ده مش بكون محتاجه حاجه
وانزل من البيت ياترى هاصرف الفلوس النهارده في ايه
غير بقي هوس الهيلزات
والشنط الجلد الطبيعي
اللي هو مره نسيت نفسي وانا في المحل وبشم الشنطه
بلاش منظر الروج عندى الدرجه لكذا براند
وأشوف اللون احس اني هاكله من جماله
ولا الوان المارنكيير
وساعات اجيب ازايز فاضيه
واقعد اخلط الألوان عشان اطلع بلون مانكيير من ابتكارى
وأحس الانتشاء كده
طب الفساتين
المحافظ الجلد انا بجيبهم ومبلحقش امسكهم
الإدمان الكبير بقي النحاس والفضه
لسه مكلمه صديقتي اني بفكر نتشارك
وهمول المشروع بس هنزل معاها
صوتت في الكافيه
قالتلي يبقي هتجيبي الحاجه ليكي م هانشتغل
التقيل بقي
حب ما هو قديم
فضه قديمه
مصنوعات قديمه بالصدف
ده في واحده كانت هتعمل تعديل ٣ خواتم فضه قدامى
اتحايلت اشتريهم زي ما هما وهي تعمل ديزاين جديد
الهاند ميد وجماله وقيمته الذهبيه
متخيل ان محفظه تاخد بالمكنه عشر دقايق صناعه قصاد محفظه ممكن تعمل فيها اسبوع
بقالي سنين بحاول اسيطر
لدرجه ان اقول مش هنزل غير بفلوس المواصلات
الاقي حاجه تخطفني كده واللي بيبيعوا عشان عارفني وواثقين فيا يحلفوا اخدها وأديهم الفلوس بعدين
كنت شوفت فيلم عن بنت بتحب الشوبينج
وكانت بتقعد في جلسات علاجيه عشان تبطل
ومفيش فايده
هما جابوا في الاخر انها حبت واحد وقدرت تسيطر بس انا فعلا بحس زي ما الفيلم وصف
البرودكت بيناديك ويكلمك وريحته بتخترقك لأعمق جزء فيك
لنفسك اللي مش متشافه حتى منك
انا بحس بكل حاجه بشتريها
كأنها اتعملت عشان تبقي ليا
أتعالج ازاي
عاوزه حلول الفيزا لما بتفضى
بخاف ماما تهزقني لما تعرف 😂😂😂😂😂😂😂😂😂😂😂
اصلا
قلبك بيشوف الحقيقه .. الخوف والشك بس هما اللي بيعموا