انا كيارا البنوته الشقيه اللى واخده الدنيا حضن كبير اصبحت حاصله علي لقب اخر عكس كينونتى
مش قصدى انه حاجه وحشه قصدى انه هم
اه هم وهم كبير خصوصا في وطن مشوه ﻻ يحمل سوى افكار سابقه العهد
كينونتى طفله مش بتحط في دماغها هم ودا هم واكبر هم
مر عليا سنة صعبه بكل المقاييس لكن صممت مفضلش في حياه مش حياتى مش اللى اتربيت عليه
قررت الطﻻق والحقيقه لقيت اهلى في ظهري وساعدونى احصل علي احلى حريه
كان ممكن مع اﻻستمرار يحصلى كوارث مينفعش تتصلح
لكن
ربنا كبير واى حاجه كبيره علينا عليه كن فيكون
بس كنت فاكره ان دا نهايه مشوار المعافرة وتبقي سنة وراحت وخلصت
معرفش انى هدخل في ماساه اكبر
وهو المجتمع
وبقدره قادر تحولت البنوته الرقيقه اللى مبتستحملش حد يزعل منها وتفضل تزن لحد ما تصالح الزعﻻن
بقي من كتر الوجع بقي مبدا في حياتها اللى عاوز يزعل عنده مليون حيطة
اللى عاوز يفارق عنده الباب مش هجري وراه
ودا بسبب تغير تفكير الناس
لو ضحكت ابقي قليله اﻻدب وقصدى انى اخطف الرجاله
لو اهتميت بنفسي ابقي زى الطاووس عاوزة ابهر اللى حواليا
يخربيت قرف الناس اللى تفكيرها كده
ليه محدش بيفكر ان من كتر الحزن اللى جوايا مش عاوزة ابين دا
ليه مبتحسوش باللى جوه وباصين برا
اكتر وجع مريت بيه مش وجع السنه اللى ضيعت حياتى وﻻ اﻻنفصال
هو خﻻص برمجة الناس حتى المقربين ان ادام منى بقت مطلقه يبقي ﻻزم تتحط في الدايرة هناك
ملهاش اى حقوق اخري
انا مطلقه وليا حقوق وهقف في وش الجن وهاخدها غصب عن اى حد
انا مطلقه وهفضل واقفه علي رجلى قويه
انا مطلقه وهعيش زى ما احب اعيش
انا مطلقه وبس
لا تفقدي روحك الجميله و قلبك المحب و عفويتك المعهودة كلنا عرفنا من تكوني منذ اكثر من 7سنوات كنتي فيهم الابنه و الصديقه و كنتي لنا البهجة و الفرحه
ردحذفليست نهاية العالم و لا نهاية الحياه تجربة لم تثمر عن توافق و انقضت و ليس من المنطق الاستمرار في اهدار النفس خوفا من نظرات مريضة اجبن من ان تقرر لنفسها
حياتك سوف تستمر ان شاء الله بسعادة و اباء شريطة ان تتجاهلي ضيقي الافق و ضحالة تفكير السفهاء
انتِ انسانة أولاً وأخيراً وليكِ حريتك تعيشي حياتك زي منتِ عاوزه بالشكل اللي تحبيه ويريحك
ردحذفارمي كلام الناس في أقرب زبالة، ركزي ازاي تبقي سعيده؟ ازاي تبسطي نفسك؟ وبسسسس
كيارا العزيزة... فات وقت طويييل جدا منذ اخر مرور لي هنا كانت صدمة معرفة ما حدث لكن اقول قدر الله وما شاء فعل هو وحده يعلم الخير .. تمسكي بحقوقك في الحياة ولا ترضي باقل منها ارضاء لاحد .. دمتي بخير
ردحذفالصديقة العزيزة الكيوته . كيارا
ردحذفمش عارف ليه جيتي علي بالي كده وانا قاعد بششب شاي احمدتي . ويا ريتني ما افتكرتك !
ادخل الاقيكي متخانقة مع المجتمع وصوتكو جايب اخر الشارع . فين كيارا اللي كانت بتيجي تقعد علي قهوة المدونين وتضرب باراء الناس عرض وطول الحائط ؟
طب اجيبلك محاسن صابر تفكرك
اجيب هريدي ولا رامي شهاب ولا مين ولا مين ولا مين ........
دا احنا كبيرنا اووي وعدي علينا سنين . تصدقي كانت احلي ايام وذكريات التدوين الاولي .
طب فاكرة لما طلعوا عليكي اشاعه وانا صدقتها ودخلت سيحتلك وقولتلك عشان ترضي غرورك وتدهني الحيطة بتاعه شقتكو تقلبي المدونة ...... غرزه .
كيارا . خلي الذكريات الجميلة هي اللي في بالك واوعي تخلي حاجة تغيرك من جواك او تكسرك . خلي دايما الامل ليها ملامح ويبقي اعز صديق ليكي
تقبلي تحياتي
مخنوك - كالعاده - كيك
كويس انك ماخدتيش لقب أرمله
ردحذفكانت الناس هاتقول انك قتلتيه عشان تتجوزي غيره
أحنا شعب بلا بلا بلا