنيا كلها
بأذن الله عشان نعمل منافسة ونشوف مين هيبقااشقى من مين بنتى ولا بنتك
تحياتى