يغير الله من حال لحال في اقل من الثانية
لو حد كان قال ليا انتي كل سنة هتقضي رمضان في مكان
هقوله كداب ازاي ومش ازاي ومش ممكن يحصل
يوم 1 مارس 2018 كنا بعنا بيتنا واجرنا مكان وعيشنا فيه 6 شهور
وده المكان اللي قضيت فيه رمضان 2018
وبعدها انتقلنا الي مكان اخر يوم 1 سبتمبر 2018 وكان علي المحاره
اتاسس بشقى وقضيت رمضان 2019 فيه
ويشاء الرحمن اتجوز اخر 2019 فاقضي رمضان 2020 في بيت اخر
في ثلاث سنوات ربنا علمني دروس كتير اوي
ان حتى لو كانت ديوني ملئ الارض
وهمومي لعنان السماء
وصحتى ونفسيتي لا يرثى لها
انا كنت كل حاجه تحت الصفر
بس ربنا مش صفر ربنا الواحد القهار
قادر يحول الحال في لحظه
خرجني من الضيق للبراح
علمني ان لما احتاج حاجه مفكرش
ادعى واسعى ، ادعى واسعى
وهو هيحلها ويفرجها
الحمد لله حمدا كثيرا طيبا مباركا فيه
اللهم بارك واحفظ نعمتك
اللهم سدد ديون الجميع
اللهم افرج همومهم
اللهم ارح بالهم
اللهم نور قبور احبائنا
وارزقهم الفردوس الاعلي
قلبك بيشوف الحقيقه .. الخوف والشك بس هما اللي بيعموا