طبعا انا واحده نشأت في عائله تحب الجمال والاهتمام بالنفس نفسيا وجسديا
مهتمين بنفسنا علي الاخر
من ضمن الأساسيات اني مش بستحمل اشوف اي ديفوهات
فكان روتين النزول
الفونديشن والبودر والبلاشر حتي لو مش هحط حاجه زي الروج والأيلاينر والماسكرا
تقريبا ١٨ سنه فونديشن وبودره
عشان بس اخفي اثار الحبوب 😢😢
وكل شويه اروح اكشف واخد علاج ومفيش اي فايده
وبعد ١٨ سنه من عمرى وتجارب ومحطات نفسيه
عرفت ايه الغلط اللي كان موجود
اني اصلا معنديش ثقه في نفسي
اني مش متقبله نفسي
نقطه وبنلف حواليها
من ضمن الحاجات اللي بشتغل عليها بعد اكبر انتكاسه من ٨ سنين
اني احب نفسي مهما كان عندى سلبيات
اني اشتغل علي السلبيات عشان اوصل للسلام النفسي
اني لا اكترث للأخريين بارئهم بكلاكعيهم ببابا غنوجهم
قررت الصيف ده انزل بدون فاونديشن وبردو وهيلايتر
انزل غاسله وشي وصن بلوك وبس
اكتشف ان لما عملت كده حبيت نفسي اكتر
اتصالحت معها اكتر
لاني بشوفها مباشره من غير الحواجز
بشوف لونى
اللي استغربته لما اتقالي وشك منور ❤️
الخلاصة
اني حطيت كذا هدف من اول ٢٠١٩
اشتغل عليهم وده كتبته في الاكونت الأساسي
انا وصلت ل ٦٠ ٪ منهم
وده بالنسبه ليا إنجاز
أتمنى ربنا يقدرني علي الجزء اللي فاضل
عشان ابدا ٢٠٢٠ بأهداف أخرى
انزل غاسله وشي وصن بلوك وبس
ردحذفاكتشف ان لما عملت كده حبيت نفسي اكتر
اتصالحت معها اكتر
لاني بشوفها مباشره من غير الحواجز
بشوف لونى
اللي استغربته لما اتقالي وشك منور ❤️
صح دى بالضبط الخلاصه اتصالحت مع نفسى والله العظيم مافى اجمل من اللى ربنا خلقنا عليه بمجرد ما يد بشريه تدخل فى اى شيئ صنعه الله عز وجل بتفسدة لان صنع البشر مش هاتبقى زى صنع الخالق ابدا
ربنا سبحانه وتعالى صنع الفاكه كالعنب وذكره فى صورته المطهرة فالما تدخلت اليد البشريه فيه بغرض التعديل خمرته وافسدته وصنعت منه الخمر فااصبح محرم.. هى نفس الفاكه اللى كرمها الله بس كرمها بخلقته هو لا بتعديل البشر
بوست جميل احسنتى مانسجته اناملك
تحياتى الى شخصك الكريم
ايه الاهداف اللي بتحقق دي ؟ ومين دي يا كوكي ؟
ردحذفاوعي تفقدي الثقة في نفسك ابدا . والطريق ده بدايته انك تكون مجنون
هزري واضحكي . عشان ثقتك في نفسك تزيد . ملكيش دعوة بحد ابدا
اوعي اسمع عنك انك زعلانه .
وعايزين موضوع الفتره اللي جايه عن طريقه عمل الكيكة عشان الكرش يكبر والثقة تكبر معاه
تحياتي
محمود حسن العدل
ردحذفمعاك حق والله
شكرا لكلامك بجد
مخنوق كيك انت فين ياعم من سنين
ردحذفبعدين لا تقلق كيارا قدها بعون ربنا ومشيئته