طبعا اتكلمت قبل كدا عن اهمية الدم وتركيب الدم ( ج1 – ج2 )
وقلت ليكو اني هكتب عن تاريخ التبرع بالدم كمان
^^^^^^
من زماااااااااااااااااااااااان وفي محاولات جبارة عشان الموضوع دا
بس بصراحة اول محاولة قريتعن الموضوع دا جالى تلبك معوي عاااااا
^^^^^^
- اول محاولة معروفة للعلاج بالدم كانت محاولة إنقاذ حياة البابا اننوسينت الثامن سنة 1492 م عن طريق جعله يشرب دم مجمع من ثلاث شباب صغار أصحاء و " لعدم المعرفة " فقد مات المتبرعين الثلاث وكذلك البابا " ضحينا بالام والاب والابن عشان الشعب يعيش "
-وفي عام 1615 م عرض " ليبافيس " طريقة لنقل الدم من شريان الى شريان لعلاج مريض منهوك القوى " حلوه منهوك دي اول مره اكتبها " ضعيف يتنفس بصعوبة بالغة ذو حيوية ضعيفة " وكان هذا قبل اكتشاف وليم هارفى للدورة الدموية الذى نشر في عام 1628 م .
- وقد اجري " لووار " اول عملية نقل دم الي حيوان في عام 1665 م .
وقد قام " جان بابتستى دينس " في عام 1667 بأول عملية نقل دم لانسان مريض بإستخدام خروف " خروف نقلوا دم من خروف الحمد لله ان مش في علي ايامهم توكتوك والا كانو نقلوا للمريض منه عاااا " ام هند بعد الخروف نقلو دم لنفس المريض من عجل صغنن مرتين اه ياضنايا مكنش يووووووومك حاسه بيك خدت دم خروف وعجل " المريض شعر بعرق غزيرررررر والم شديد بمنطقة الكليتين " والله كويس انه حس بكدا بس ومش مأمأ ولا حاجه "… وكان هذا الوصف اول وصف لحالة تكسير لكرات الدم الحمراء نتيجة النقل الخاطئ للدم .
وبموت احدى مرضاه تم منع إجراء نقل الدم بفرنسا .
ركزو معايا هما كمان كانو بينقلوا دم من غير مايعرفو هو فصيلته ايه ولا تحليل ايه يعني ولا بلاش تعالو نكمل احسن :)
- ومر 150 عام قبل ان يسجل " بلونديل " اول محاولة ناجحه لنقل الدم من انسان الي اخر تلتها بعد ذلك محاولات كثيرة بعضها ناجح والاخر فاشل دون ان تستطيعوا تفسير ذلك وظل الامر كذلك حتى اكتشف " لاندشتاينر " سنة 1900 م فصائل الدم الاربعة الرئيسية " ABO" وهنا تم تفسير حدوث عدم التطابق وتكسير الدم بعد نقله الخاطئ .
حلوووو اديبنا وصلنا للفصائل عقبال يارب اختبار الكروسماتش والثيرولوجى .
-في عام 1907 اقترح العالم " هيكتون " إجراء اختبار توافق بين دم المريض ودم المتبرع قبل نقله للمريض لزيادة امان نقل الدم عن طريق استبعاد الدم الغير متوافق .
-وكان " روبين أوتينبرج " اول من قام بنقل دم باستخدام تحديد الفصيلة واجراء اختبار التوافق وقد لاحظ ان فصيلة "O" يمكن استخدامها كمعطى عام لجميع المرضى بإختلاف فصائلهم
- وفى عام اوضح الدكتور " روجر لى " والدكتور " بي دى وايت " ان المريض ذو الفصيلة "AB" يمكن ان يتلقى دم من اي فصيلة اخرى اي اننا يمكن ان نعتبرها مستقبل عام .
^^^^^
_ كان اكتشاف الدكتور ريتشارد ليوسوهن مادة سترات الصوديوم عام 1915 وتقديم العالمان " فرانسيس روس و جى ار تيرنر محلول السترات – جلوكوز كمادة امنة وفعاله لمنع التجلط .. بدايــــة الطريق لتخزين الدم بعد تجميعه من المتبرع مما مهد لظهور اول بنك لحفظ الدم سنة 1917 في فرنسا اثناء الحرب العالمية الاولى بميدان القتال علي الخطوط الامامية بواسطة الكابتن رائد" اوزوالد روبرتسون" طبيب كندى متطوع في الجيش الامريكى وعالم الباثولوجى " فرانسيس بايتون رووس "
وتوالى بعد ذلك انشاء مراكز حفظ الدم في لندن وموسكو وروسيا ومصر
معلش بئا هفتخر في الحتة دي شويه وهتخدنى بئا الجلالة شوية نياهاهاها
والجدير بالذكر ان تفخر الاسكندريه بان نشأ بها اول مركز لنقل الدم في مصر بل وفي الشرق الاوسط كله في شهر اكتوبر عام 1932 حيث لم تكن توجد مراكز لنقل الدم الا في باريس وليون ولندن وموسكو ونيويورك ويرجع الفضل في ذلك الي الدكتور كارلو بنتو رئيس جمعية الاسعاف .
وفي عام 1937 انشأ د. بيرنارد فانتيس اول مركز نقل دم ملحق بمستشفى بالولايات المتحدة بمستشفى مقاطغة كوك بشيكاغو وكان هو اول من اطلق مصطلح " بنك الدم " علي مراكز حفظ ونقل الدم
^^^^^
الجزء الجاي هقول بئا موضوع تحاليل الفيروسات وRH اه لان كان كل اللي فات ومش بيتعمل تحاليل والمرضي بيجلهم عدوى فيروسات
^^^^
يتبع
حلو قوي قوي قوي وميرسي علي المعلومات المهمة قوي قوي قوي
ردحذفحلوة حكاية الصورة بتاعت التعليق دي
التكنولوجيا رهيبة موت الايام دي :)
و كنا قبل أمريكا فى نقل الدم
ردحذفصقفوا يا ولاه
طبعا بوست ممتع و جميل
و مفيد
ربنا يعوض تعبك يا كيارا
طيب ده كلام كويس والله
ردحذفمعلومات جميله
عادل
ردحذفيارافع منعوياتي
انا والله حاولت اني اخفف حدته عشان الناس مش تزهق بس
مبسوطة انه عجبك
وايه رايك بئا في الصورة تكنولوبيا ايه عثل ؛)
رامي
ردحذفشفت بئا التقدم :)
والله فرحانه انه عجبك :)
ياااااارب
قبلاوي
ردحذفميرسي ربنا يكرمك
دمت بود
تسلمي علي الموضوع الجامد يا كيارا الخير
ردحذفربنا يجعل كل معلومة قرناها في ميزان حسناتك .
ربنا يكرمك يااااااارب
ردحذف:)
اكتليها
ردحذفمعلومات قيمة وخصوصا بالنسبة لواحد معلوماته فى البيولوجى صفر وصفر كبير كمان
تحياتى دوما
وما تنسيش ترتبى اللقاء على ما أرجع وتبلغينى بيه
هههههههههههههه بق كدا تهون عليك العروسة :)
ردحذفوالحمد لله ان المعلومات نالت تقديرك
بالنسبه للقاء دا انا محرجه اجمع الناس بصراحه اقولهم ايه السبب انا مش عاوزه حد يعرف عشان بتحرج :)
المعلومات مفيدة جدااا خصوصا جزئية محاولات نقل الدم من الحيوانات ومش فاهم ليه فكرو ينقلو من الحيوانات ومش من الانسان !!
ردحذفالعلم طريقه طويل فعلا
تحياتى
ممكن يكونو فكرو في دا عشان كانت اول تجربة مات فيها التلات شبان
ردحذفوالله اعلم بردوو
فعلا طريق العلم طويل جدا
كل سنة وانت واينو طيبين وبخير يارب :)
شكرا كيارا على موضوعك الجميل والقيم
ردحذفانا اول مره بزور مدونتك بس مش هتكون الاخيره
مدونتك رائعه متلك
تحياتي
ازيك ميس مساء الخير وكل عام وانتم بخير
حذف:))
ردحذفازيك القاعده كانت نقصاكي بجد وذكرتي بالخير
عارفه رغم اهمية الموضوع وجماله ومجهودك الواضح فيه
الا اني بجد ضحكت وقلت هو الشعب المصري
عنده دم لسه
اهتقد ان في جزء كبير عايش من غيره
والا ايه قولك ياكوكو
تحياتي
موضوع رائع ومعلومات قيمة
ردحذفوالحمد لله اننا ما عاصرناش تلك الفترة من مراحل التبرع بالدم
جزاكى الله خيرا
وكل سنة وانتى طيبة
تحياتى
السلام عليكم ...
ردحذفجزيتِ خيرا ياقمر على جهدك..
..
التبرع بالدم أمر طيب
ياريت أقدر اتبرع عاااا
أنا عايزه إلي يتبرع لي ..
...
تعرفي عندنا في الإمارات يوجد إجازه خاصه للمتبرع بالدم وتولي الدوله التبرع بالدم إهتمام كبير ...
..
دمتِ بخير
بوست هايل بجد ومفيد موووووت تسلم ايدك
ردحذفمتابعه
ردحذفاستمري في الحمله دي
تحياتي
ه9ههههههههههههههه
ردحذفاكتليها
وعاوز اشوف طرطشه الدم
على الشاشه
ياه
فعلا يارب يكرمك
اول مره اعرف
تاريخ
نقل الدم
ياااه
كانوا بيجربوا فى البشر
الحمد لله
احنا فى العصر الحديث بقه
جعله الله فى ميزان حسناتك
ميس فلسطين
ردحذفنورتيني باول زياره بجد
ميرسي ليكي
شمس النهار
ردحذفوحشاااااااااااااني ياشموستي
وبجد موتيني من الضحك
علي رايك اغلبه يلا الحمد لله
كان نفسي اجي بس انتي عارفه الظروف :)
همس
ردحذفميرسي ربنا يكرمك
وطبعا الحمد لله اوووووووي
كل سنة وانت طيب
وعليكم السلام ورحمه الله وبركاته
ردحذفربنا يكرمك يارب
فعلا التبرع اصلا مهم جدا
ياريت عندنا يهتموا بيه كدا
ادم
ردحذفربنا يكرمك يارب
دمت بود
فتاه من الصعيد
ردحذف:) حاضر ياقمررر
محمود
ردحذفهههههههههههههههههه ليه مش هتصعب عليك ؟؟
اه شفت الراجل اللي شرب الدم ولا اللي ادوله دم من خرووف :)
الف حمد وشكر ليك يارب
معلومات جميله اوى
ردحذفالناس قلبها وجعها علشان التبر بالدم
وانا كنت فار نفسى ببذل اكبر جهود لانى بروح استلقى على شيزلونج ويركبوا كيس هايدلينا فى ايدى ربع ساعه وخلاص
اتارى الواحد كان عايش غلط ولا ايه
البوست فعلا جميل اوى
تحياتى
أنا قولت اجى اسلم
ردحذفوأقول لحضرتك كل سنة وانتى طيبة
السلام عليكم
ردحذفكيف حالك كيارا لعلك بخير ..
لا زلت أؤكد سهولة ويسر توصيل المعلومة تصلحين معلمة كبيرة ..
ومافيش داعي للدم ولا الجتل وها نكتب رد بالذوج ( الذوق يعني )
تحيتي
ما شاء الله طريقة العرض حلوة جدا ومش مملة بالعكس مسليّة وتخلينا نكمل قراءة.. :) ..
ردحذفجزاك الله خيرًا..