الموضوع رائع وطرحه سلس جدا ياحبيبتي
في نقاط مهمه لازم منغفلش عنها في الموضوع
هي مرتاحه نفسيا لحماتها ولا لا
هي مشدوده للعريس ده ولا لا
انه عارف تصرفات والدته وكان عنده الطريقة المناسبه للتعامل
انا لما بحب حد بحب اجبله كل حاجه حلوه حتى لو هقلل من متطلباتي عشان اجبله هو
فاذن لو انا حباها وحباه مش هيكون عندى اي غضاضه في تصرف حمات البنت
بالعكس هختار معاها
طيب لو انا العكس هنسحب
لان ربنا امرنا بالتعامل الانساني ( الموده والرحمه واللين )
كل هين لين ده له ثواب من ربنا
مش عندي الخبره الكافيه للتعامل الانساني لاي تصرف مش عاجبني
وهبدا اعمل مشاكل نفسيه وانسانيه بين ام وابنها بسبب تصرفات غير مرضيه
يبقي انسحب
طالما مش هحترم انسانه تعبت اوي علي ما طلعت الراجل اللي بربط اسمي بيه
يبقي انسحب
لكن هكبر لعلاقه وجوديه من قديم الازل في رابط متين بين الام واولادها الا من رحم ربي
يبقي تكمل
الفكره مش تكمن في حماتها لاني مينفعش افكر اغير في انسانه تخطت من العمر ما يكفي لعدم التغيير
الفكره تكمن في البنت
هل هتعرف تتعامل بذكاء وحب وموده ولا لا
قلبك بيشوف الحقيقه .. الخوف والشك بس هما اللي بيعموا